రూ.300 తో ఇంట్లో నుంచి పారిపోయి…ఇప్పుడు సౌత్ ఇండియా స్టార్ హీరో..

‘కేజీఎఫ్ మూవీ ఇండియ‌న్ ఫిల్మ్ ఇండ‌స్ట్రీలో ఊహించ‌ని ఇంపాక్ట్ క్రియేట్ చేసింది. సైలెంట్ గా వ‌చ్చి హీరో యశ్ ఓవ‌ర్ నైట్ సూప‌ర్ స్టార్ అయిపోయాడు. అంత‌క‌ముందు వ‌రకు ఈ హీరో పేరు ఒక్క క‌న్న‌డ‌లో త‌ప్ప బ‌య‌ట ఎక్క‌డా వినిపించేది కాదు. కానీ ఇప్పుడు య‌శ్ అంటే ఓ సెన్సేష‌న్. కేజీఎఫ్ సినిమా అత‌డి కెరీర్ మొత్తాన్ని మార్చేసింది. ఇప్పుడు ఈ సినిమా సీక్వెల్ కోసం ఆడియెన్స్ ఓ రేంజ్ లో వెయిట్ చేస్తున్నారు. క‌న్న‌డ చిత్ర‌పరిశ్ర‌మ స్థాయినే పెంచేసిన య‌శ్..తాజాగా త‌న చిన్ననాటి నుంచి ఆస‌క్తిక‌ర విష‌యాలను పంచుకున్నాడు. త‌న చిన్న‌ప్పుడు రూ.300 తో ఇంట్లో నుంచి పారిపోయాడ‌ట ఈ స్టార్ హీరో. యాక్ట‌ర్ కావాల‌నే ఉద్దేశ్యంతోనే అలా పారిపోయి బెంగుళూరు వ‌చ్చాడ‌ట‌. కానీ వ‌చ్చిన తొలినాళ్లో ఎన్నో ఇబ్బందులు అత‌డ్ని వెంటాడ‌య‌ట‌.

“నేను ఇంటి నుంచి పారిపోయి బెంగళూరుకు వచ్చేశా. అక్క‌డ‌కు వెళ్లిన తర్వాత ఇంత పెద్ద న‌గ‌రంలో ఎలా బ్ర‌త‌కాలా అని చాలా భయపడ్డా. కానీ, ఎప్పుడూ ఆత్మవిశ్వాసాన్ని కొల్పోలేదు. సమస్యలకు వెన‌క‌డుగు వెయ్య‌లేదు. బెంగళూరుకు చేరుకునేస‌రికి నా జేబులో కేవలం రూ.300 మాత్రమే ఉన్నాయి. ఆ సమయంలో తిరిగి వెళితే, తల్లిదండ్రులు ముఖం చూపించ‌లేను. అందుకే యాక్ట‌ర్ గా నా ల‌క్ టెస్ట్ చేసుకోవాలి అనుకున్నా. ఒకవేళ యాక్ట‌ర్ కాలేకపోతే.. నా తల్లిదండ్రులు ఏం చెబితే అది చేయాల్సిన పరిస్థితి. అయితే నేను తిరిగి వచ్చేస్తానని వారు భావించారు. ల‌క్కీగా ఓ వ్యక్తి నన్ను థియేటర్‌లోకి తీసుకున్నాడు. ఆ సమయంలో ఆ ప‌ని గురించి నాకు ఏమి తెలియ‌దు. పార్ట్‌టైమ్ జాబ్ చేస్తూ డబ్బులు సంపాదించడం మొదలుపెట్టా. టీ అందించ‌డం నుంచి ఎన్నో ర‌కాల పనులు చేశా.. ఎన్నో ప్రదేశాలు తిరిగా. స్టేజీపై నా తొలి ప్రదర్శనను గుర్తించి, అవకాశం ఇచ్చారు” అని య‌శ్ త‌న లైఫ్ లోని మూమెంట్స్ పంచుకున్నారు.