ఆఫ్ఘనిస్తాన్ లో ఆత్మహుతి దాడి.. 16 మంది మృతి

కాబూల్‌ : ఆఫ్ఘనిస్థాన్‌లో మరోసారి ఆత్మాహుతి దాడి జరిగింది. జలాలాబాద్‌ ఎయిర్‌పోర్టుకు సమీపంలోని ఓ నిర్మాణ కంపెనీ వద్ద చోటు చేసుకున్న ఆత్మాహుతి దాడిలో 16మంది మృతి చెందారు. మరికొంత మంది తీవ్రంగా గాయపడ్డారు. అయితే కంపెనీ వద్ద మిలిటెంట్లకు, బలగాలకు మధ్య ఎదురుకాల్పులు కొనసాగుతున్నాయి. ఈ క్రమంలో క్షతగాత్రుల సంఖ్య పెరిగే అవకాశం ఉందని అక్కడి పోలీసు అధికారులు తెలిపారు. ఘటనాస్థలికి యూఎస్‌ బలగాలు చేరుకున్నాయి. కాగా ఈ ఆత్మాహుతి దాడికి తామే బాధ్యులమని ఇటు తాలిబన్‌ కానీ, అటు ఐసీస్‌ ఉగ్రవాదులు కానీ ప్రకటించలేదు.