Hyderabad Crime News: హైదరాబాద్‌లో దారుణం.. బ్లాంకెట్‌లో నగ్నంగా మహిళ మృతదేహం.. చెరువులో పడేసేందుకు యత్నం..
Hyderabad Crime News: హైదరాబాద్‌లోని హయత్ నగర్‌లో దారుణం వెలుగు చూసింది. ఓ మహిళ మృతదేహాన్ని గుట్టు చప్పుడు కాకుండా చెరువులోకి పడేసేందుకు...
Updated on: Sep 24, 2021 | 7:50 AM
Hyderabad Crime News: హైదరాబాద్‌లోని హయత్ నగర్‌లో దారుణం వెలుగు చూసింది. ఓ మహిళ మృతదేహాన్ని గుట్టు చప్పుడు కాకుండా చెరువులోకి పడేసేందుకు యత్నించారు ఇద్దరు యువకుడులు. అది గమనించిన స్థానికులు వారిని అడ్డుకుని పోలీసులకు సమాచారం అందించారు. ఈ ఘటనకు సంబధించిన వివరాలు ఇలా ఉన్నాయి. హయత్ నగర్‌లోని తొర్రూరు రోడ్డులో ఉన్న బాతుల చెరువు సమీపంలో ఇద్దరు యువకుడు ఓ మహిళ మృతదేహాన్ని బ్లాంకెట్‌లో చుట్టి తీసుకువచ్చారు. ఆ మృతదేహాన్ని చెరువులో పడేసేందుకు ప్రయత్నించారు. అయితే, అది గమనించిన స్థానికులు వారిని అడ్డుకున్నారు. మృతదేహం ఎవరిది, ఎక్కడిది అంటూ నిలదీశారు. మృతదేహంపై దుస్తులు లేకపోవడం, పొంతన లేని సమాధానం చెప్పడంతో యువకులిద్దరినీ స్థానికులు చితకబాదారు.
హత్య చేసి తరలిస్తున్నట్లుగా అనుమానించారు. వెంటనే పోలీసులకు ఫోన్ చేసి.. సమాచారం అందించారు. పోలీసులు ఘటనా స్థలానికి వచ్చి యువకులను అదుపులోకి తీసుకుని మృతదేహాన్ని పరిశీలించారు. ఏం జరిగిందని ప్రశ్నించగా.. వినోద్ అనే యువకుడు.. తమది ప్రేమ వివాహం అని, ఆమె తన భార్య అని చెప్పుకొచ్చారు. అయితే, ఎలా చనిపోయిందని ప్రశ్నించగా క్లారిటీ ఇవ్వలేదు. దాంతో వారిని అదుపులోకి తీసుకుని పోలీస్ స్టేషన్‌కు తరలించారు. మహిళ శరీరంపై దుస్తులు కూడా లేకపోవడంతో అనుమానం వ్యక్తం చేసిన పోలీసులు.. ఆ మేరకు కేసు నమోదు చేసుకుని దర్యాప్తు చేస్తున్నారు.
Also read:
Love Story Twitter Review: ‘లవ్ స్టోరీ’ సినిమా ట్విట్టర్ రివ్యూ వచ్చేసింది.. మూవీ ఎలా ఉందంటే…
