Viral Video: చెరువులో ఈత కొడుతున్న వ్యక్తి.. అంతలో మొసలి మెరుపు దాడి.. చివర్లో ట్విస్ట్ అదుర్స్.!
అమెరికాలో ఎలిగేటర్‌ మొస‌ళ్ళు భారీ ఆకారంతో భయం గొలుపుతాయి. దూరం నుంచి చూస్తేనే భ‌య‌ప‌డిపోతాం. మరి అంతటి భారీ ఆకారంతో...
అమెరికాలో ఎలిగేటర్‌ మొస‌ళ్ళు భారీ ఆకారంతో భయం గొలుపుతాయి. దూరం నుంచి చూస్తేనే భ‌య‌ప‌డిపోతాం. మరి అంతటి భారీ ఆకారంతో ఉన్న ఆ మొసలి మన దగ్గరలో కనిపిస్తే.. సరిగ్గా ఇలాంటి పరిణామమే ఓ వ్యక్తికి ఎదురైంది. ఇంచక్కా కొలనులో ఈత కొడుతున్న ఓ వ్యక్తిని అనుకోని అతిధిలా ఓ మొసలి వచ్చి పలకరించింది. ఆ వ్యక్తిపై మొసలి మెరుపు దాడి చేసింది. నీళ్లలో మొసలికి వెయ్యి ఏనుగుల బలం ఉంటుందంటారు. అలాంటిది వ్యక్తిపై దాడి చేస్తే ఇంకేమైనా ఉందా.. ప్రాణాల మీద ఆశ వ‌దులుకోవాల్సిందే. అసలు మొసలి ఒక్క‌సారి అటాక్ చేసిందంటే ఇక వ‌ద‌ల‌దు. ఏనుగునే త‌న బ‌లంతో లాగేంత శ‌క్తి దానికి ఉంటుంది.
వైరల్ వీడియో ప్రకారం.. చెరువులో ఈదుతున్న ఓ వ్యక్తిపై ఎలిగేటర్‌ అటాక్ చేసింది. ఈ ఘ‌ట‌న బ్రెజిల్‌లో చోటు చేసుకుంది. ఓ టూరిస్ట్ ప్రాంతంలో ఉన్న చెరువులో ఓ వ్యక్తి ఈత కొడుతున్నాడు. వెనుక నుంచి వేగంగా పెద్ద మొసలి అత‌డి వైపు వ‌చ్చింది. మొసలి రావ‌డాన్ని ఆ వ్యక్తి చూడకపోగా.. మొసలి అతడిపై మెరుపు దాడికి దిగింది. అయితే చివర్లో దానికి నీటిలో ఏం అడ్డు తగిలిందో తెలియదు గానీ.. అది అక్కడే ఆగిపోతుంది. దీనితో ఆ వ్యక్తి మొసలి నుంచి సురక్షితంగా ప్రాణాల‌తో బ‌య‌ట‌ప‌డ్డాడు. అయితే అతడికి ఈ దాడిలో ఎడ‌మ చేతికి గాయమైనట్లు వీడియోలో స్పష్టమవుతుంది. కాగా, ప్రస్తుతం ఇందుకు సంబంధించిన వీడియో సోషల్ మీడియాలో వైరల్ అవుతోంది. లేట్ ఎందుకు మీరు కూడా ఆ వీడియోపై లుక్కేయండి.
This is an actual nightmare scenario ??♂️?#viralhog #ouch #scary #alligator pic.twitter.com/G8DKlWgv0m
— ViralHog (@ViralHog) October 25, 2021
