Install Home Earthing Rod: మీ ఇంటికి ఎర్తింగ్ రాడ్ ఎలా ఏర్పాటు చేయాలి..? కావాల్సిన వస్తువులు ఏంటి?
Install Home Earthing Rod: ఈ దశలను జాగ్రత్తగా పాటిస్తే, మీ ఇంట్లో సమర్థవంతమైన, సురక్షితమైన ఎర్తింగ్ వ్యవస్థను ఏర్పాటు చేసుకోవచ్చు. తద్వారా విద్యుత్ ప్రమాదాలను నివారించవచ్చు. అయితే, ఎలక్ట్రికల్ పనులలో అనుభవం లేనివారు నిపుణుల సహాయం తీసుకోవడం మంచిది. అలాగే..
House Earthing System: ఇంట్లో విద్యుత్ భద్రతకు ఎర్తింగ్ వ్యవస్థ చాలా కీలకం. ముఖ్యంగా 20 సంవత్సరాలకు పైబడిన పాత ఇళ్ళకు ఎర్తింగ్ వ్యవస్థ లేకపోవడం వల్ల విద్యుత్ షాక్లు, ఉపకరణాల పాడయ్యే ప్రమాదాలు అధికంగా ఉంటాయి. వర్షాకాలంలో గోడలకు షాక్లు రావడం, ఫ్రిడ్జ్లు, హీటర్ల నుండి విద్యుత్ లీకేజీలు సంభవించడం వంటి సమస్యలను ఎర్తింగ్ నివారిస్తుంది. అనుభవం ఉన్న ఎలక్ట్రికల్ వర్క్ చేసేవారు ఈ ఎర్తింగ్ రాడ్ అమరికను సులభంగా చేసుకోవచ్చు.
ఎర్తింగ్ రాడ్ అమరికకు కావలసినవి:
- ప్రత్యేకమైన ఎర్తింగ్ రాడ్
- మందపాటి కాపర్ వైర్
- బొగ్గు (కట్టె బొగ్గులు)
- దొడ్డు ఉప్పు
- ఇసుక/మట్టి
- గడ్డపార, సుత్తి, కటింగ్ ప్లేయర్, పానా సెట్
ఇది కూడా చదవండి: Gas Cylinder: సంచలన నిర్ణయం.. మహిళలకు గుడ్న్యూస్.. ఉచితంగా 3 గ్యాస్ సిలిండర్లు
అమరిక విధానం:
- గుంత తవ్వడం: ముందుగా ఇంటి బయట ఎర్తింగ్ రాడ్ను అమర్చడానికి అనువైన చోట రెండు నుండి మూడు అడుగుల వెడల్పు, రెండు నుండి మూడు అడుగుల లోతుతో గుంత తవ్వాలి. రాడ్ పొడవును బట్టి లోతును నిర్ణయించాలి.
- లోతైన రంధ్రం: గుంత మధ్యలో, గడ్డపార లేదా సలాక సహాయంతో సుమారు 1 అడుగు వరకు లోతైన రంధ్రాన్ని చేయాలి. ఇది ఎర్తింగ్ రాడ్ భూమిలోకి మరింత గట్టిగా చొచ్చుకుపోవడానికి సహాయపడుతుంది.
- రాడ్ తయారీ: ఎర్తింగ్ రాడ్కు నట్లను బిగించే భాగంలో ఉండే కలర్ కోటింగ్ ను పేపర్ లేదా ఫైల్ తో రాచి తొలగించాలి. ఇది మంచి కనెక్షన్ను నిర్ధారిస్తుంది. రాడ్ కు ఉండే రెండు నట్లకు కాపర్ వైర్ ను బిగించేందుకు సిద్ధం చేయాలి.
- కాపర్ వైర్ తయారీ: గట్టిగా ఉండే కాపర్ వైర్ను తీసుకోవాలి. దీనికి కూడా కొద్దిగా ఫైల్ కొట్టి, పైన ఉండే కలర్ ను తొలగించాలి. ఇది వైర్ ద్వారా ఎర్తింగ్ కరెక్టుగా పాస్ అవ్వడానికి తోడ్పడుతుంది.
- వైర్ అనుసంధానం: ఎర్తింగ్ రాడ్ కు ఉన్న రెండు నట్లకు కాపర్ వైర్ను గట్టిగా చుట్టి, కటింగ్ ప్లేయర్తో బలంగా నొక్కి బిగించాలి. ఇది కనెక్షన్ వదులు కాకుండా చేస్తుంది. వైర్ వదులుగా ఉంటే ఎర్తింగ్ సమస్యలు వస్తాయి. మూడు నుండి నాలుగు వరుసలు వైర్ను చుట్టి, ఆపై నట్ బోల్ట్లను ఫుల్గా టైట్ చేయాలి. 12 లేదా 13 సెట్ పానా లేదా రింగ్ పానా ఉపయోగించి బిగించవచ్చు.
- రాడ్ అమరిక: కాపర్ వైర్ బిగించిన తర్వాత ఎర్తింగ్ రాడ్ను గుంతలో చేసిన లోతైన రంధ్రంలో పెట్టి, సుత్తితో కొట్టి సుమారు 1 అడుగు లోపలికి దింపాలి. ఇది రాడ్ ను స్థిరంగా ఉంచుతుంది.
- ఎర్తింగ్ మిశ్రమం తయారీ: కొన్ని కాల్చిన కట్టె బొగ్గులు, మూడు కిలోల దొడ్డు ఉప్పు, తవ్విన మట్టి లేదా ఇసుకను తీసుకోవాలి. బొగ్గులను, ఉప్పును బాగా మెత్తగా దంచి, ఒక పౌడర్ లాగా చేయాలి. ఈ రెండూ కలిసే వరకు దంచడం ముఖ్యం.
- గుంతను నింపడం: మెత్తగా దంచిన బొగ్గు-ఉప్పు మిశ్రమాన్ని, ఇసుకతో లేదా తవ్విన మట్టితో కలిపి, ఎర్తింగ్ రాడ్ చుట్టూ గుంతలో వేయాలి. ఈ మిశ్రమాన్ని గట్టిగా ప్రెస్ చేయాలి. ఎర్తింగ్ రాడ్కు లోపల పౌడర్ ఉన్నప్పటికీ, ఈ బొగ్గు, ఉప్పు, ఇసుక మిశ్రమం మరింత మెరుగైన ఎర్తింగ్ను అందిస్తుంది.
- మట్టి పూడ్చడం, నీరు పోయడం: మిశ్రమంతో గుంతను నింపిన తర్వాత తవ్విన మట్టితో పూర్తిగా పూడ్చేయాలి. మట్టిని గట్టిగా తొక్కాలి. ఆ తర్వాత సుమారు ఐదు నుండి ఆరు బకెట్ల నీటిని గుంతలో పోయాలి. నీరు లోపలికి వెళ్ళి, బొగ్గు-ఉప్పు మిశ్రమాన్ని తడిపి, ఎర్తింగ్ సామర్థ్యాన్ని పెంచుతుంది.
- ఇంటి వైరింగ్ అనుసంధానం: ఎర్తింగ్ రాడ్ నుండి వచ్చిన కాపర్ వైర్కు 1/18 గ్రీన్ కలర్ ఎర్తింగ్ వైర్ను మంచిగా కనెక్షన్ ఇవ్వాలి. జాయింట్ గట్టిగా ఉండేలా చూసి, ఇన్సులేషన్ టేప్తో చుట్టాలి. ఈ వైర్ను ఇంటి మెయిన్ ఎలక్ట్రికల్ బోర్డ్కు తీసుకురావాలి. మెయిన్ బోర్డు నుండి ప్రతి బోర్డ్లోని 3-పిన్ సాకెట్ల పై భాగంలో ఉండే ఎర్తింగ్ పిన్కు ఈ గ్రీన్ వైర్ను అనుసంధానించాలి. ఎర్తింగ్ కోసం గ్రీన్ కలర్ వైర్ను ఉపయోగించడం తప్పనిసరి.
ఈ దశలను జాగ్రత్తగా పాటిస్తే, మీ ఇంట్లో సమర్థవంతమైన, సురక్షితమైన ఎర్తింగ్ వ్యవస్థను ఏర్పాటు చేసుకోవచ్చు. తద్వారా విద్యుత్ ప్రమాదాలను నివారించవచ్చు. అయితే, ఎలక్ట్రికల్ పనులలో అనుభవం లేనివారు నిపుణుల సహాయం తీసుకోవడం మంచిది.
ఇది కూడా చదవండి: LIC Policy: రోజుకు కేవలం రూ.172 ఆదాతో చేతికి రూ.28 లక్షలు.. ఎల్ఐసీలో అదిరిపోయే పాలసీ!
ఇది కూడా చదవండి: Building Construction: పునాది నుంచి స్లాబ్ వరకు ఒక పిల్లర్ వేయడానికి ఎంత ఖర్చు అవుతుందో తెలుసా..?
మరిన్ని బిజినెస్ వార్తల కోసం ఇక్కడ క్లిక్ చేయండి