Bigg Boss 4 Winner: అమ్మ చేతిలో గారాల తనయుడు బిగ్ బాస్ సీజన్ 4 విజేత.. అభిజిత్ చిన్ననాటి ఫోటో

Bigg Boss 4 Winner: అభిజిత్ తెలుగు బిగ్ బాస్ సీజన్ 4 విజేత గా బుల్లి తెర ప్రేక్షకులకు సుపరిచితుడు. బిగ్ బాస్ హౌస్‌లో అద్భుతమైన ఆటతీరుతో నాలుగో సీజన్ విజేతగా నిలిచాడు అభిజీత్. బయటకు వచ్చిన తర్వాత నుంచి వరుస ఇంటర్వ్యూలతో బిజీగా గడుపుతున్నాడు. అయితే బిగ్ బాస్ తో అభిజిత్ ఎంత ఫేమ‌స్ అయ్యాడో ఆయ‌న త‌ల్లి కూడా అంతే ఫేమ‌స్ అయ్యారు. ఓ సారి త‌న కుమారుడిని క‌ల‌వ‌డానికి హౌజ్‌లోకి వ‌చ్చిన‌ప్పుడు కొట్టుకోండి, మ‌స్త్‌ మ‌జా వ‌స్తుంద‌ని ఆమె ఎంతో ఎగ్జ‌యిట్‌మెంట్‌తో అన్నారు. ఆమె మాట‌లు నెటిజన్స్‌ని ఎంత‌గానో ఆక‌ట్టుకున్నాయి. తాజాగా అభిజీత్ త‌న త‌ల్లితో దిగిన చిన్న నాటి ఫొటోను సోష‌ల్ మీడియాలో షేర్ చేశాడు. దీనికి మామ్ ల‌వ్ అని కామెంట్ పెట్టాడు. కాగా ఈ ఫొటో అభి ఫ్యాన్స్‌ని బాగా ఆక‌ట్టుకుంటోంది.

కానీ అభిజిత్ వెండి తెరపై శేఖర్ కమ్ముల డైరెక్షన్ లో తెరకెక్కిన లైఫ్ ఈజ్ బ్యూటీ ఫుల్ సినిమాతో హీరోగా ఎంట్రీ ఇచ్చాడు. ఆ సినిమా తర్వాత పెద్దగా సినిమాల్లో అభిజిత్ అవకాశాలు దక్కలేదు. దీంతో వెబ్ సిరీస్ పై ఫోకస్ పెట్టాడు. పెళ్లి రోజు వెబ్ సిరీస్ తో ప్రేక్షకులను ఆకట్టుకున్నాడు. అనంతరం బిగ్ బాస్ లో కంటెస్టెంట్ గా అవకాశం దక్కించుకున్న అభిజిత్ కూల్ అండ్ కామ్ పంథాని ఎంచుకుని గేమ్ ఆడుతూ.. ప్రేక్షకులను ఆకట్టుకున్నాడు. చివరికి విజేతగా నిలిచాడు. మెగాస్టార్ చిరంజీవి చేతులమీదుగా ట్రోఫీని అందుకున్న అభిజిత్ కు లూసిఫెర్ రీమేక్ లో అవాకాశం దక్కిందనే వార్తలు వినిపిస్తున్నాయి. ఇటీవలే టీమిండియా వైస్ కెప్టెన్ రోహిత్ శర్మను ఊహించని రీతిలో బహుమతిని అందుకున్న అభిజిత్ కు మరోవైపు సినిమాల్లో కూడా అవకాశాలు వస్తున్నాయనే టాక్ వినిపిస్తోంది.

Also Read: రైతుల ఉద్యమం నేపథ్యంలో ఆర్ నారాయణ మూర్తి సినిమా.. రేవంత్ రెడ్డి ప్రశంసల వర్షం