Car Mileage: మీ కారు మైలేజీ పెరగాలంటే ఏం చేయాలో తెలుసా? ఎవ్వరికి తెలియని బెస్ట్ ట్రిక్స్!
Car Mileage: చిన్న చిన్న అలవాట్లు మీ కారు మైలేజీని మెరుగుపరుస్తాయి. సులభమైన, ప్రభావవంతమైన చిట్కాలను తెలుసుకోవడం చాలా ముఖ్యం. వీటిని పాటించడం ద్వారా మీరు మీ కారు మైలేజీని పెంచుకోవచ్చంటున్నారు టెక్ నిపుణులు. ఇంజిన్ లైఫ్ను కూడా పొడిగించవచ్చు. ఆటో..
Car Mileage: పెరుగుతున్న పెట్రోల్, డీజిల్ ధరల మధ్య ప్రతి కారు యజమాని తన కారు మంచి మైలేజీని ఇవ్వాలని కోరుకుంటాడు. తద్వారా తక్కువ ఖర్చుతో ఎక్కువ ప్రయాణించవచ్చు. చిన్న చిన్న అలవాట్లు మీ కారు మైలేజీని మెరుగుపరుస్తాయి. సులభమైన, ప్రభావవంతమైన చిట్కాలను తెలుసుకోవడం చాలా ముఖ్యం. వీటిని పాటించడం ద్వారా మీరు మీ కారు మైలేజీని పెంచుకోవచ్చంటున్నారు టెక్ నిపుణులు. ఇంజిన్ లైఫ్ను కూడా పొడిగించవచ్చు. ఆటో మొబైల్ టెక్నిషీయన్స్ తెలిపిన వివరాల ప్రకారం..
ఇది కూడా చదవండి: PM Modi: ప్రధాని మోదీ రైతులకు బంపర్ గిఫ్ట్.. మరో కొత్త స్కీమ్.. త్వరలో ప్రారంభం..!
- సరైన గేర్లో డ్రైవ్ చేయండి: తక్కువ వేగంతో హై గేర్ను లేదా అధిక వేగంతో తక్కువ గేర్ను ఉపయోగించడం వల్ల ఇంజిన్పై ఎక్కువ ఒత్తిడి పడుతుంది. అలాగే ఇంధన వినియోగం పెరుగుతుంది. అందుకే ఎల్లప్పుడూ సరైన గేర్లోనే డ్రైవ్ చేయండి.
- ఆకస్మిక బ్రేకింగ్, వేగవంతమైన ఎక్స్లేటర్ను నివారించండి: ఎక్స్లేటర్ వేగంగా వేయడం, ఆకస్మిక బ్రేకింగ్ ఇంజిన్పై ఒత్తిడిని పెంచుతుంది. ఇది మైలేజీని తగ్గిస్తుంది. నెమ్మదిగా వేగవంతం చేయడం, బ్రేకింగ్ చేయడం వల్ల ఇంధనం ఆదా అవుతుంది.
- టైర్లలో సరైన గాలి: టైర్లలో గాలి తక్కువగా ఉండటం వల్ల వాహనాన్ని లాగడానికి ఎక్కువ శక్తి అవసరం. టైర్లలో సరైన గాలి లేని కారణంగా ఇంజిన్పై అదనపు ఒత్తిడి పడుతుంది. దీని ఫలితంగా మైలేజ్ తగ్గుతుంది.
- ఓవర్లోడింగ్ను నివారించండి: వాహనంలో అవసరమైన దానికంటే ఎక్కువ సామాను లేదా వ్యక్తులను తీసుకెళ్లవద్దు. ఓవర్లోడ్ అయినప్పుడు ఇంజిన్ ఎక్కువ ఇంధనాన్ని వినియోగిస్తుంది. దీని వల్ల మైలేజ్ తగ్గుతుంది. ఎలక్ట్రిక్ వాహనాలలో కూడా ఓవర్లోడింగ్ పరిధిని ప్రభావితం చేస్తుంది.
- క్రమం తప్పకుండా సర్వీస్ చేయించుకోండి: ఇంజిన్ సరైన నిర్వహణ, మరియు సకాలంలో సర్వీసింగ్ వాహనం పనితీరును మెరుగుపరచడంలో సహాయపడతాయి. ఇది మైలేజీని మెరుగుపరుస్తుంది.
- ఎయిర్ ఫిల్టర్ శుభ్రంగా ఉంచండి: దుమ్ముతో కూడిన ఎయిర్ ఫిల్టర్ ఇంజిన్లో గాలి ప్రసరణను తగ్గిస్తుంది. ఇది ఇంధన వినియోగాన్ని పెంచుతుంది. ఎయిర్ ఫిల్టర్ను క్రమం తప్పకుండా శుభ్రం చేయాలి లేదా భర్తీ చేయాలి.
- టైర్ అలైన్మెంట్ సరిగ్గా ఉంచండి: టైర్ అలైన్మెంట్ సరిగా లేకపోవడం వల్ల వాహనం నడపడానికి ఆటంకం ఏర్పడుతుంది. ఇంధన వినియోగం పెరుగుతుంది. ఎప్పటికప్పుడు దాన్ని తనిఖీ చేసుకోండి.
- అనవసరమైన అధిక బరువును తొలగించండి: వాహనం పైకప్పుపై లేదా ప్రయాణికుల వైపు అనవసరమైన వస్తువులను స్టోర్ చేయడం వల్ల కూడా మైలేజ్ తగ్గుతుంది. అందుకే అవసరమైన వస్తువులను మాత్రమే తీసుకెళ్లండి.
- ఇంజిన్ను ఎక్కువగా వేడి చేయవద్దు: ఇంజిన్ను ఎక్కువసేపు నిలబడనివ్వకండి లేదా పనిలేకుండా ఉండనివ్వకండి. ఇది ఇంధన వినియోగాన్ని పెంచుతుంది.
ఇవి కూడా చదవండి
ఇది కూడా చదవండి: Andhra Pradesh: ఏపీ రైతులకు ప్రభుత్వం గుడ్న్యూస్.. వీటిపై 75 శాతం రాయితీ!
మరిన్ని బిజినెస్ వార్తల కోసం ఇక్కడ క్లిక్ చేయండి
Follow Us