Gas Cylinder Price: గుడ్న్యూస్.. భారీగా తగ్గిన గ్యాస్ సిలిండర్ ధర..!
Gas Cylinder Price: ఆగస్ట్ 1వ తేదీన గ్యాస్ సిలిండర్ వినియోగదారులకు గుడ్న్యూస్ చెప్పాయి గ్యాస్ కంపెనీలు. సిలిండర్ ధరపై భారీగా తగ్గిస్తూ నిర్ణయం తీసుకున్నాయి. దీంతో గ్యాస్ వినియోగదారులకు కొంత ఉపశమనం కలిగింది. ధరలతో సతమతమవుతున్న గ్యాస్ వినియోగదారులకు ధర తగ్గింపుతో...
Gas Cylinder Price: ఆగస్టు 1వ తేదీన కొత్త ఎల్పీజీ సిలిండర్ ధరలు విడుదలయ్యాయి. ఢిల్లీ నుండి పాట్నా వరకు ఉపశమనం లభించింది. వాణిజ్య ఎల్పీజీ సిలిండర్ ధరలు ఈరోజు రూ.192 తగ్గాయి. అయితే, గృహ వినియోగదారులకు ఎలాంటి ఉపశమనం లేదు. 14.2 కేజీల సిలిండర్ ధరలో ఎలాంటి మార్పు లేదు.
కోల్కతాలో 19 కేజీల వాణిజ్య ఎల్పిజి సిలిండర్ల ధరలను ఈరోజు రూ. 209, ఢిల్లీలో రూ. 202 తగ్గించారు. ఈ సవరణతో ఈరోజు నుంచి కోల్కతాలో 19 కేజీల వాణిజ్య సిలిండర్ ధర రూ. 2,872.50 అవుతుంది. దేశవ్యాప్తంగా హోటళ్లు, రెస్టారెంట్లు, క్యాటరింగ్ సంస్థలు, ఇతర వాణిజ్య సంస్థలకు ఊరట కలిగించే నిర్ణయం తీసుకుంటూ చమురు మార్కెటింగ్ సంస్థలు ఎల్పీజీ గ్యాస్ సిలిండర్ ధరలను భారీగా తగ్గించాయి. పశ్చిమాసియాలో నెలకొన్న యుద్ధ పరిస్థితుల నేపథ్యంలో ఇటీవల వరుసగా పెరిగిన కమర్షియల్ సిలిండర్ ధరలు తాజాగా తగ్గడంతో వ్యాపార వర్గాలు ఊపిరి పీల్చుకున్నాయి.
జూలై 1వ తేదీన 19 కేజీల కమర్షియల్ సిలిండర్ల ధర కూడా గణనీయంగా తగ్గింది. వరుసగా ధర తగ్గడం ఇది రెండో నెల. ఢిల్లీలో రెండు నెలల్లో కమర్షియల్ సిలిండర్ల ధర రూ. 375.50 మేర తగ్గింది. ఈ ఏడాది రూ. 1580.50 పెరిగిన ధర, జూలైలో రూ. 183.50 మేర తగ్గింది. దీని తర్వాత, ఈరోజు ఆగస్టు 1వ తేదీన ఢిల్లీలో కమర్షియల్ ఎల్పిజి సిలిండర్ల ధర మరోసారి తగ్గింది.
మీరు ఉజ్వల లబ్ధిదారులకు..
మీరు ఉజ్వల లబ్ధిదారులై ఉండి, ఏప్రిల్ 1వ తేదీ నుండి జూలై 31వ తేదీ మధ్య నాలుగు సిలిండర్లను రీఫిల్ చేసి ఉంటే, మీకు ఈ ఆగస్టులో సబ్సిడీ లభించదు. అంటే, మీరు కూడా సగటు వినియోగదారుడితో సమానమైన ధరకే కొనుగోలు చేయాలి. ఈ ఆర్థిక సంవత్సరంలో ప్రభుత్వం ఉజ్వల లబ్ధిదారులకు కేవలం నాలుగు సిలిండర్లపై మాత్రమే ఒక్కొక్కరికి రూ. 300 సబ్సిడీని అందిస్తోంది. గతంలో ఇది తొమ్మిది సిలిండర్లపై అందుబాటులో ఉండేది. కానీ తర్వాత దానిని ఆరుకు తగ్గించారు.
ఇది కూడా చదవండి: Gold Price Today: మళ్లీ జోరందుకుంటున్న బంగారం ధరలు.. హైదరాబాద్లో తులం ధర ఎంతంటే..!
మరిన్ని బిజినెస్ వార్తల కోసం ఇక్కడ క్లిక్ చేయండి