Horoscope Today: ఈ రాశి వారికి ఉద్యోగ అవకాశాలు మెండుగా ఉన్నాయి. ఈ రోజు రాశి ఫలాలు ఇలా ఉన్నాయి..
Horoscope Today 4-04-2021: జ్యోతిష శాస్త్రంలో 12 రాశులు ఉంటాయి. ఒక్కొక్క రాశిలో తొమ్మిది నక్షత్రపాదాలు ఉంటాయి. ఇలా పన్నెండు రాశులలో..
Horoscope Today 4-04-2021: జ్యోతిష శాస్త్రంలో 12 రాశులు ఉంటాయి. ఒక్కొక్క రాశిలో తొమ్మిది నక్షత్రపాదాలు ఉంటాయి. ఇలా పన్నెండు రాశులలో కలిసి 108 నక్షత్ర పాదాలు ఉంటాయి. రాశి నక్షత్ర సమూహాలను ఉహా రేఖతో కలిపి ఆ ఆకారం పోలికను అనుసరించి ఋషుల చేత నిర్ణయించబడినవే మేషము, మీనము మొదలగు రాశులు. ఈ రాశి ఫలితాలను ప్రజలు చాలా మంది విశ్వసిస్తారు, అనుసరిస్తుంటారు. రాశి ఫలాలను ఆధారంగా చేసుకుని రోజును ప్రారంభించే వారు కూడా ఉంటారు. ఈ రాశి ఫలాల ఆధారంగా ఎవరు ఎలాంటి పనులు చేపట్టాలి, ఎలాంటి జాగ్రత్తలు తీసుకోవాలి, ఏయే విషయాల్లో అప్రమత్తంగా ఉండాలి అనే విషయాలు తెలుసుకుందాం. ఈ ఆదివారం రాశి ఫలాలను ఒకసారి చూద్దాం..
మేష రాశి: ఈ రాశి వారు చేపట్టినటువంటి పనుల్లో పెద్దవారి సహకారం తీసుకోవడం చాలా ఉపయోగపడుతుంటుంది. అంతేకాకుండా సామాజిక, గౌరవాలు కోల్పోకుండా జాగ్రత్తలు తీసుకోవాలి. నవగ్రహ స్తోత్రపారాయణం మేలు చేస్తుంది.
వృషభ రాశి: ఈ రాశి వారు ఇవాళ వేరు వేరు రూపాల్లో పలు కార్యక్రమాలు చేపట్టి పూర్తి చేసే సందర్భంలో చాలా జాగ్రత్తగా వ్యవహరిస్తుండాలి. సుదర్శన స్వామి వారి నామస్మరణ మేలు చేస్తుంది.
మిథున రాశి: ఈ రాశి వారికి ఇవాళ వ్యాపార, ఉద్యోగ విషయాల్లో మిశ్రమమైనటువంటి ఫలితాలు కనిపిస్తున్నాయి. తొందరపడి చేపట్టినటువంటి పనులు పూర్తి చేయకుండా ప్రయోజనాల పరంగా ఆలోచించటం మంచిది. శ్రీవేంకటేశ్వర స్వామి దర్శనం మేలు చేస్తుంది.
కర్కాటక రాశి: ఈ రాశి వారు ఇవాళ తమకున్నటువంటి ఆస్తి వ్యవహారిక విషయాల్లో జాగ్రత్తగా ఉండాలి. కుటుంబ పెద్దల ఆరోగ్య విషయాల్లో జాగ్రత్తలు తీసుకోవటం మంచిది. ఆదిత్య హృదయ స్తోత్ర పారాయాణం మేలు చేస్తుంది.
సింహ రాశి: ఈ రాశి వారికి ఇవాళ ప్రముఖులతో పరిచయాలు అవుతుంటాయి. అలాగే విద్యార్థుల యొక్క ఆరోగ్య విషయాల్లో జాగ్రత్తలు తీసుకుంటుండాలి. ధన్వంతరి స్తోత్ర పారాయణం మేలు చేస్తుంది.
కన్య రాశి: ఈ రాశి వారు షేర్లు, పెట్టుబడుల విషయాల్లో జాగ్రత్తలు తీసుకుంటుండాలి. సామాజిక సేవా కార్యక్రమాల్లో పాల్గొంటుంటారు. నవగ్రహ స్తోత్ర పారాయణం వీరికి మేలు చేస్తుంటుంది.
తుల రాశి: ఈ రాశికి ఇవాళ శ్రమకు తగినటివంటి ప్రయోజనాలు పొందటంలో పట్టుదలతో వ్యవహరిస్తుండాలి. నిరాశ, నిస్పృహలను దూరం చేసుకోవాలి. శివపంచాక్షరి జపం వీరికి మేలు చేస్తుంది.
వృశ్చిక రాశి: ఈ రాశి వారికి సంఘంలో అభిమానులు, అనుచరుల సంఖ్య తగ్గిపోకుండా జాగ్రత్తలు తీసుకుంటుండాలి. అలాగే రాజకీయపరమైన కార్యక్రమాల్లో అతి జాగ్రత్తగా ఉండటం చాలా మంచిది. సూర్యనారాయణ స్వామి అర్చన, దర్శనం మేలు చేస్తుంది.
ధనుస్సు రాశి: ఈ రాశి వారికి ఉద్యోగాది విషయాల్లో అనుకూలంగా ఉంటుంది. అలాగే ప్రయాణ పరంగా జాగ్రత్తలు తీసుకోవటం మంచిది. నందీశ్వరుడి దర్శనం, అర్చన మేలు చేస్తుంది.
మకర రాశి: ఈ రాశి వారు ఇవాళ ఆకస్మిక ప్రయాణాలు చేయవలసిన అవసరాలు ఏర్పడుతుంటాయి. అలాగే ముఖ్యమైనటువంటి వ్యక్తులను కలుసుకుంటారు. విందు కార్యక్రమాల్లో పాల్గొంటారు. అమ్మవారి అర్చన వీరికి మేలు చేస్తుంది.
కుంభ రాశి: ఈ రాశి వారికి ఇవాళ తమకు కలిగినటువంటి ఆలోచనలు ఏవైతే ఉంటాయో వాటిని కార్యరూపం దాల్చుకునేందుకు తగినటువంటి శ్రద్ధ చూపటం మంచిది. ఆరోగ్య విషయాల్లో జాగ్రత్తలు తీసుకోవాలి. శివాభిషేకం మేలు చేస్తుంది.
మీన రాశి: ఈ రాశి వారికి ఇవాళ వ్యాపారంలో ఉన్నటువంటి చిన్న చిన్న సమస్యలను అధిగమించే ప్రయత్నం చేస్తుంటారు. పిల్లల చదువుల విషయంలో శ్రద్ధ చూపటం మంచిది. హయగ్రీవ స్వామి ఆరాధన మేలు చేస్తుంది.
Horoscope Video:
Also read:
