PPF: పీపీఎఫ్ అకౌంట్ ఇనాక్టివ్ అయిందా..? సెకన్లలోనే యాక్టివేట్ చేసుకోవచ్చు… సింపుల్ ప్రాసెస్ ఇలా..

Ppf Account

దేశంలో అత్యంత పాపులర్ అయిన కేంద్ర ప్రభుత్వ సేవింగ్స్ స్కీముల్లో పబ్లిక్ ప్రావిడెంట్ ఫండ్(PPF) ఒకటి. దేశంలో ఎక్కువమంది ఇందులో పెట్టుబడులు పెడుతున్నారు. ఒక ఆర్ధిక సంవత్సరంలో కనీసం రూ.500 నుంచి ఇందులో పెట్టుబడి పెట్టవచ్చు. గరిష్టంగా రూ.1.5 లక్షల వరకు పెట్టే అవకాశముంది. ప్రతీ ఏడాది ఖచ్చితంగా కనీసం రూ.500 జమ చేయాల్సి ఉంటుంది. లేకపోతే అకౌంట్ ఇనాక్టివ్ అవుతుంది. ఇలాంటి సమయంలో మీ డబ్బులు ఎక్కడికి పోవు. మీరు ఎలాంటి ఆందోళన పడాల్సిన అవసరం లేదు. ఇది కేంద్ర ప్రభుత్వ పథకం కావడంతో మీ డబ్బులు సురక్షితంగా ఉంటాయి. మీరు అకౌంట్‌ను తిరిగి యాక్టివేట్ చేసుకోవచ్చు. అదెలా అనేది ఇప్పుడు ఇప్పుడు చూద్దాం.

జరిమానా చెల్లించండి

మీరు ఏదైనా ఆర్ధిక సంవత్సరంలో కనీసం రూ.500 డిపాజిట్ చేయకపోతే అకౌంట్ ఇనాక్టివ్ అవుతుంది. ఇలాంటి సమయంలో కొంత మొత్తం జరిమానా చెల్లించి అకౌంట్ యాక్టివ్ చేసుకోవచ్చు. అకౌంట్ ఇనాక్టివ్‌గా ఉంటే మీకు కొన్ని ఫీచర్లు నిలిపివేస్తారు. మీరు పీపీఎఫ్ అకౌంట్‌పై లోన్ తీసుకోలేరు. అలాగే పాక్షికంగా కూడా మీ అకౌంట్లోని మనీ విత్ డ్రా చేసుకోలేరు. ఇక సెక్షన్ 80సీ కింద పన్ను మినహాయింపులు కూడా పొందలేరు. స్వల్ప మొత్తంలో జరిమానా చెల్లించి యాక్టివేట్ చేసుకోవడం వల్ల మీరు తిరిగి ప్రయోజనాలు పొందుతారు. ఒక ఏడాది పాటు ఇనాక్టివ్‌గా ఉంటే రూ.50, రెండేళ్లుగా ఉంటే రూ.100 జరిమానా చెల్లించాల్సి ఉంటుంది. అంతేకాకుండా పెట్టుబడి పెట్టని ప్రతీ సంవత్సరానికి రూ.500 డిపాజిట్ చేయాలి. రూ.వెయ్యి కనీస డిపాజిట్‌‌తో పాటు రూ.1100 జమ చేయాల్సి ఉంటుంది.

తిరిగి యాక్టివేట్ చేసుకోవడం ఎలా..?

రూ.1100 జరిమానా చెల్లించాక మీ పీపీఎఫ్ అకౌంట్ తిరిగి యాక్టివ్ అవుతుంది. ఇక అకౌంట్ యాక్టివ్ అవ్వడానికి మీరు పీపీఎఫ్ అకౌంట్ ఏ బ్యాంకులో అయితే తెరిచారో.. అదే బ్యాంక్‌కు వెళ్లి వ్రాతపూర్వకంగా దరఖాస్తు సమర్పించాలి. మీ డిపాజిట్‌ను పరిశీలించిన తర్వాత అకౌంట్‌ను యాక్టివ్ చేస్తారు. ఇలా సింపుల్‌గా మీరు పీపీఎఫ్ అకౌంట్ యాక్టివేట్ చేసుకోవచ్చు. అకౌంట్ యాక్టివ్ అయ్యాక మీరు పూర్తి ప్రయోజనాలను పొందుతారు. లోన్ తీసుకోవడం, విత్ డ్రా చేసుకోవడం లాంటి అన్నీ సేవలు యథావిధిగా కొనసాగుతాయి. అందుకే ప్రతీ ఆర్ధిక సంవత్సరం రూ. 500 డిపాజిట్ చేయండి. దీని వల్ల మీ అకౌంట్ ఎప్పుడూ యాక్టివ్‌గా ఉంటుంది. మీరు బ్యాంక్‌కు వెళ్లి దరఖాస్తు సమర్పించి యాక్టివేట్ చేసుకోవాల్సిన అవసరం ఉండదు.