బిగ్ బాస్ 3: ఆ హాట్ బ్యూటీ వైల్డ్ కార్డ్ ఎంట్రీ ఇవ్వనుందా?

హాట్ బ్యూటీ శ్రద్దా దాస్ గురించి సపరేట్‌గా చెప్పాల్సిన పనిలేదు. సిద్దూ ఫ్రమ్ శ్రీకాకుళం సినిమాతో టాలీవుడ్‌కు ఎంట్రీ ఇచ్చిన ఈ అమ్మడు ఆర్య2, గుంటూరు టాకీస్, గరుడ వేగ వంటి చిత్రాలతో ఆకట్టుకుంది. ప్రస్తుతం ఈ అమ్మడి చేతిలో పెద్ద ప్రాజెక్టులు ఏమి లేవు. అయితే మ‌రి కొద్ది రోజుల్లో శ్రద్దా బిగ్ బాస్ హౌజ్‌లోకి ఎంట్రీ ఇవ్వ‌నున్న‌ట్టు వార్త‌లు వ‌స్తున్నాయి. బిగ్ బాస్ సీజ‌న్ 3 కార్య‌క్ర‌మం స‌క్సెస్ ఫుల్‌గా వారం రోజుల పూర్తి చేసుకోవ‌డంతో ఈ రోజు ఒక‌రు హౌజ్ నుండి ఎలిమినేట్ కానున్నారు. ఇప్పటికే గొడవలు, గ్యాంగులతో హౌజ్‌లో వేడి రాజుకుంది. ఇదే టైంలో మరింత గ్లామర్ టచ్ ఆడియెన్స్‌కు ఇవ్వాలని బిగ్ బాస్ టీం భావిస్తోంది.  ఎలిమినేష‌న్  త‌ర్వాత శ్ర‌ద్ధా దాస్ వైల్డ్ కార్డ్ ఎంట్రీ ద్వారా బిగ్ బాస్ హౌజ్‌లోకి అడుగుపెడుతుంద‌ని ప్ర‌చారం జ‌రుగుతుంది. ఇక ట్రాన్స్‌జండర్ తమన్నా సింహాద్రి కూడా ఎంట్రీ ఇవ్వనుందంటూ మరికొన్ని రూమర్స్‌ షికారు చేస్తున్నాయి. మ‌రి ఈ వార్తల్లో నిజమెంతో తెలియాలంటే మరికొన్ని రోజులు వెయిట్ చేయాల్సిందే.