‘కైలీ జెన్నర్’ 21 ఏళ్ళకే యంగెస్ట్ బిలియనీర్‌గా రికార్డ్

‘కైలీ జెన్నర్ ‘ 21 ఏళ్లు కూడాలేని ఈ అమ్మడు ప్రపంచ కుబేరుల్లో ఒకరిగా నిలిచి చరిత్ర సృష్టించింది. వారసత్వ సంపదతో కాకుండా సొంతంగా వేల కోట్లు సంపాదించి ఫోర్బ్స్ జాబితాలో యంగెస్ట్‌ బిలియనీర్‌గా రికార్డ్ క్రియేట్ చేసింది ఈ అమెరికన్ మోడల్.

Kylie Jenner is the youngest-ever self-made billionaire, reaching a 10-figure fortune at a younger age than even Mark Zuckerberg https://t.co/P18m2ldrQk #ForbesBillionaires pic.twitter.com/RrenNvGbbE

— Forbes (@Forbes) March 5, 2019

కైలీ జెన్నర్ 900 మిలియన్ డాలర్ల సంపదతో ఫోర్బ్స్ జాబితాలోని 2,057వ ర్యాంక్‌ను సొంతం చేసుకుంది. ఈ సంపదతోపాటు 10 శాతం మేనేజ్‌మెంట్‌ ఫీజుతో కలిపి ఆమె సంపద బిలియన్ డాలర్ జాబితాలో చేరిందని ఫోర్బ్స్‌ పేర్కొంది. ఫేస్‌బుక్‌ మార్క్ జుకర్‌బర్గ్‌ 23 ఏళ్ల వయసులో ఈ ఘనత సాధించారని తెలిపింది.

కైలీ జెన్నర్ 2015లో కాస్మొటిక్‌ బిజినెస్‌లోకి ప్రవేశించారు. కైలీ కాస్మొటిక్స్ పేరుతో సంస్థను ప్రారంభించారు. ‘నేను దేన్నీ ఆశించలేదు. భవిష్యత్ ఎలా ఉంటుందో అంచనా వేయలేదు. అయితే ఈ గుర్తింపు నాకు సంతోషాన్ని కలిగించింది’ అని కైలీ జెన్నర్ తెలిపారు.