Indian Railways: రైలు బోగీపై SLR అని ఎందుకు రాసి ఉంటుంది? ఇది స్లీపర్ కోచ్ కాదు.. చాలా మందికి తెలియని ఆసక్తికర నిజాలు!
Indian Railways: సాధారణంగా చాలా మంది రైలు ప్రయాణం చేసి ఉంటారు. అయితే రైలు బోగీలపై రకరకాల సంఖ్యలు, అక్షరాలు రాసి ఉంటాయి. అవి ఎందుకు రాసి ఉంటాయోనని చాలా మందికి తెలియదు. పెద్దగా ఎవ్వరు పట్టించుకోరు. కానీ వాటిలో ఆసక్తికరమైన అర్తాలు దాగి ఉంటాయి. అలాంటిదే ఒకదాని గురించి తెలుసుకుందాం..
Indian Railways: మనం రైలు ప్రయాణం చేసేటప్పుడు బోగీలపై రకరకాల అక్షరాలు, సంఖ్యలు ఉండటం గమనిస్తుంటాం. అయితే వాటి వెనుక ఉన్న అసలు అర్థం చాలా మందికి తెలియదు. ముఖ్యంగా రైలు బోగీపై ‘SLR’ అని రాసి ఉంటే, అది ‘స్లీపర్’ (Sleeper) కోచ్ అని చాలా మంది పొరబడుతుంటారు. కానీ అది నిజం కాదు.
అసలు SLR అంటే ఏమిటి?
SLR అంటే ‘సీటింగ్ కమ్ లగేజ్ రేక్’ (Seating-cum-Luggage Rake). పేరుకు తగ్గట్టే ఈ కోచ్ను రెండు రకాలుగా ఉపయోగిస్తారు. ఇందులో ఒక భాగం ప్రయాణికులు కూర్చోవడానికి కేటాయిస్తే, మరో భాగాన్ని సరుకులు లేదా లగేజ్ రవాణా కోసం వినియోగిస్తారు.
ఇది కూడా చదవండి: Interesting Story: తులం బంగారం ధర కేవలం రూ.90 మాత్రమే.. అప్పట్లో పాలు, చక్కెర ధరలు వింటే షాక్ అవ్వాల్సిందే!
ఈ కోచ్ ప్రత్యేకతలు ఇవే:
- సాధారణ కోచ్లలో కేవలం సీట్లు మాత్రమే ఉంటాయి. కానీ SLR కోచ్లో ఒక వైపు సీట్లు, మరోవైపు పార్శిల్స్ ఉంచడానికి ఖాళీ ప్రదేశం ఉంటుంది.
- గార్డ్ క్యాబిన్: ఈ కోచ్లోనే రైలు గార్డ్ కోసం ప్రత్యేక గది ఉంటుంది. రైలు భద్రత, సిగ్నల్స్, కమ్యూనికేషన్ పనులను గార్డ్ ఇక్కడి నుంచే పర్యవేక్షిస్తారు.
- దివ్యాంగులకు ప్రాధాన్యత: సాధారణంగా SLR కోచ్లోని సీటింగ్ భాగంలో దివ్యాంగుల (Physically Challenged) కోసం ప్రత్యేక సీట్లు, వెడల్పాటి తలుపులు, వారికి అనుకూలమైన శౌచాలయాలు ఉంటాయి.
- లగేజ్ రవాణా: వ్యాపారులు పంపే పార్శిల్స్, బైక్లు లేదా ప్రయాణికుల భారీ సామానును ఈ కోచ్లోని లగేజ్ విభాగంలో భద్రపరుస్తారు.
ఇది కూడా చదవండి: D-Mart Secrets: డి-మార్ట్ షాపింగ్ సీక్రెట్స్.. రూ.5000 బిల్లును రూ.2000కు తగ్గించుకునే సూపర్ ట్రిక్స్!
రైలుకు ముందు, వెనుక ఎందుకు ఉంటుంది?
సాధారణంగా ప్రతి రైలుకు ముందు ఒక SLR కోచ్, చివరన ఒక SLR కోచ్ ఉంటాయి. ఇలా ఉంచడం వల్ల రైలు సమతుల్యత (Balance) దెబ్బతినకుండా ఉంటుంది. అంతేకాకుండా, స్టేషన్లలో పార్శిల్స్ లోడ్ చేయడం, అన్-లోడ్ చేయడం రైల్వే సిబ్బందికి సులభమవుతుంది. ఇకపై మీరు రైలుపై SLR అనే అక్షరాలు చూస్తే.. అది కేవలం లగేజ్ బోగీ మాత్రమే కాదు, రైలు భద్రతను పర్యవేక్షించే గార్డ్, దివ్యాంగులకు ఆశ్రయమిచ్చే కీలకమైన కోచ్ అని గుర్తుంచుకోండి.
ఇది కూడా చదవండి: PPF: నెలకు రూ.12,500 పెట్టుబడితో చేతికి రూ. 66 లక్షలు.. ఎలాగో తెలుసుకోండి!
మరిన్ని బిజినెస్ వార్తల కోసం ఇక్కడ క్లిక్ చేయండి