Loan: మీకు ఫోన్‌పే యాప్‌ ఉందా.? అయితే ఇట్టే రూ. 5 లక్షలు లోన్‌ పొందే అవకాశం..

ఇంటర్‌టెన్‌ వినియోగం పెరగడంతో అన్ని పనులకు ఒక్కో యాప్‌ పుట్టుకొచ్చింది. మరీ ముఖ్యంగా యూపీఐ పేమెంట్స్‌ వచ్చిన తర్వాత ఈ వ్యాలెట్స్‌ వినియోగం బాగా పెరిగింది. ఒకప్పుడు బ్యాంకుకు వెళ్లి చేయాల్సిన పనులన్నీ ఇప్పుడు ఇంట్లోనే కూర్చుని చేసే పరిస్థితి వచ్చేసింది. కంపెనీల మధ్య పెరుగుతోన్న పోటీ కారణంగా పేమెంట్‌ యాప్స్‌ సైతం ఎన్నో ఫీచర్లను పరిచయం చేస్తూ వస్తున్నాయి. లోన్‌లకు కూడా రకరకాల యాప్‌లు పుట్టుకొచ్చాయి. ప్రముఖ బ్యాంకులు కూడా యాప్‌ ద్వారా లోన్‌లను అందిస్తున్నాయి.

అయితే ఇటీవల కొన్ని లోన్‌ యాప్స్‌ ప్రజలను పీడించుకుని తింటున్నాయని వార్తలు వచ్చిన విషయం తెలిసిందే. ఊరు పేరు లేని యాప్స్‌, ఇష్టారాజ్యంగా వడ్డీ వసూలు చేస్తూ యూజర్లను పీక్కుతింటున్నాయి. అయితే కొన్ని నమ్మకమైన లోన్‌ యాప్స్‌ మాత్రం సరైన ఇంట్రెస్ట్‌ రేట్స్‌కి లోన్‌లు అందిస్తూ అవసరానికి డబ్బులు లభించేలా చేస్తున్నాయి. ఈ నేపథ్యంలో డిజిటల్‌ పేమెంట్స్‌ యాప్‌లో మంచి ప్రాచుర్యం సంపాదించుకున్న ఫోన్‌పే కూడా లోన్‌లను అందిస్తోంది.

అయితే ఈ యాప్‌ నేరుగా కాకుండా పలు ఫిన్‌టెక్‌ సంస్థల ద్వారా లోన్‌లను అందిస్తోంది. మనీ వ్యూ, బడ్డీ లోన్స్‌ కంపెనీల ద్వారా యూజర్లకు లోన్‌లు అందిస్తోంది ఫోన్‌పే. సిబిల్‌ స్కోర్ ఆధారంగా గరిష్టంగా రూ. 5 లక్షల వరకు ఇన్‌స్టంట్‌ లోన్‌ను అందిస్తోంది. ఫోన్‌పే ఈ సంస్థను ప్రమోటం చేస్తుండడంతో యూజర్లలో సైతం నమ్మకం ఏర్పడింది. ఇదిలా ఉంటే ఈ అవకాశాన్ని ఉపయోగించుకోవాలంటే ముందుగా ఫోన్‌ పే యాప్‌ను ఓపెన్‌ చేయాలి. అనంతరం కింద స్పాన్సర్‌ లింక్‌లో కనిపించే మనీ వ్యూ లేదా బడ్డీ లోన్‌లను సెలక్ట్‌ చేసుకోవాలి. వెంటనే వాటి వెబ్‌సైట్‌ ఓపెన్‌ అవుతుంది. సంస్థ పేర్కొన్న సమాచారాన్ని అందించడం ద్వారా లోన్‌ పొందొచ్చు.

నోట్‌: ఆన్‌లైన్‌లో లోన్‌ తీసుకునే సమయంలో చాలా జాగ్రత్తగా ఉండాలి. వడ్డీ రేటు ఎంత పడుతోంది, ఎన్ని నెలల్లో ఎంత చెల్లించాలి. లాంటి అన్ని విషయాలను పరిగణలోకి తీసుకున్న తర్వాతే లోన్‌ కోసం అప్లై చేయాలి.

మరిన్ని బిజినెస్ వార్తల కోసం క్లిక్ చేయండి..