పులి.. మేక.. గడ్డి.. రైతు నది ఎలా దాటాలి? మీ తెలివికి సవాల్‌ విసిరే చిక్కుప్రశ్న

ఒక నది ఒడ్డున ఒక పులి, ఒక మేక, కొన్ని ఆకుకూరలు ఉన్నాయి. వీటన్నింటినీ నది అవతలి ఒడ్డుకు చేర్చాలి. అయితే ఇక్కడ ఒక చిన్న సమస్య ఉంది. పడవలో ఒకేసారి మనిషితో పాటు ఒక్కటి మాత్రమే తీసుకెళ్లగలం. అంటే పడవలో మనిషి ఒక జంతువును లేదా ఆకుకూరలను మాత్రమే తీసుకెళ్లగలడు. ఇక్కడ మరో రెండు ముఖ్యమైన విషయాలు గుర్తుంచుకోవాలి.

పులి, మేక కలిసి ఒడ్డున ఉంటే: పులి మేకను తినేస్తుంది.

మేక, ఆకుకూరలు కలిసి ఒడ్డున ఉంటే: మేక ఆకుకూరలను తినేస్తుంది.

ఇవి కూడా చదవండి

మీ జీవితంలోకి పిల్లిని అనుమతించొద్దు.. ఈకథ కనువిప్పు కలిగిస్తుంది

అత్యాశ మనల్ని తప్పుడు మార్గంలో నడిపిస్తుంది.. తిండిబోతు ఎలుక కథ

2 ఒక Company, 3 ఒక Crowd ఐతే..4,5 ఏమవుతాయి? UPSC ఇంటర్వ్యూ ప్రశ్న

ప్రాణాల మీదకు వచ్చినా.. కష్టాల్లో భయపడకూడదని చెప్పే కథ..!

మరి ఇప్పుడు చెప్పండి.. ఈ మూడు వస్తువులను ఎలాంటి నష్టం జరగకుండా నది అవతలి ఒడ్డుకు ఎలా చేరుస్తారు?

ముందుగా దేన్ని తీసుకెళ్తారు?

ముందుగా పులిని తీసుకెళ్దామనుకుంటున్నారా? అలా చేస్తే ఈ ఒడ్డున ఉన్న మేక ఆకుకూరలను తినేస్తుంది. మరి ఆకుకూరలను ముందుగా తీసుకెళ్తారా? అలా చేస్తే ఈ ఒడ్డున పులి, మేక మాత్రమే మిగులుతాయి. అప్పుడు పులి మేకను తినేస్తుంది. అందుకే ఈ సమస్యకు సమాధానం కనుక్కోవాలంటే కొంచెం తెలివిగా ఆలోచించాలి. తొందరపడకుండా ప్రతి అడుగును జాగ్రత్తగా వేయాలి.

సరైన సమాధానం ఇదే!

• మొదటి సారి: ముందుగా మేకను పడవలో తీసుకెళ్లి నది అవతలి ఒడ్డున దించాలి. ఇప్పుడు ఈ ఒడ్డున పులి, ఆకుకూరలు ఉంటాయి. వీటి వల్ల ఎలాంటి ప్రమాదమూ లేదు.
• రెండో సారి: ఇప్పుడు ఖాళీ పడవలో తిరిగి మొదటి ఒడ్డుకు రావాలి.
• మూడో సారి: ఇప్పుడు ఆకుకూరలను పడవలో వేసుకుని అవతలి ఒడ్డుకు తీసుకెళ్లాలి. అయితే అక్కడ మేక కూడా ఉంది కాబట్టి, ఆకుకూరలను అక్కడే వదిలి మేకను మళ్లీ పడవలో తీసుకుని మొదటి ఒడ్డుకు రావాలి. ఇలా చేయడం వల్ల మేక ఆకుకూరలను తినకుండా కాపాడవచ్చు.
• నాలుగో సారి: ఇప్పుడు మేకను మొదటి ఒడ్డున వదిలి, పులిని పడవలో తీసుకుని అవతలి ఒడ్డుకు వెళ్లాలి. అక్కడ పులిని దించి ఆకుకూరలతో కలిపి ఉంచవచ్చు. ఎందుకంటే పులి ఆకుకూరలను తినదు.
• ఐదో సారి: చివరగా ఖాళీ పడవలో తిరిగి మొదటి ఒడ్డుకు వచ్చి మేకను తీసుకుని అవతలి ఒడ్డుకు చేరవేయాలి.

అంతే.. సమస్యకు పరిష్కారం దొరికింది!

ఇలా చేస్తే పులి మేకను తినదు. మేక ఆకుకూరలను తినదు. మూడు కూడా సురక్షితంగా నది అవతలి ఒడ్డుకు చేరుకుంటాయి. చూశారా! చిన్న సమస్యలా కనిపించినా, ప్రతి అడుగును జాగ్రత్తగా ఆలోచిస్తే ఎంత క్లిష్టమైన ప్రశ్నకైనా సమాధానం దొరుకుతుంది. మరి మీరు ఈ పొడుపు కథను ముందే పరిష్కరించగలిగారా? మీ సమాధానాన్ని కామెంట్‌లో చెప్పండి..