Horoscope Today: వారి కుటుంబంలో ఆనందం నెలకొంటుంది.. 12 రాశుల వారికి రాశిఫలాలు

దిన ఫలాలు (ఏప్రిల్ 3, 2025): మేష రాశి వారికి ఉద్యోగ జీవితం ప్రోత్సాహకరంగా సాగిపోతుంది. ఉద్యోగం మారే ప్రయత్నాలు సఫలం అవుతాయి. వృషభ రాశి వారు వృత్తి, ఉద్యోగాల్లో అధికారుల నమ్మకాన్ని చూరగొంటారు. కొన్ని ప్రత్యేక బాధ్యతలు నిర్వర్తించాల్సి వస్తుంది. మిథున రాశి వారు ఉద్యోగంలో అధికారుల నుంచి ఒకటి రెండు శుభవార్తలు వింటారు. వృత్తి, వ్యాపారాలు బాగా లాభ సాటిగా సాగిపోతాయి. మేష రాశి మొదలు మీన రాశి వరకు 12 రాశుల వారికి గురువారంనాటి రాశిఫలాలు ఎలా ఉన్నాయంటే..

మేషం (అశ్విని, భరణి, కృత్తిక 1)

ఉద్యోగ జీవితం ప్రోత్సాహకరంగా సాగిపోతుంది. వృత్తి, వ్యాపారాల్లో లాభాలు కొద్దిగా పెరుగుతాయి. అనేక విధాలుగా ఆదాయ మార్గాలు విస్తరిస్తాయి. పెండింగ్ పనులన్నీ పూర్తవుతాయి. ఉద్యోగం మారే ప్రయత్నాలు సఫలం అవుతాయి. రావలసిన డబ్బు చేతికి అందుతుంది. నిరుద్యోగులు తప్పకుండా శుభవార్త వింటారు. పెళ్లి ప్రయత్నాలు కూడా ఒక కొలిక్కి వస్తాయి. కుటుంబంలో అనుకోకుండా ఒక శుభ పరిణామం చోటు చేసుకుంటుంది. ఆరోగ్యం బాగా మెరుగ్గా ఉంటుంది.

వృషభం (కృత్తిక 2,3,4, రోహిణి, మృగశిర 1,2)

వృత్తి, ఉద్యోగాల్లో అధికారుల నమ్మకాన్ని చూరగొంటారు. కొన్ని ప్రత్యేక బాధ్యతలు నిర్వర్తించాల్సి వస్తుంది. వ్యాపారాల్లో యాక్టివిటీ బాగా పెరుగుతుంది. కుటుంబ సభ్యుల నుంచి ఒత్తిడి ఉంటుంది. ఆదాయం బాగా వృద్ధి చెందుతుంది. ఆహార, విహారాల్లో జాగ్రత్తగా ఉండడం మంచిది. ముఖ్యమైన వ్యవహారాలు కొద్ది శ్రమతో పూర్తవుతాయి. పిల్లలు చదువుల్లో పురోగతి సాధిస్తారు. నిరుద్యోగులు శుభ వార్తలు వింటారు. బంధువుల్లో పెళ్లి సంబంధం కుదురుతుంది. ఎవరికీ హామీలు ఉండవద్దు.

మిథునం (మృగశిర 3,4, ఆర్ద్ర, పునర్వసు 1,2,3)

ఉద్యోగంలో అధికారుల నుంచి ఒకటి రెండు శుభవార్తలు వింటారు. వృత్తి, వ్యాపారాలు బాగా లాభ సాటిగా సాగిపోతాయి. ఏ ప్రయత్నమైనా సఫలం అయ్యే అవకాశం ఉంది. ఆదాయ ప్రయత్నాలు సత్ఫలితాలనిస్తాయి. సొంత పనుల మీద శ్రద్ధ పెట్టడం మంచిది. ప్రముఖులతో పరిచయాలు ఏర్పడతాయి. ఇంటా బయటా బాధ్యతలు పెరిగే అవకాశం ఉంది. ఉద్యోగ ప్రయత్నాల్లో శుభ వార్తలు అందుతాయి. పిల్లలు బాగా వృద్ధిలోకి వస్తారు. ఆదాయానికి, ఆరోగ్యానికి ఢోకా ఉండదు.

కర్కాటకం (పునర్వసు 4, పుష్యమి, ఆశ్లేష)

ఉద్యోగంలో పనిభారం, పని ఒత్తిడి కాస్తంత ఎక్కువగానే ఉంటాయి. సమర్థతకు మంచి గుర్తింపు లభిస్తుంది. రాబడి వృద్ధి కోసం వృత్తి, వ్యాపారాల్లో కొన్ని కీలక మార్పులు చేస్తారు. కుటుంబప రంగా కొద్దిగా ఒత్తిడి ఉండే అవకాశం ఉంది. ఆదాయం బాగా వృద్ధి చెందుతుంది. ఒకటి రెండు వ్యక్తి గత సమస్యలు కొద్ది ప్రయత్నతో పరిష్కారమవుతాయి. ఉద్యోగ, పెళ్లి ప్రయత్నాల్లో శుభవార్తలు వింటారు. నిరుద్యోగులకు విదేశాల నుంచి శుభవార్త అందుతుంది. ఆరోగ్యం బాగానే ఉంటుంది.

సింహం (మఖ, పుబ్బ, ఉత్తర 1)

వృత్తి, ఉద్యోగాలు చాలావరకు ఉత్సాహంగా సాగిపోతాయి. ఉద్యోగంలో లక్ష్యాలు పెరిగే అవకాశం ఉంది. వ్యాపారాల్లో కొద్దిపాటి లాభాలు అందుకుంటారు. ఆదాయానికి లోటుండకపోవచ్చు. ఇంటా బయటా పని ఒత్తిడి ఎక్కువగా ఉంటుంది. కుటుంబ పరిస్థితులు అనుకూలంగా ఉంటాయి. ముఖ్యమైన వ్యవహారాల్ని పూర్తి చేస్తారు. స్వల్ప అనారోగ్య సూచనలున్నాయి. ప్రయాణాల వల్ల ఫలితం ఉండకపోవచ్చు. విదేశాల్లో స్థిరపడిన పిల్లల నుంచి ఆశించిన సమాచారం అందుతుంది.

కన్య (ఉత్తర 2,3,4, హస్త, చిత్త 1,2)

వృత్తి, వ్యాపారాలు కొత్త పుంతలు తొక్కుతాయి. ఉద్యోగ జీవితంలో మీ పనితీరుతో అధికారులను ఆకట్టుకుంటారు. అనుకున్న పనులు అనుకున్న విధంగా పూర్తవుతాయి. బంధుమిత్రులకు మీ సలహాలు, సూచనలు బాగా ఉపయోగపడతాయి. నిరుద్యోగులు ఒకటి రెండు సానుకూల వార్తలు వింటారు. అనుకోకుండా మంచి పెళ్లి సంబంధం కుదురుతుంది. ఆరోగ్యం మెరుగ్గా ఉంటుంది. ఆదా యం వృద్ధి చెందుతుంది. దైవ కార్యాల్లో పాల్గొంటారు. ఎదురు చూస్తున్న శుభవార్తలు వింటారు.

తుల (చిత్త 3,4, స్వాతి, విశాఖ 1,2,3)

ఉద్యోగంలో అధికారులకు మీ మీద నమ్మకం బాగా పెరుగుతుంది. మీ సలహాలు, సూచనల వల్ల అధికారులు లబ్ది పొందుతారు. ఇంటా బయటా మీ మాటకు ఎదురుండదు. వృత్తి, వ్యాపారాల్లో రాబడి ఆశించిన స్థాయిలో పెరుగుతుంది. సొంత పనుల విషయంలో అశ్రద్ధ పనికిరాదు. ఆదాయం బాగా వృద్ధి చెందుతుంది. ఆదాయ మార్గాలు విస్తరిస్తాయి. తోబుట్టువులతో ఆస్తి వివాదం పరిష్కారం అవుతుంది. మంచి పరిచయాలు ఏర్పడతాయి. నిరుద్యోగులకు ఉద్యోగ యోగం పడుతుంది.

వృశ్చికం (విశాఖ 4, అనూరాధ, జ్యేష్ట)

వృత్తి, ఉద్యోగాల్లో సానుకూల వాతావరణం నెలకొంటుంది. పని ఒత్తిడి నుంచి బాగా ఉపశమనం లభిస్తుంది. ఆదాయ ప్రయత్నాలు సఫలం కావడం మొదలవుతుంది. ఆదాయానికి లోటుండదు. ఉద్యోగ, పెళ్లి ప్రయత్నాలు కలిసి వస్తాయి. వ్యాపారాలు నిలకడగా సాగిపోతాయి. సమాజంలో మీ మాటకు, చేతకు విలువ పెరుగుతుంది. మంచి పరిచయాలు ఏర్పడతాయి. విదేశాల్లో ఉంటున్న పిల్లలు, బంధువుల నుంచి శుభవార్తలు అందుతాయి. విద్యార్థులు ఘన విజయాలు సాధిస్తారు.

ధనుస్సు (మూల, పూర్వాషాఢ, ఉత్తరాషాఢ 1)

వృత్తి, ఉద్యోగ, వ్యాపారాలు ఆశాజనకంగా, సానుకూలంగా సాగిపోతాయి. ఆశించిన శుభవార్తలు వింటారు. అనుకున్న పనులు అనుకున్నట్టు పూర్తవుతాయి. ముఖ్యమైన ప్రయత్నాలు సఫలం అవుతాయి. ఆదాయం బాగా వృద్ధి చెందే అవకాశం ఉంది. విద్యార్థులు ఆశించిన స్థాయిలో పురోగతి సాధిస్తారు. ఆశించిన పెళ్లి సంబంధం కుదురుతుంది. ఆస్తిపాస్తుల విలువ పెరిగే అవకాశం ఉంది. గృహ, వాహన ప్రయత్నాలు విజయవంతం అవుతాయి. ఆరోగ్యానికి ఇబ్బందేమీ ఉండదు.

మకరం (ఉత్తరాషాఢ 2,3,4, శ్రవణం, ధనిష్ట 1,2)

ఉద్యోగాల్లో అధికారులు మీ మీద ఎక్కువగా ఆధారపడతారు. వృత్తి, వ్యాపారాల్లో శ్రమ తక్కువ, ఫలితం ఎక్కువగా ఉంటుంది. ఆర్థిక పరిస్థితి ఇతరులకు సహాయం చేసే స్థాయిలో ఉంటుంది. కుటుంబ జీవితం హ్యాపీగా సాగిపోతుంది. ఇంటా బయటా బాగా ఒత్తిడి, శ్రమ తిప్పట ఉంటాయి. కుటుంబ ఖర్చులు బాగా పెరిగే అవకాశం ఉంది. మిత్రుల వల్ల ఆర్థికంగా నష్టపోయే అవకాశం ఉంది. ఆరోగ్యం నిలకడగా ఉంటుంది. విదేశాల్లో ఉన్న పిల్లల నుంచి ఆశించిన శుభవార్తలు వింటారు.

కుంభం (ధనిష్ట 3,4, శతభిషం, పూర్వాభాద్ర 1,2,3)

ఉద్యోగంలో అధికారుల నుంచి ఒత్తిడి ఉంటుంది. భారీ లక్ష్యాలతో ఇబ్బంది పడతారు. వృత్తి జీవి తంలో డిమాండ్ పెరుగుతుంది. వ్యాపారాలు అనుకూలంగా సాగిపోతాయి. కుటుంబపరంగా ఒకటి రెండు శుభ వార్తలు వింటారు. చిన్నా చితకా వ్యక్తిగత, ఆర్థిక సమస్యలు పరిష్కారమవుతాయి. సమాజంలో గౌరవ మర్యాదలకు లోటుండదు. విద్యార్థులు కొద్ది శ్రమతో వృద్ధిలోకి వస్తారు. బంధు మిత్రుల సాయంతో ముఖ్యమైన వ్యవహారాలను పూర్తి చేస్తారు. ఆరోగ్యం నిలకడగా సాగిపోతుంది.

మీనం (పూర్వాభాద్ర 4, ఉత్తరాభాద్ర, రేవతి)

వృత్తి, ఉద్యోగాలు సానుకూలంగా సాగిపోతాయి. వ్యాపారాలలో శ్రమకు తగ్గ ఫలితం ఉంటుంది. సొంత పనులను పూర్తి చేయడం మీద బాగా శ్రద్ధ పెడతారు. కొద్ది ప్రయత్నంతో ఒక వ్యక్తిగత సమస్య పరిష్కారం అవుతుంది. ఆరోగ్యం బాగానే ఉంటుంది. ఆర్థిక వ్యవహారాలు సవ్యంగా, సజావుగా సాగిపోతాయి. కొద్దిగా శ్రమ, తిప్పట తప్పకపోవచ్చు. ఆదాయం నిలకడగా ఉంటుంది కానీ, వృథా ఖర్చులు ఇబ్బంది పెడతారు. నిరుద్యోగులకు మంచి ఉద్యోగం లభించే అవకాశం ఉంది.