APPSC Recruitment : 730 ఏపీపీఎస్సీ ఉద్యోగాల దరఖాస్తుకు గడువు పొడిగింపు.. ఎలా అప్లై చేయాలంటే..

ఆంధ్రప్రదేశ్ పబ్లిక్ సర్వీస్ కమిషన్ విడుదల చేసిన జూనియర్ అసిస్టెంట్‌తో సహా పలు పోస్టుల కోసం దరఖాస్తు గడువు తేదీని ఏపీపీఎస్సీ పొడిగించింది . అభ్యర్థులు జనవరి 29

Updated on: Jan 19, 2022 | 6:01 AM

ఆంధ్రప్రదేశ్ పబ్లిక్ సర్వీస్ కమిషన్ విడుదల చేసిన జూనియర్ అసిస్టెంట్‌తో సహా పలు పోస్టుల కోసం దరఖాస్తు గడువు తేదీని ఏపీపీఎస్సీ పొడిగించింది . అభ్యర్థులు జనవరి 29 వరకు దరఖాస్తు చేసుకునే అవకాశం కల్పించింది. దరఖాస్తు ఫీజు చెల్లింపునకు జనవరి 28 తుది గడువుగా ఇచ్చారు. మొదట విడుదల చేసిన నోటిఫికేషన్ ప్రకారం నేటి( జనవరి 19) తో ఈ గడువు ముగియనుండాలి. అయితే అభ్యర్థుల సౌకర్యార్థం దరఖాస్తు గడువును పెంచింది. ఈ రిక్రూట్‌మెంట్ ద్వారా రెవెన్యూ శాఖలోని 670 జూనియర్ అసిస్టెంట్-కమ్-కంప్యూటర్ అసిస్టెంట్ , దేవదాయ శాఖలోని 60 ఎగ్జిక్యూటివ్ ఆఫీసర్ పోస్టులను భర్తీ చేయనున్నారు. ఈ క్రమంలో ఈ పోస్టులకు ఇంకా దరఖాస్తు చేసుకోని అభ్యర్థులు APPSC అధికారిక వెబ్‌సైట్‌ ద్వారా దరఖాస్తు చేసుకోవచ్చు. కాగా ఈ పోస్టుల గతేడాది డిసెంబర్ 30 నుంచి దరఖాస్తు ప్రక్రియ కొనసాగుతోంది.

ఎవరు అర్హులంటే..

ఈ పోస్టులకు దరఖాస్తు చేసుకునే అభ్యర్థి ఏదైనా గుర్తింపు పొందిన యూనివర్సిటీ నుంచి గ్రాడ్యుయేషన్ డిగ్రీని పూర్తి చేసి ఉండాలి. అభ్యర్థి వయస్సు 18 ఏళ్ల నుంచి 42 ఏళ్ల మధ్య ఉండాలి. SC, ST కేటగిరీ అభ్యర్థులకు 5 ఏళ్ల సడలింపు ఉంటుంది. ఈ రిక్రూట్‌మెంట్‌కు సంబంధించిన మరింత సమాచారం కోసం అభ్యర్థులుఅధికారిక నోటిఫికేషన్‌ను చూడవచ్చు.

ఎంపిక ప్రక్రియ

ప్రిలిమినరీ ఎగ్జామినేషన్, మెయిన్ ఎగ్జామినేషన్ ద్వారా అభ్యర్థులను ఎంపిక చేస్తారు. ప్రిలిమినరీ పరీక్షలో విజయం సాధించిన అభ్యర్థులు ప్రధాన పరీక్షకు అర్హత పొందుతారు.