బిగ్‏బాస్ షో చూడను, కానీ ఆ కంటెస్టెంట్‏తో.. రామ్‏గోపాల్ వర్మ సంచలన కామెంట్స్..

Big Boss Season 4: టాలీవుడ్ సంచలన డైరెక్టర్ రామ్‏గోపాల్ వర్మ మాటలు, తీసే సినిమాలు, చేతలు అన్ని చిత్రవిచిత్రంగా ఉంటాయి. ఒకరిని ఫాలో అవడం తనకు నచ్చదని తనకంటూ ప్రత్యేక రూటు క్రియేట్ చేసుకున్నాడు ఈ సంచలన డైరెక్టర్. లాక్‏డౌన్ సమయంలోనూ వరుస సినిమాలు తీస్తూ బిజీగా ఉన్నాడు. అయితే ఈ సంచలన డైరెక్టర్‏ను ఇంటర్వ్యూలు చేసినవారికి సూటిగా సమాధానాలు చెప్పడం వర్మకు అలవాటు. అప్పట్లో వర్మను ఇంటర్వ్యూ చేసిన అరియానాకు సూటీగా జవాబు ఇచ్చాడు. ఈ మధ్య మీకు ఏ అమ్మాయిని చూస్తే వావ్ అనిపించింది అని అరియానా అడిగిన ప్రశ్నకు నువ్వే అని సమాధానం చెప్పాడు వర్మ. ఆ తర్వాత ఆమె చాలా ఫేమస్ అయిపోయింది. ఇటీవల బిగ్‏బాస్ సీజన్ 4లో అడుగుపెట్టిన అరియానా స్ట్రాంట్‏గా గేమ్ ఆడుతోంది.

తాజాగా ఓ ఇంటర్వ్యూలో అరియానాపై వర్మ చేసిన కామెంట్స్ సోషల్ మీడియాలో వైరల్‏గా మారాయి. బిగ్‏బాస్ ఇంట్లో ఉన్న అరియానా గురించి ఆ యాంకర్ వర్మ దగ్గర ప్రస్తావించగా.. తాను బిగ్‏బాస్ షో చూడనను అని చెప్పాడు. అసలు హౌస్‎‏లో ఎంత మంది ఉంటారు? అని తిరిగి యాంకర్‏నే ప్రశించాడు. దీంతో ఆమె 16 మంది అని చెప్పి.. అరియానా టాప్ 5లోకి కూడా వెళ్తుందని టాక్ అని యాంకర్ చెప్పింది. దీంతో అంటే ఆ ఐదుగురు విన్నర్స్ అవుతారా? అని వర్మ మళ్ళీ ప్రశ్నించాడు. అంతేకాకుండా అరియానాతో సినిమా తీయాలనుందని కూడా వర్మ తన మనసులోని మాటను బయటపెట్టాడు. బిగ్‏బాస్ హౌస్ నుంచి బయటకు వచ్చాక అరియానా… వర్మ ఇచ్చిన ఈ ఆఫర్ పై ఎలా స్పందిస్తుందో చూడాలి.