‘ఎఫ్‌2’ డిలీట్‌ సీన్లు…నవ్వుల జల్లులు

హైదరాబాద్‌: విక్టరి వెంకటేష్‌, మెగాహీరో వరుణ్‌తేజ్‌లు కథానాయకులుగా వరస విజయాల దర్శకుడు అనిల్‌ రావిపూడి దర్శకత్వంలో వచ్చిన చిత్రం ‘ఎఫ్‌2’.  సంక్రాంతి కానుకగా ప్రేక్షకుల ముందుకు వచ్చిన ఈ సినిమా పండగకి గట్టిగా నవ్వించి బాక్సాఫీస్‌ వద్ద భారీ విజయాన్ని అందుకుంది. ఇటీవలే 50రోజులు కూడా పూర్తి చేసుకుంది.

ముఖ్యంగా వింటేజ్ వెంకీ బ్యాక్ అవ్వడం , వరుణ్‌తేజ్‌, తమన్నా, మెహరీన్‌ల కామెడీ, అనిల్‌ రావిపూడి టేకింగ్‌ సినిమాను విజయ పథంలో నడిపాయి. లెంగ్త్ ఎక్కువవుతుందని డిలేట్ చేసిన సీన్లలో  కొన్ని సన్నివేశాలను మూవీ టీం అభిమానులతో పంచుకుంది. ‘మోర్‌ సీన్స్‌.. మోర్‌ ఫన్‌’ ‘ఎఫ్‌2’లో డిలీట్‌ చేసిన సన్నివేశాలివే! అని చిత్ర నిర్మాణ సంస్థ శ్రీ వెంకటేశ్వర క్రియేషన్స్‌ ఆ వీడియోను విడుదల చేసింది. దేవిశ్రీ ప్రసాద్‌ స్వరాలు సమకూర్చిన ఈ చిత్రాన్ని దిల్‌రాజు నిర్మించారు. దాదాపు రూ.140కోట్లకు పైగా ఈ సినిమా వసూళ్లను సాధించింది.