Gold Loan: గోల్డ్ లోన్ తీసుకుంటున్నారా? తక్కువ వడ్డీ అని మురిసిపోకండి.. కనిపించని ఈ ఛార్జీల గురించి తెలిస్తే షాకవుతారు!
Gold Loan: అత్యవసర సమయంలో ఆర్థిక అవసరాలను తీర్చేందుకు 'గోల్డ్ లోన్' ఒక అద్భుతమైన మార్గం. అయితే, బయటకు కనిపించే తక్కువ వడ్డీ రేట్ల వెనుక కొన్ని దాగి ఉన్న నిజాలు, అదనపు ఖర్చులు ఉంటాయి. వాటిపై అవగాహన ఉండటం తప్పనిసరి అని నిపుణులు చెబుతున్నారు..
Updated on: Apr 23, 2026 | 12:24 PM
Gold Loan Charges: డబ్బు అవసరమైనప్పుడు మనకు వెంటనే గుర్తొచ్చేది ఇంట్లో ఉన్న బంగారం. తక్కువ డాక్యుమెంటేషన్, వేగంగా లోన్ రావడం వల్ల చాలామంది గోల్డ్ లోన్ వైపు మొగ్గు చూపుతారు. కానీ, రుణం తీసుకునే ముందు మీరు సంతకం చేసే పత్రాల్లోని సన్నని అక్షరాల్లో చాలా విషయాలు దాగి ఉంటాయి. మీకు తెలియని అదనపు బాదుడు గురించి తెలియకపోవచ్చు. కేవలం వడ్డీ రేటు మాత్రమే కాదు, బ్యాంకులు లేదా ఫైనాన్స్ సంస్థలు రకరకాల పేర్లతో మీ దగ్గర వసూలు చేసే ఛార్జీలు ఇవే.
ఇది కూడా చదవండి: Silver Price: అనుకున్నదే జరుగుతుందా? భారీగా పడిపోతున్న వెండి ధర.. పాతాళానికి చేరుతుందా? నిపుణుల అంచనా ఇదే!
- ప్రాసెసింగ్ ఫీజు: లోన్ మంజూరు చేయడానికి కొంత శాతం ఫీజు వసూలు చేస్తారు.
- వాల్యుయేషన్ ఛార్జీలు: మీ బంగారం నాణ్యతను, బరువును పరీక్షించే వ్యక్తికి ఇచ్చే రుసుమును మీ ఖాతా నుండే కట్ చేస్తారు.
- సర్వీస్ టాక్స్: వివిధ సేవల పేరుతో అదనపు పన్నులు ఉంటాయి.
- ఆలస్య రుసుము (Penalty): ఒకవేళ ఒక్క రోజు ఆలస్యంగా కట్టినా భారీగా పెనాల్టీలు పడే అవకాశం ఉంది.
రుణం చెల్లింపు పద్ధతులు – జాగ్రత్త:
గోల్డ్ లోన్లో అందరికీ ఒకే రకమైన EMI ఉండదు. ఇందులో ప్రధానంగా మూడు రకాలు ఉంటాయి: లోన్ కాలపరిమితి ముగిసిన తర్వాత అసలు, వడ్డీ కలిపి ఒకేసారి కట్టాలి. ఇది వినడానికి బాగున్నా, చివరి నిమిషంలో పెద్ద మొత్తం సర్దుబాటు చేయడం కష్టమవుతుంది. వడ్డీ మాత్రమే కట్టడం.. నెలనెలా వడ్డీ కట్టి, చివర్లో అసలు కట్టే పద్ధతి. అలాగే రెగ్యులర్ EMI.. నెలనెలా అసలు, వడ్డీ కలిపి కట్టడం. ఇది ఆర్థికంగా భారం తక్కువగా అనిపిస్తుంది.
బంగారం ధరలు తగ్గితే వచ్చే చిక్కులు:
సాధారణంగా బ్యాంకులు బంగారం విలువలో 75% వరకు (LTV Ratio) రుణం ఇస్తాయి. ఒకవేళ మీరు లోన్ తీసుకున్న తర్వాత మార్కెట్లో బంగారం ధరలు భారీగా తగ్గితే, తాకట్టు పెట్టిన బంగారం విలువ పడిపోతుంది. అప్పుడు బ్యాంకులు మిమ్మల్ని అదనపు మార్జిన్ డబ్బు కట్టమని లేదా మరికొంత బంగారం తాకట్టు పెట్టమని అడిగే హక్కు కలిగి ఉంటాయి.
బంగారం వేలం వేస్తారా?
మీరు వరుసగా వాయిదాలు చెల్లించడంలో విఫలమైతే, బ్యాంకులు మీకు నోటీసులు పంపుతాయి. స్పందన లేకపోతే మీ భావోద్వేగాలతో ముడిపడి ఉన్న ఆభరణాలను బహిరంగ వేలం వేసే అధికారం బ్యాంకులకు ఉంటుంది. దీనివల్ల మీరు ఆర్థికంగానే కాకుండా మానసికంగా కూడా నష్టపోతారు.
గోల్డ్ లోన్ తీసుకునే వారు పాటించాల్సిన జాగ్రత్తలు:
తక్కువ కాలపరిమితి: వీలైనంత త్వరగా రుణాన్ని తీర్చివేయడానికి ప్రయత్నించండి. వడ్డీని రోజువారీ ప్రాతిపదికన లెక్కిస్తున్నారా లేదా నెలవారీగానా అనేది ముందే అడగండి. మీ క్రెడిట్ స్కోర్ బాగుంటే పర్సనల్ లోన్ కంటే తక్కువ వడ్డీకే గోల్డ్ లోన్ పొందవచ్చు, బేరమాడండి. గోల్డ్ లోన్ అనేది ఒక గొప్ప ఆపద్బాంధవు వంటిది. కానీ, దాన్ని తిరిగి చెల్లించే స్పష్టమైన ప్రణాళిక ఉన్నప్పుడు మాత్రమే తీసుకోవడం ఉత్తమం. లేదంటే చేతిలో డబ్బు ఉండదు. అటు లాకర్ లో బంగారం కూడా మిగలదు.
ఇవి కూడా చదవండి:
Gas Cylinder: ఓన్లీ ఆధార్ ఉంటే చాలు.. 5 నిమిషాల్లోనే గ్యాస్ సిలిండర్.. బుకింగ్ అవసరమే లేదు!
Investment: బంగారం, వెండి, రాగిని మించి లాభాలు కురిపిస్తున్న లోహం ఇదే.. ఇన్వెస్ట్ చేసేవారికి పండగేనా?
మరిన్ని బిజినెస్ వార్తల కోసం ఇక్కడ క్లిక్ చేయండి
