Fixed Deposit: ఎస్బీఐలో ఐదేళ్ల కాలానికి రూ.3 లక్షలు ఎఫ్డిలో పెట్టుబడి పెడితే ఎంత లాభం వస్తుంది?
Fixed Deposit: ప్రస్తుతం ఎస్బిఐ బ్యాంక్ తన 5 సంవత్సరాల ఎఫ్డి పెట్టుబడిపై సాధారణ వినియోగదారులకు 6.05 శాతం వార్షిక వడ్డీ రేటును అందిస్తోంది. అదే కాలానికి సీనియర్ సిటిజన్లు 7.05 శాతం వడ్డీ రేటును పొందుతున్నారు. ఈ అదనపు వడ్డీ రేటు..
Updated on: Jun 12, 2026 | 8:02 AM
Fixed Deposit: ఈనాటికీ మన దేశంలోని కోట్లాది మంది పెట్టుబడిదారులకు అత్యంత ఇష్టమైన పెట్టుబడి ఫిక్స్డ్ డిపాజిట్. ఎలాంటి రిస్క్ ఉండకూడదని, మార్కెట్ హెచ్చుతగ్గుల ప్రమాదం ఉండకూడదని నమ్మేవారికి FD (ఫిక్స్డ్ డిపాజిట్) అత్యంత విశ్వసనీయమైన ఎంపిక. ముఖ్యంగా దేశంలోని అతిపెద్ద ప్రభుత్వ బ్యాంకు అయిన స్టేట్ బ్యాంక్ ఆఫ్ ఇండియా (SBI) తన వినియోగదారులకు అత్యుత్తమ వడ్డీ రేట్లను అందిస్తుంది. మీరు దీర్ఘకాలిక పెట్టుబడి పెట్టాలని ఆలోచిస్తుంటే SBI 5 సంవత్సరాల ఎఫ్డీ పథకం ఒక ఉత్తమ ఎంపిక కావచ్చు.
ప్రస్తుతం ఎస్బిఐ బ్యాంక్ తన 5 సంవత్సరాల ఎఫ్డి పెట్టుబడిపై సాధారణ వినియోగదారులకు 6.05 శాతం వార్షిక వడ్డీ రేటును అందిస్తోంది. అదే కాలానికి సీనియర్ సిటిజన్లు 7.05 శాతం వడ్డీ రేటును పొందుతున్నారు. ఈ అదనపు వడ్డీ రేటు సీనియర్ సిటిజన్లను ఎఫ్డిల వైపు మరింత ఆకర్షించింది.
మీరు రెగ్యులర్ కస్టమర్ అయి ఉండి, ఎస్బిఐ బ్యాంకులో 5 సంవత్సరాల కాలానికి ఎఫ్డిలో రూ. 3 లక్షలు డిపాజిట్ చేస్తే మీకు ఎంత వస్తుందో తెలుసా? ప్రస్తుత 6.05 శాతం వడ్డీ రేటు ప్రకారం, మెచ్యూరిటీ కాలం ముగిసే నాటికి మీకు మొత్తం రూ. 4,05,053 లభిస్తాయి. అంటే కేవలం వడ్డీ నుంచే మీకు రూ.1,05,053 లాభం వస్తుంది.
ఇది కూడా చదవండి: Gold Price Today: రూ.7,500 తగ్గిన బంగారం ధర.. తాజాగా హైదరాబాద్లో తులం ధర ఎంతంటే..!
ఏదైనా సీనియర్ సిటిజన్ ఇదే రూ.3 లక్షలను ఎస్బిఐ ఎఫ్డిలో పెట్టుబడి పెడితే వారికి ఇంకా పెద్ద ప్రయోజనాలు లభిస్తాయి. సీనియర్ సిటిజన్లకు అందుబాటులో ఉన్న 7.05 శాతం వడ్డీ రేటు లెక్క ప్రకారం, 5 సంవత్సరాల తర్వాత వారి రూ. 3 లక్షలు రూ. 4,25,478గా మారుతాయి. అంటే వారికి వడ్డీ రూపంలో రూ. 1,25,478 లభిస్తాయి.
ఇక్కడ గమనించాల్సిన ఆసక్తికరమైన విషయం ఏమిటంటే సీనియర్ సిటిజన్లకు లభించే అదనపు వడ్డీ కారణంగా వారు సాధారణ కస్టమర్ల కంటే రూ. 20,000 ఎక్కువ లాభం పొందుతారు. పదవీ విరమణ తర్వాత కూడా వారి చేతుల్లోకి డబ్బు చేరేలా చూసేందుకు బ్యాంకులు ఈ సూపర్ ఆఫర్ను అందిస్తున్నాయి. సాధారణంగా బ్యాంకులు వయోవృద్ధులకు అదనపు వడ్డీ రేట్లను అందించడం వెనుక ఒక ప్రధాన ఉద్దేశ్యం ఉంటుంది. పదవీ విరమణ తర్వాత వారికి క్రమం తప్పని ఆదాయం అందేలా, అలాగే వారి పొదుపులు సక్రమంగా భద్రంగా ఉండేలా చూసేందుకు, ఎస్బిఐ ఈ విధానాన్ని కచ్చితంగా పాటిస్తోంది.
మీరు FDలో పెట్టుబడి పెట్టే ముందు, మెచ్యూరిటీ కాలం, వడ్డీ రేటు, మీ వ్యక్తిగత ఆర్థిక అవసరాల గురించి సరిగ్గా ప్రణాళిక చేసుకోవాలి. సమీప భవిష్యత్తులో మీకు తక్షణమే డబ్బు అవసరం ఏర్పడవచ్చు అనుకుంటే చాలా దీర్ఘకాలిక ఎఫ్డీని ఎంచుకోకపోవడమే మంచిది. లేకపోతే 5 సంవత్సరాల ప్లాన్ ఉత్తమమైన ఎంపిక.
ఇది కూడా చదవండి: Personal Loan: బ్యాంకు నుంచి రూ.11 లక్షల పర్సనల్ లోన్ తీసుకుంటే EMI, వడ్డీ ఎంత అవుతుంది?
మరిన్ని బిజినెస్ వార్తల కోసం ఇక్కడ క్లిక్ చేయండి
