Minimum Balance: బ్యాంక్ ఖాతాలో కనీస బ్యాలెన్స్ లేకపోతే ఏ బ్యాంక్ ఎంత రుసుము వసూలు చేస్తుందో తెలుసా?

Minimum Balance: నేటి రోజుల్లో బ్యాంక్ ఖాతా కలిగి ఉండటం ఎంత సాధారణమో, అందులో కనీస బ్యాలెన్స్ నిర్వహించడం కూడా అంతే ముఖ్యం. సాధారణంగా చాలా బ్యాంకులు తమ వద్ద సేవింగ్స్ ఖాతాలు కలిగిన కస్టమర్లు నిర్ణీత సగటు బ్యాలెన్స్‌ను కొనసాగించాలని సూచిస్తాయి. ఒకవేళ మీరు ఈ నిబంధనను పాటించకపోతే, బ్యాంకులు ‘నాన్-మెయింటెనెన్స్ ఛార్జీలు’ (Non-Maintenance Charges) పేరుతో పెనాల్టీలు వసూలు చేస్తాయి. మీరు ఎంచుకునే బ్యాంక్, ఖాతా రకాన్ని బట్టి ఈ రుసుములు వేర్వేరుగా ఉంటాయి. వివిధ ప్రముఖ బ్యాంకుల్లో కనీస బ్యాలెన్స్ లేకపోతే పడే ఛార్జీల వివరాలను తెలుసుకోండి.

1. స్టేట్ బ్యాంక్ ఆఫ్ ఇండియా (SBI Savings Plus): గ్రామీణ ప్రాంతాలు: రూ. 10 వరకు, పాక్షిక పట్టణ ప్రాంతాలు: రూ. 12 వరకు, పట్టణ, మరియు మెట్రో ప్రాంతాలు: రూ. 15 వరకు ఉంటుంది.
2. HDFC బ్యాంక్ (Regular Savings Account): గ్రామీణ ప్రాంతాలు: రూ. 450 వరకు, పాక్షిక పట్టణ ప్రాంతాలు: రూ. 300 వరకు, పట్టణ, మెట్రో ప్రాంతాలు: రూ. 600 వరకు ఉంటుంది.
3. ఇండస్ఇండ్ బ్యాంక్ (Privilege Savings Account): కావాల్సిన బ్యాలెన్స్ లోటులో 5% (నెలకు కనిష్టంగా రూ. 100 నుండి గరిష్టంగా రూ. 500 వరకు) ఉంటుంది.
4. యెస్ బ్యాంక్ (Savings Advantage Account): నెలకు గరిష్టంగా రూ. 500 వరకు
5. ICICI బ్యాంక్ (Regular Savings Account): గ్రామీణ ప్రాంతాలు: కావాల్సిన AMB లోటులో 5%, పాక్షిక పట్టణ/పట్టణ/మెట్రో ప్రాంతాలు: రూ. 100 తో పాటు లోటులో 5%.
6. పంజాబ్ నేషనల్ బ్యాంక్ (Savings Deposit General): శాఖ ఉన్న ప్రాంతం, త్రైమాసిక సగటు బ్యాలెన్స్ (QAB) లోటు ఆధారంగా రూ. 25 నుండి రూ. 250 వరకు ఉంటుంది.
7. కోటక్ మహీంద్రా బ్యాంక్ (Edge Savings Account): నెలకు గరిష్టంగా రూ. 500 వరకు

ఖాతాదారులు గమనించాల్సిన ముఖ్య విషయాలు:

సగటు బ్యాలెన్స్ ఎలా లెక్కిస్తారు?:

• బ్యాంకులు సాధారణంగా నెలవారీ సగటు బ్యాలెన్స్ (AMB – Average Monthly Balance) లేదా త్రైమాసిక సగటు బ్యాలెన్స్ (QAB – Quarterly Average Balance) పద్ధతిలో బ్యాలెన్స్‌ను లెక్కిస్తాయి. అంటే నెల మొత్తం మీద ప్రతిరోజూ ఉండే బ్యాలెన్స్ సగటును చూస్తాయి తప్ప, ప్రతిరోజూ ఖాతాలో ఆ మొత్తాన్ని ఉంచాల్సిన అవసరం లేదు.
• అదనపు పన్నులు (GST): పైన పేర్కొన్న అన్ని పెనాల్టీ రుసుములకు వర్తించే 18% జిఎస్‌టి (GST) అదనంగా జత చేస్తారని గుర్తించుకోండి.
• జీరో బ్యాలెన్స్ మినహాయింపులు: ప్రభుత్వ జన్ ధన్ యోజన ఖాతాలు లేదా Basic Savings Bank Deposit Account (BSBDA) రకం ఖాతాలకు ఎలాంటి కనీస బ్యాలెన్స్ నిబంధనలు ఉండవు. వీటిపై ఎటువంటి పెనాల్టీలు పడవు.

సూచన: అనవసరపు పెనాల్టీల నుండి మీ డబ్బును కాపాడుకోవడానికి, మీ బ్యాంక్ ఖాతా రకానికి తగినంత కనీస బ్యాలెన్స్ ఉందో లేదో ఎప్పటికప్పుడు సరిచూసుకోవడం మంచిది.

మరిన్ని బిజినెస్ వార్తల కోసం ఇక్కడ క్లిక్ చేయండి