ITR Status: ఇన్కమ్ ట్యాక్స్ రిఫండ్ ఇంకా రాలేదా? కారణాలు ఏంటో తెలిస్తే షాకవుతారు..
పన్ను చెల్లింపుదారులు ఇప్పుడు వాపసుల కోసం వేచి ఉండాలి. చివరి రోజు వరకు దాదాపు 6.77 కోట్ల ఆదాయపు పన్ను రిటర్న్లు దాఖలయ్యాయి, అందులో 5.62 కోట్లు వెరిఫై చేశారు. ఆదాయపు పన్ను శాఖ 3.44 కోట్ల ఐటీఆర్లను ప్రాసెస్ చేసింది, అంటే చాలా మంది ఇప్పటికే తమ రీఫండ్లను అందుకున్నారు. ముఖ్యంగా చెల్లించిన పన్నులు వాస్తవ పన్ను బాధ్యతల కంటే ఎక్కువగా ఉన్నప్పుడు రీఫండ్ పొందడానికి ఐటీఆర్ దాఖలు చేస్తారు. కాబట్టి మన రిటర్న్స్ ఎప్పటి లోపు వస్తాయో? ఓ సారి తెలుసుకుందాం.
Updated on: Aug 09, 2023 | 4:07 PM
2022-23 ఆర్థిక సంవత్సరానికి జరిమానా లేకుండా ఆదాయపు పన్ను రిటర్న్ (ఐటీఆర్) దాఖలు చేయడానికి గడువు జూలై 31తో ముగిసింది. కాబట్టి పన్ను చెల్లింపుదారులు ఇప్పుడు వాపసుల కోసం వేచి ఉండాలి. చివరి రోజు వరకు దాదాపు 6.77 కోట్ల ఆదాయపు పన్ను రిటర్న్లు దాఖలయ్యాయి, అందులో 5.62 కోట్లు వెరిఫై చేశారు. ఆదాయపు పన్ను శాఖ 3.44 కోట్ల ఐటీఆర్లను ప్రాసెస్ చేసింది, అంటే చాలా మంది ఇప్పటికే తమ రీఫండ్లను అందుకున్నారు. ముఖ్యంగా చెల్లించిన పన్నులు వాస్తవ పన్ను బాధ్యతల కంటే ఎక్కువగా ఉన్నప్పుడు రీఫండ్ పొందడానికి ఐటీఆర్ దాఖలు చేస్తారు. కాబట్టి మన రిటర్న్స్ ఎప్పటి లోపు వస్తాయో? ఓ సారి తెలుసుకుందాం.
ఐటీఆర్ రీఫండ్ సమయం
ఐటీఆర్ వాపసు సాధారణంగా రిటర్న్ దాఖలు చేసిన తేదీ నుంచి 7 నుంచి 120 రోజుల్లోపు జారీ చేస్తారు. సాంకేతిక పురోగతి, ఆన్లైన్ ప్రక్రియతో వాపసుల కోసం సగటు ప్రాసెసింగ్ సమయం గణనీయంగా తగ్గింది.
ఐటీఆర్ స్థితి తనిఖీ ఇలా
ఆదాయపు పన్ను వెబ్సైట్ నుంచి ఐటీఆర్ స్థితిని ఎలా తనిఖీ చేయాలో? ఓ సారి తెలుసుకుందాం
- స్టెప్- 1: ఇన్కమ్ ట్యాక్స్ వెబ్సైట్కు వెళ్లి వినియోగదారు ఐడీ (పాన్), పాస్వర్డ్ను నమోదు చేసి ఖాతాకు లాగిన్ అవ్వాలి.
- స్టెప్- 2: లాగిన్ చేసి, ‘ఈ- ఫైల్’ ఎంపికపై క్లిక్ చేయండి
- స్టెప్- 3: ‘ఆదాయ పన్ను రిటర్న్లు’ ఎంచుకుని, ఆపై ‘ఫైల్ చేసిన రిటర్న్లను వీక్షించండి’పై క్లిక్ చేయండి.
- స్టెప్- 4: ఇప్పుడు, దాఖలు చేసిన తాజా ఐటీఆర్ను తనిఖీ చేయండి
- స్టెప్- 5: ‘వ్యూ డిటైల్స్’ ఆప్షన్ను ఎంచుకుంటే ఫైల్ చేసిన ఐటీఆర్ స్థితిని చూపుతుంది
ఎన్ఎస్డీఎల్వెబ్సైట్ ద్వారా ఆదాయపు పన్ను స్థితిని తనిఖీ చేయడానికి, వినియోగదారులు వారి శాశ్వత ఖాతా సంఖ్య (పాన్) నమోదు చేసి సంబంధిత అసెస్మెంట్ సంవత్సరాన్ని ఎంచుకోవాలి. అక్కడ రీఫండ్ స్థితి తెలుస్తుంది. ఫారమ్ 26ఏఎస్లోని ‘పన్ను క్రెడిట్ స్టేట్మెంట్స్’లో కూడా ‘రీఫండ్ చెల్లింపు’ స్థితిని తెలుసుకోవచ్చు.
ఐటీఆర్ రీఫండ్ ఆలస్యానికి కారణాలివే
బ్యాంక్ ఖాతా వివరాలు
ఆదాయపు పన్ను రిటర్న్ (ఐటీఆర్) దాఖలు చేసేటప్పుడు పన్ను చెల్లింపుదారులు సరైన బ్యాంక్ ఖాతా నంబర్ లేదా ఇతర బ్యాంక్ వివరాలను ఇవ్వరు. అందువల్ల రీఫండ్ రావడానికి ఆలస్యం కావచ్చు.
అదనపు సమాచారం
వాపసు పొందకపోవడానికి సాధారణ కారణాలలో ఒకటి అదనపు డాక్యుమెంటేషన్ లేదా సమాచారం అవసరం. ఐటీఆర్ ఫైల్ చేస్తున్నప్పుడు పన్ను చెల్లింపుదారులు ఏదైనా సమాచారాన్ని ప్రస్తావించకపోయినా రీఫండ్ ఆలస్యమవుతుంది.
కల్పిత సమాచారం
ప్రయోజనం పొందేందుకు పన్ను చెల్లింపుదారులు సరిపోని లేదా కల్పిత సమాచారాన్ని కోడ్ చేసినా రీఫండ్ రాదు. కాబట్టి రీఫండ్ సమయానికి రావాలంటే కచ్చితమైన సమాచారం ఇవ్వడం ఉత్తమం.
టీడీఎస్/టీసీఎస్
26 ఏఎస్లో క్లెయిమ్ చేసినా టీడీఎస్లో అసమతుల్యత అనేది యజమాని లేదా టీడీఎస్డిడక్టర్ (అంటే బ్యాంక్ మొదలైనవి) టీడీఎస్ రిటర్న్ను తప్పుగా దాఖలు చేయడం వల్ల రీఫండ్ ఆలస్యమవుతుంది. పన్ను చెల్లింపుదారులు తమ టీడీఎస్ను రిటర్న్ను సరిచేయడానికి వారిని సంప్రదించాల్సి ఉంటుంది.
మరిన్ని బిజినెస్ వార్తల కోసం ఇక్కడ క్లిక్ చేయండి
