TG Inter Advanced Supply Exams 2026: ఇంటర్‌ అడ్వాన్స్‌డ్‌ సప్లిమెంటరీ పరీక్షల పూర్తి షెడ్యూల్‌ విడుదల.. ఏ పరీక్ష ఏ తేదీనంటే?

TSBIE announces schedule for re-counting, supply exams 2026: ఇంటర్ పరీక్షల ఫలితాలు ఆదివారం (ఏప్రిల్ 12) విడుదల చేసిన సంగతి తెలిసిందే. ఈసారి 75.61 శాతం ఉత్తీర్ణత నమోదైంది. గత ఐదేళ్లలో గరిష్ట స్థాయిలో ఇంటర్‌లో ఉత్తీర్ణత నమోదు కావడం ఇదే తొలిసారి. ఇక ఇంటర్‌ పరీక్షలు తప్పిన విద్యార్థులకు అడ్వాన్స్‌డ్‌ సప్లిమెంటరీ పరీక్షల షెడ్యూల్‌ను కూడా ఇంటర్‌బోర్డు కార్యదర్శి..

Telangana Inter Advanced Supplementary Exams

Srilakshmi C |
Updated on: Apr 13, 2026 | 2:53 PM

హైదరాబాద్‌, ఏప్రిల్ 13: రాష్ట్ర ఇంటర్‌మీడియట్‌ ఫస్ట్, సెకండ్ ఇయర్‌ పరీక్షల ఫలితాలు ఆదివారం (ఏప్రిల్ 12) విడుదల చేసిన సంగతి తెలిసిందే. ఈసారి 75.61 శాతం ఉత్తీర్ణత నమోదైంది. గత ఐదేళ్లలో గరిష్ట స్థాయిలో ఇంటర్‌లో ఉత్తీర్ణత నమోదు కావడం ఇదే తొలిసారి. ఇక ఇంటర్‌ పరీక్షలు తప్పిన విద్యార్థులకు అడ్వాన్స్‌డ్‌ సప్లిమెంటరీ పరీక్షల షెడ్యూల్‌ను కూడా ఇంటర్‌బోర్డు కార్యదర్శి కృష్ణఆదిత్య ఆదివారం సాయంత్రం విడుదల చేశారు. ఈ పరీక్షలను మే 13 నుంచి 21వ తేదీ వరకు జరగనున్నాయి. ప్రధాన సబ్జెక్టులు మే 19వ తేదీతోనే ముగుస్తాయి. ఇంటర్ ఫస్ట్‌ ఇయర్‌ పరీక్షలు ఉదయం 9 నుంచి 12 గంటల వరకు, సెకండ్‌ ఇయర్‌ పరీక్షలు మధ్యాహ్నం 2.30 నుంచి సాయంత్రం 5.30 గంటల వరకు జరుగుతాయి.

ఇక ఇంటర్ ప్రాక్టికల్‌ పరీక్షలు మే 22 నుంచి 25వ తేదీ వరకు నిర్వహించనున్నారు. ఇంగ్లిష్‌ సబ్జెక్ట్‌ ప్రాక్టికల్‌ పరీక్షలను మే 26న నిర్వహిస్తారు. సాధారణంగా సప్లిమెంటరీ పరీక్షలకు సబ్జెక్టులు తప్పిన వారితోపాటు మెరుగైనా మార్కులు పొందేందుకు కూడా సబ్జెక్టులను మళ్లీ రాస్తుంటారు. వీరికి రెండోసారి జరిగిన పరీక్షలో ఒక వేళ మార్కులు తగ్గితే పాత మార్కులే కొనసాగిస్తారు. దీంతో విద్యార్ధులు మెరుగైన మార్కుల కోసం కూడా అధిక సంఖ్యలో పరీక్ష రాసేందుకు ముందుకొస్తున్నారు. ఈ పరీక్షలు రాసే విద్యార్ధులకు విడిగా మళ్లీ హాల్‌ టికెట్లను జారీ చేస్తారు.

ఇవి కూడా చదవండి