అంతరాష్ట్ర ఎర్రచందనం స్మగ్లర్ అరెస్ట్

కడప : కడప జిల్లా నుండి ఎర్రచందనం అక్రమ రవాణా చేస్తూ.. తప్పించుకు తిరుగుతున్న అంతరాష్ట్ర స్మగ్లర్ ను ఎట్టకేలకు పోలీసులు అరెస్ట్ చేశారు. గతకొంత కాలంగా పరారీలో ఉన్న ఎర్రచందనం స్మగ్లర్ గురుస్వామి ఎట్టకేలకు పోలీసులకు చిక్కాడు. అతనితో పాటుగా ఇద్దరు అనుచరులను కూడా అరెస్ట్ చేసినట్లు జిల్లా ఎస్పీ రాహుల్ దేవ్ శర్మ వివరాలు వెల్లడించారు. కాగా గురుస్వామిపై జిల్లాలో 40 కేసులు నమోదై ఉన్నట్లు జిల్లా ఎస్పీ తెలిపారు. గురుస్వామి అంతర్జాతీయ స్మగ్లర్ కందస్వామి పర్తిబాస్ కు బంధువని తెలిపారు. వీరి వద్ద నుంచి 66 ఎర్రచందనం దుంగలు, ఒక లారీని పోలీసులు స్వాధీనం చేసుకున్నారు.