ఓటీటీలోకి అందమైన ప్రేమకథ.. మరోసారి డీ గ్లామర్‌ రోల్‌లో అదరగొట్టిన అనసూయ.

Prema Vimanam

నేరుగా ఓటీటీ వేదికగా విడుదలవుతోన్న సినిమాల సంఖ్య రోజురోజుకీ పెరుగుతోంది. ప్రముఖ నిర్మాణ సంస్థలన్నీ ఓటీటీ వేదికగా నేరుగా మూవీస్‌ను విడుదల చేస్తున్నాయి. ప్రేక్షకుల నుంచి కూడా ఈ సినిమాలకు పెద్ద ఎత్తున ఆదరణ లభిస్తోంది. ఈ క్రమంలోనే తాజాగా మరో ఇంట్రెస్టింగ్ మూవీ ఓటీటీ వేదికగా విడుదలకు సిద్ధమవుతోంది. అనసూయ గెస్ట్ రోల్‌లో నటిస్తోన్న తాజాగా చిత్రం ప్రేమ విమానం. జీ5 వేదికగా ఈ సినిమా స్ట్రీమింగ్ కానుంది.

అక్టోబర్ 13వ తేదీన జీ5 ఓటీటీలో ఈ సినిమా స్ట్రీమింగ్ కానుంది. స్ట్రీమింగ్ విడుదల దగ్గరపడుతోన్న నేపథ్యంలో తాజాగా చిత్ర యూనిట్ ప్రేమ విమానం ట్రైలర్‌ను విడుదల చేసింది. తెలంగాణలోని పల్లెటూరు నేపథ్యంలో సాగే ఫీల్‌ గుడ్‌ లవ్‌ స్టోరీగా ఈ సినిమా తెరకెక్కినట్లు ట్రైలర్‌ చూస్తే అర్థమవుతోంది. 2.24 నిమిషాల నిడివి ఉన్న ‘ప్రేమ విమానం’ ట్రైలర్‌ పూర్తిగా హ్యూమన్ ఎమోషన్స్‌తో కూడుకుంది. మనుషుల మధ్య ఉండే భావోద్వేగాలను ఈ సినిమాలో అందంగా చూపించినట్లు స్పష్టమవుతోంది. సంతోష్‌ కాటా దర్శకత్వం వహించిన ఈ సినిమాను అభిషేక్‌ పిక్చర్స్‌ నిర్మించింది.

ప్రేమ విమానం ట్రైలర్‌…

ట్రైలర్‌ విషయానికొస్తే.. పెద్దింటి అమ్మాయి, పేదింటి అబ్బాయి మధ్య ప్రేమ కథగా ఈ సినిమా తెరకెక్కినట్లు స్పష్టమవుతోంది. ఇక ఇందులోనే ఇద్ద‌రు చిన్న పిల్ల‌లకు విమానం ఎక్కాల‌నే కోరిక పుడుతుంది. పేదింటికి చెందిన చిన్నారులకు అసలు విమానం ఎక్కాలనే కోరిక ఎందుకు వస్తుంది.? ఆ కోరికను తీర్చుకోవడానికి వారు ఏం చేశారు.? అన్న అంశాలను ట్రైలర్‌లో ప్రస్తావించారు. అదే విధంగా ఇద్దరి ప్రేమ కథ చివరికి ఏమైందన్న అంశాలను సినిమాలో చూపించనున్నారు. ఇదిలా ఉంటే ఈ సినిమాలో అనసూయ గెస్ట్‌ రోల్‌లో మరోసారి అదరగొట్టింది. పూర్తిగా డీగ్లామర్‌ రోల్‌లో మరోసారి సహజ నటనతో ఆకట్టుకుంది. అనూప్‌ రూబెన్స్‌ సంగీతం అందిస్తున్న ఈ చిత్రానికి జగదీష్ చీటి కెమెరామెన్‌గా పని చేశారు.

మరిన్ని సినిమా వార్తల కోసం క్లిక్ చేయండి..