డిగ్రీ అర్హతతో APPSCలో 73 ప్రభుత్వ ఉద్యోగాలు.. నెలకు జీతం రూ.1.15 లక్షల వరకు
రాష్ట్ర పబ్లిక్‌ సర్వీస్‌ కమిషన్‌ (APPSC) నిరుద్యోగులకు మరో భారీ నోటిఫికేషన్‌ అందించింది. ఈ నోటిఫికేషన్‌ కింద సోషల్‌ వెల్ఫేర్‌, ట్రైబల్‌ వెల్ఫేర్‌, బీసీ వెల్ఫేర్‌ సబార్డినేట్‌ సర్వీసుల్లో హాస్టల్‌ వెల్ఫేర్‌ ఆఫీసర్‌ గ్రేడ్‌ 2 పోస్టుల భర్తీకి అర్హులైన అభ్యర్ధుల నుంచి దరఖాస్తులు కోరుతూ నోటిఫికేషన్‌ విడుదల..
Updated on: Sep 18, 2026 | 9:27 AM
ఆంధ్రప్రదేశ్ పబ్లిక్‌ సర్వీస్‌ కమిషన్‌ (APPSC) నిరుద్యోగులకు మరో భారీ నోటిఫికేషన్‌ అందించింది. ఈ నోటిఫికేషన్‌ కింద సోషల్‌ వెల్ఫేర్‌, ట్రైబల్‌ వెల్ఫేర్‌, బీసీ వెల్ఫేర్‌ సబార్డినేట్‌ సర్వీసుల్లో హాస్టల్‌ వెల్ఫేర్‌ ఆఫీసర్‌ గ్రేడ్‌ 2 పోస్టుల భర్తీకి అర్హులైన అభ్యర్ధుల నుంచి దరఖాస్తులు కోరుతూ నోటిఫికేషన్‌ విడుదల చేసింది. ఈ నోటిఫికేషన్‌ ద్వారా మొత్తం 73 పోస్టులను భర్తీ చేయనుంది. అర్హత ఉన్న అభ్యర్థులు అక్టోబర్ 9, 2026వ తేదీ నుంచి దరఖాస్తు చేసుకోవచ్చు. హాస్టల్‌ వెల్ఫేర్‌ ఆఫీసర్‌ గ్రేడ్‌ 2 పోస్టులను మూడు విభాగాల్లో భర్తీ చేయనున్నారు. అవేంటంటే..
పోస్టుల వివరాలు..
- సోషల్‌ వెల్ఫేర్‌ సబార్డినేట్‌ సర్వీస్‌ పోస్టుల సంఖ్య: 21
- ట్రైబల్‌ వెల్ఫేర్‌ సబార్డినేట్‌ సర్వీస్‌ పోస్టుల సంఖ్య: 23
- బీసీ వెల్ఫేర్‌ సబార్డినేట్‌ సర్వీస్‌ పోస్టుల సంఖ్య: 29
గుర్తింపు పొందిన యూనివర్సిటీ నుంచి సంబంధిత విభాగంలో బ్యాచిలర్స్‌ డిగ్రీ లేదా దానికి సమానమైన అర్హత కలిగి ఉన్న అభ్యర్థులు APPSC అధికారిక వెబ్‌సైట్‌ ద్వారా దరఖాస్తు అక్టోబర్ 29, 2026వ తేదీ వరకు చేసుకోవచ్చు. అభ్యర్థులు నోటిఫికేషన్‌లో పేర్కొన్న పూర్తి విద్యార్హతలను పరిశీలించి ఆన్లైన్ విధానంలో దరఖాస్తు చేసుకోవాలి. అభ్యర్థుల ఎంపిక సింగిల్‌ లెవల్‌ ఆన్లైన్ కంప్యూటర్‌ బేస్డ్‌ రాత పరీక్ష (CBT) ద్వారా జరుగుతుంది. పరీక్షలో 2 పేపర్లు ఉంటాయి. రెండు పేపర్లకు కలిపి మొత్తం 150 మార్కులు ఉంటాయి. హాస్టల్‌ వెల్ఫేర్‌ ఆఫీసర్‌ గ్రేడ్‌-II పోస్టులకు ఎంపికైన అభ్యర్ధులకు రూ.37,640 నుంచి రూ.1,15,500 వరకు నెలవారీ వేతనం లభిస్తుంది.
ఏపీపీఎస్సీ హాస్టల్‌ వెల్ఫేర్‌ ఆఫీసర్‌ ఉద్యోగాలకు ఆన్లైన్ దరఖాస్తు కోసం ఇక్కడ క్లిక్ చేయండి.
