Ration Card: మీకు రేషన్ కార్డు ఉందా? మరో రెండు రోజుల్లో ముగియనున్న గడువు.. లేకుంటే రేషన్ కట్..!
Ration Card: ప్రభుత్వం అందించే ఉచిత ఆహార ధాన్యాలను స్వీకరించడానికి రేషన్ కార్డు అత్యవసరం మాత్రమే కాకుండా, అది గుర్తింపు పత్రంగా కూడా పనిచేస్తుందని గమనించాలి. ప్రభుత్వ పథకాల ప్రయోజనాలను సరైన వ్యక్తులే పొందుతున్నారని నిర్ధారించుకోవడానికి రేషన్ కార్డు e-KYC చాలా మంది..
Updated on: Jul 30, 2026 | 1:34 PM
Ration Card: మీకు రేషన్ కార్డు ఉండి, మీరు తెలంగాణ నివాసి అయితే, ఈ వార్త మీ కోసమే. నివేదికల ప్రకారం, రాష్ట్రంలోని రేషన్ కార్డుదారులు జూలై 31వ తేదీలోగా తమ రేషన్ కార్డు eKYC ధృవీకరణను పూర్తి చేయాల్సి ఉంది. అయితే, ఈ గడువుకు సంబంధించి పౌర సరఫరాల శాఖ ఇంకా ఎలాంటి తాజా సమాచారాన్ని విడుదల చేయలేదు. అందువల్ల, ఈ ముఖ్యమైన పనిని నిర్దేశించిన కాలపరిమితిలోగా పూర్తి చేసుకోవడం ప్రయోజనకరంగా ఉంటుంది. లేకుంటే మీరు ఇబ్బందులు పడాల్సి ఉంటుందని గుర్తించకోండి.
నివేదికల ప్రకారం, తెలంగాణ రాష్ట్రంలో సుమారు 1,05,42,188 రేషన్ కార్డులు ఉన్నాయి . ఈ కార్డుదారులలో దాదాపు 75% మంది తమ ఇ-కెవైసిని పూర్తి చేసుకున్నారు. కాగా మిగిలిన 25% మంది జూలై 31 లోగా ఈ ప్రక్రియను పూర్తి చేయాల్సి ఉంది. నిరంతరాయంగా రేషన్ అందాలంటే ఇ-కెవైసి ధృవీకరణ తప్పనిసరి అని గమనించాలి. ఈ పనిని పలు విధాలుగా పూర్తి చేయవచ్చు.
ఇది కూడా చదవండి: Swiggy Instamart: సూపర్ గుడ్న్యూస్.. ఇప్పుడు ఇన్స్టామార్ట్లో గ్యాస్ సిలిండర్లు.. 10 నిమిషాల్లోనే డెలివరీ..!
ఇంట్లో కూర్చునే మీ మొబైల్ నుండే ఇ-కెవైసి చేసుకోండి:
- మీరు ఇంట్లో కూర్చునే మీ మొబైల్ నుండే రేషన్ కార్డు ఇ-కెవైసి చేసుకోవచ్చు.
- ‘మేరా KYC’, Aadhaar FaceRD యాప్ను డౌన్లోడ్ చేసుకోండి.
- మీ మొబైల్లో లొకేషన్ను ఎనేబుల్ చేసి, ‘Mera KYC’ యాప్ను తెరవండి.
- ఇందులో తెలంగాణ వంటి మీ రాష్ట్రం పేరును ఎంచుకోండి.
- ఇప్పుడు ‘వెరిఫై లొకేషన్’ పై క్లిక్ చేసి దాన్ని ధృవీకరించండి.
- ఇప్పుడు ఆధార్ నంబర్, మొబైల్ నంబర్, OTPతో ధృవీకరించండి.
- మీ వివరాలు స్క్రీన్పై కనిపిస్తాయి. అలాగే కింద ఫేస్ eKYC కనిపిస్తుంది.
- ఈ ఆప్షన్పై క్లిక్ చేసి, మీ ముఖాన్ని స్కాన్ చేయండి.
- ఇలా చేయడం ద్వారా మీ రేషన్ కార్డు eKYC పూర్తవుతుంది.
మీరు ఆన్లైన్ ఇ-కేవైసి కాకుండా వేరే పద్ధతిని ఉపయోగించాలనుకుంటే, దానిని నేరుగా రేషన్ షాపు ద్వారా త్వరగా పూర్తి చేసుకోవచ్చు. దీనికోసం మీరు మీ రేషన్ కార్డుతో పాటు ఆధార్ కార్డును కూడా షాపుకు తీసుకురావాలి. అప్పుడు షాపు యజమాని ఇ-పీఓఎస్ మెషీన్ ద్వారా మీ బయోమెట్రిక్ వెరిఫికేషన్ పూర్తి చేసి, మీ ఇ-కేవైసిని ప్రాసెస్ చేస్తారు.
రేషన్ కార్డు eKYC ఎందుకు అవసరం?
ప్రభుత్వం అందించే ఉచిత ఆహార ధాన్యాలను స్వీకరించడానికి రేషన్ కార్డు అత్యవసరం మాత్రమే కాకుండా, అది గుర్తింపు పత్రంగా కూడా పనిచేస్తుందని గమనించాలి. ప్రభుత్వ పథకాల ప్రయోజనాలను సరైన వ్యక్తులే పొందుతున్నారని నిర్ధారించుకోవడానికి రేషన్ కార్డు e-KYC చాలా కీలకం. దీనివల్ల ఇది రేషన్ కార్డు మోసాలను నివారించడంలో సహాయపడుతుంది.
ఇది కూడా చదవండి: Gold, Silver Prices: రికార్డు స్థాయిల నుంచి దిగొచ్చిన గోల్డ్, సిల్వర్.. తులం బంగారంపై రూ. 13 వేలు, వెండిపై రూ. 45 వేలు డౌన్!
మరిన్ని బిజినెస్ వార్తల కోసం ఇక్కడ క్లిక్ చేయండి
