Crime News: వారి టార్గెట్ బ్యాచిలర్స్.. యువతులతో నగ్న వీడియో కాల్స్.. ఆపై.!
ఈ మధ్యకాలంలో ఇంటర్నెట్ వాడకం ఎక్కువైపోవడంతో మోసం చేసేవాళ్లు తెలివి మీరిపోతున్నారు. తమ పంధాను ఎప్పటికప్పుడు...
ఈ మధ్యకాలంలో ఇంటర్నెట్ వాడకం ఎక్కువైపోవడంతో మోసం చేసేవాళ్లు తెలివి మీరిపోతున్నారు. తమ పంధాను ఎప్పటికప్పుడు మార్చుకుంటూ అమాయకులను ఇట్టే మోసం చేస్తున్నారు. తాజాగా ఓ కిలాడీ జంట ఏకంగా 200 మందిని మోసం చేసి సుమారు రూ. 22 కోట్లను దోచేసుకున్నారు. ఆలస్యంగా వెలుగులోకి వచ్చిన ఈ ఘటన ఉత్తరప్రదేశ్‌లో చోటు చేసుకుంది. ఆ వివరాలు ఇలా ఉన్నాయి.
ఉత్తరప్రదేశ్‌లోని ఘజియాబాద్‌కు చెందిన స్వప్నా, యోగేశ్ భార్యాభర్తలు. వీరిద్దరూ కూడా కష్టపడకుండా ఈజీ మార్గంలో డబ్బులు సంపాదించాలని ఆశ పడ్డారు. ఆ ఆలోచన వచ్చిందే తడువుగా ఇంటర్నెట్ ద్వారా తమకు పరిచయమైన ఆస్ట్రేలియాకు చెందిన ఓ వ్యక్తిని సలహా అడిగారు. నగ్నంగా వీడియో కాల్స్ మాట్లాడుతూ.. వాటిని రికార్డు చేసి బాధితుల నుంచి డబ్బులు లాగొచ్చునని ఆ కేటుగాడు.. వీరికి సలహా ఇచ్చాడు. దీనితో స్వప్నా, యోగేశ్ ఈ దందాలోకి దిగారు.
కొంతమంది యువతులకు వీడియో కాల్స్ ఎలా మాట్లాడాలన్న దానిపై స్వప్న శిక్షణ ఇవ్వగా.. యోగేశ్ వ్యక్తుల వివరాలు సేకరించేవాడు. మొదటిగా ఓ వెబ్‌సైట్ సాయం తీసుకుని ఈ జంట నగ్నంగా వీడియో కాల్స్ చేసేవారు. కాల్ చేయాలంటే ముందుగానే నిమిషానికి రూ. 200పైగా చెల్లించాలని బాధితులకు చెప్పేవారు. ఇలా తమ దందాను షూరూ చేసి ఈ జంట క్రమేపీ డబ్బులు సంపాదించడం మొదలుపెట్టింది. అయితే ఆ తర్వాత ఈ జంట వెబ్‌సైట్‌కు చెల్లించే మొత్తం కంటే తక్కువలోనే వీడియో కాల్స్ చేస్తామంటూ బాధితుల నుంచి ఫోన్ నెంబర్లు సేకరించేవారు. వాట్సాప్ లేదా ఇతర సామాజిక మాధ్యమాల ద్వారా వీడియో కాల్స్ చేసి అవతల వారు నగ్నంగా మాట్లాడేలా చేసేవారు. తద్వారా ఆ కాల్‌ను రికార్డు చేసి అడిగినంత డబ్బులు ఇవ్వాలంటూ బాధితులను బెదిరించేవారు.
కాగా, గత రెండేళ్లుగా ఈ దందా సాగిస్తూ బాధితుల నుంచి సుమారు రూ. 22 కోట్లను దోచుకున్నారు ఈ కిలాడీ జంట. నగ్నంగా వీడియో కాల్స్ చేసి మాట్లాడే యువతులకు నెలకు రూ. 25 వేలు.. కేవలం మెసేజ్‌లు చేసేవారికి రూ. 15 వేలు జీతాలు చెల్లించేవారు. ఓ కంపెనీకి చెందిన ఉద్యోగి సుమారు రూ. 80 లక్షలు సంస్థ ఖాతా నుంచి మాయం చేయడంతో.. ఆ కంపెనీ యజమాని గుజరాత్‌లోని రాజ్‌కోట్ పోలీసులకు ఫిర్యాదు చేశారు. దీనితో ఈ జంట దందా వెలుగులోకి వచ్చింది. ఇక ఈ కేసులో భార్యాభర్తలతో సహా మరో ముగ్గురు యువతులను పోలీసులు అరెస్ట్ చేసి రిమాండ్‌కు తరలించారు.
ఇవి చదవండి:
Viral Video: చెరువులో ఈత కొడుతున్న వ్యక్తి.. అంతలో మొసలి మెరుపు దాడి.. చివర్లో ట్విస్ట్ అదుర్స్.!
Viral: సరదాగా 4 గంటలు పబ్‌లో గడిపారు.. మద్యం సేవించారు.. చివరిగా బిల్లు చూసి నోరెళ్లబెట్టారు!
Garuda Puranam: ఈ 3 అలవాట్లు వెంటనే మానేయాలి.. లేదంటే కష్టాలు తప్పవు.!