Bigg Boss 4: బ్రేకప్ ద్వారా లైఫ్‏లో చాలా నేర్చుకున్నా.. తను నేను మంచి స్నేహితులం మాత్రమే.. టీవీ9తో అరియానా..

బిగ్‏బాస్ సీజన్ 4 హౌస్‏లోకి బోల్డ్ బ్యూటీగా ఎంట్రీ ఇచ్చి స్ట్రాంగ్‏గా గేమ్ ఆడింది అరియానా గోరీ. బిగ్‏బాస్ ఇంట్లోలో తన ఆట తీరుతో ఎంతో మంది ప్రేక్షకుల అభిమానాన్ని సొంతం చేసుకుంది. సంచలన దర్శకుడు రామ్ గోపాల్ వర్మ సైతం అరియానాను గెలిపించాలని కోరేంతగా క్రేజ్‏ను సంపాదించుకుంది ఈ బోల్డ్ బ్యూటీ.

తాజాగా టీవీ9తో అరియానా కొన్ని ఆసక్తికర విషయాలను పంచుకుంది. తనకు బిగ్‏బాస్ జర్నీలో ఎన్నో రకాల అనుభవాలను పొందానని తెలిపింది. తన పేరును అర్చన నుంచి అరియానాగా తన స్నేహితులవల్లే మార్చానని తెలిపింది. హౌస్‏లో అరియానా- సోహైల్, అరియానా- అవినాష్ మంచి కనెక్షన్స్ అని చెప్పుకొచ్చింది. అవినాష్‏తో తనకు కేవలం స్నేహం మాత్రమే ఉందని.. ఇప్పటి వరకు మా మధ్య పెళ్ళికి సంబంధించిన ఆలోచనలు లెవని స్పష్టం చేసింది. ఇంట్లో అవినాష్ తనకు మంచి సపోర్ట్ ఇచ్చాడని తెలిపింది. సోహైల్‏తో తనకు మంచి ర్యాపో ఉందని.. కోపం లేదని, కేవలం ఇంట్లో జరిగిన చిన్న చిన్న గొడవలు మాత్రమే అని వివరణ ఇచ్చింది. ఇప్పట్లో పెళ్ళి ఆలోచన లేదు. సంవత్సరం తర్వాత దాని గురించి ఆలోచిస్తా అంటూ చెప్పుకొచ్చింది. లైఫ్‏లో బ్రేకప్ ద్వారా చాలా నేర్చుకున్నాని తెలిపింది.

ఇక ఎలాంటి అబ్బాయి కావాలని ప్రశ్నించగా.. క్యూట్‏గా తక్కువ మాట్లాడి, హోమ్లీగా ఉండే అబ్బాయి కావాలని.. అలాంటి వ్యక్తి తన లైఫ్‏లోకి వస్తే కచ్చితంగా అతనినే పెళ్ళి చేసుకుంటా అని తెలిపింది. ప్రస్తుతం యాంకర్‏గానే నా కెరిర్‏ను కొనసాగిస్తా.. కానీ ఆఫర్స్ వస్తే మాత్రం నటించడానికి సిద్ధంగా ఉన్ననంటూ తెలిపింది. అంతేకాకుండా ప్రస్తుతం ఎవరైన తనకు ప్రపోజ్ చేస్తే ఆ విషయం గురించి ఆలోచిస్తా అని.. దేవినాగవల్లి, దివి, హారిక తనకు మంచి ఫ్రెండ్స్ అంటూ చెప్పుకొచ్చింది.