Breaking News
  • భారత్ లో కరోనా కల్లోలం 18 లక్షల 55 వేల మార్క్ ని దాటినా కరోనా పాజిటివ్ కేస్ లు. దేశవ్యాప్తంగా కరోనా పాజిటివ్ కేసులు : 1855746 దేశ వ్యాప్తంగా యాక్టీవ్ కేసులు: 586298 కరోనా నుంచి డిశ్చార్జ్ అయిన బాధితులు: 1230510 దేశం మొత్తం కరోనా తో మృతుల సంఖ్య : 38938 దేశ వ్యాప్తంగా గడచిన 24 గంటలలో 52050 కరోనా కేస్ లు, 803 మంది మృతి
  • తెలంగాణ బీజేపీ కార్యాలయానికి కరోనా ఎఫెక్ట్. కార్యాలయాన్ని సోమవారం వరకు మూసి ఉంచాలని నిర్ణయించిన రాష్ట్ర నాయకత్వం. జాతీయ పార్టీ కీలక నేతలు కరోనా బారిన పడటంతో రాష్ట్ర కార్యాలయంలోకి ఎవరినీ అనుమతించ కూడదని నిర్ణయం.
  • అమరావతి : ఏపీ హైకోర్టు కీలక నిర్ణయం. 3రాజధాని అంశంపై హైకోర్టు విచారణ. రాజధాని తరలింపుపై స్టే ఇచ్చిన హైకోర్టు. గవర్నర్ గెజిట్ పై స్టే ఇచ్చిన ఏపీ హైకోర్ట్.
  • రాజధాని కార్యకలాపాల వికేంద్రీకరణ, సీఆర్డీయే రద్దు చట్టాలపై స్టేటస్‌ కో విధించిన హైకోర్టు. యథాతథ స్థితి కొనసాగించాలని ఆదేశించిన హైకోర్టు. 10 రోజులపాటు స్టేటస్‌ కో ఉత్తర్వులు కొనసాగుతున్న హైకోర్టు. రెండు బిల్లులకు సంబంధించి ఇదివరకే గెజిట్‌ విడుదల. తదుపరి కార్యకలాపాలపై స్టేటస్‌ కో విధించిన హైకోర్టు.
  • అమరావతి: విశాఖ ఎల్జీ పాలిమర్స్ కేసులో 12 మందికి బెయిల్ మంజూరు చేసిన ఏపీ హైకోర్టు. కొరియాకు చెందిన సీఈఓ, డైరెక్టర్ సహా మొత్తం 12 మందికి కండిషన్ బెయిల్ ఇస్తూ ఆదేశాలు. స్టెరైన్ గ్యాస్ నిల్వ లో నిర్లక్ష్యంగా వ్యవహరించారని నమోదైన కేసులో వీరిని అరెస్టు చేసిన విశాఖ పోలీసులు.
  • ఇవాళ యూపీఎస్సీ సివిల్స్-2019 ఫలితాలు వెలువడ్డాయి. సిద్ధిపేటకు చెందిన మంద మకరంద్ ఆలిండియా స్థాయిలో 110వ ర్యాంక్ సాధించాడు. మొత్తం 829 మంది సివిల్ సర్వీసులకు ఎంపికవగా, మకరంద్ మెరుగైన ర్యాంక్ అందుకున్నాడు. దీనిపై తెలంగాణ మంత్రి హరీశ్ రావు సంతోషం వ్యక్తం చేశారు. సివిల్స్ పరీక్షల్లో సత్తా చాటిన సిద్ధిపేట బిడ్డ మంద మకరంద్ కు హార్దిక శుభాకాంక్షలు అంటూ ఆయన ట్వీట్ చేశారు. తెలంగాణ ఖ్యాతిని దేశ స్థాయిలో నిలిపాడంటూ మకరంద్ ను అభినందించారు.
  • మరో మూడు కార్పొరేట్‌ ఆస్పత్రులకు కోవిడ్ సేవలు కట్...! హైదరాబాద్ లో కరోనా ట్రీట్ మెంట్ చేస్తున్న మరికొన్ని ఆస్పత్రులకు ఆరోగ్య నోటీసులు. అధిక ఫీజులు వసూలు చేస్తున్న ఆస్పత్రులపై ప్రభుత్వం యాక్షన్ .

దిశ ఘటన: ’అర్జున్ రెడ్డి‘ డైరెక్టర్ పై ట్విట్ వార్

SLAMMED after commenting on Hyderabad vet case, దిశ ఘటన: ’అర్జున్ రెడ్డి‘ డైరెక్టర్ పై ట్విట్ వార్

హైదరాబాద్‌ నగర శివారులో చోటు చేసుకున్న మహిళా డాక్టర్‌ అత్యాచారం, హత్య సంఘటనపై యావత్‌ భారతావని భగ్గుమంది. కామాంధులను కఠినంగా శిక్షించాలంటూ దేశవ్యాప్తంగా నిరసనలు పెల్లుబుకుతున్నాయి. పార్లమెంట్‌ సైతం పాశవిక ఘటనపై దద్దరిల్లింది. నిందితులను శిక్షించాలంటూ.. ఎంపీలు ముక్తకంఠంతో డిమాండ్‌ చేశారు. సెలబ్రిటీల నుంచి సామాన్య జనం వరకూ మహిళల రక్షణపై ప్రభుత్వాలను నిలదీశారు. ఈ క్రమంలోనే దిశ సంఘటనపై ట్విట్టర్‌ వేదికగా స్పందించారు అర్జున్‌రెడ్డి దర్శకుడు సందీప్‌రెడ్డి వంగ.

సమాజంలో ఇలాంటి దారుణాలు జరగకుండా ఉండాలంటే..దోషులను కఠినంగా శిక్షించి..నేరస్తుల్లో వణుకు పుట్టించాలని డిమాండ్‌ చేశారు. నేరానికి పాల్పడే వాడిలో భయాన్ని కలిగించటం ఒక్కటే మార్గం అంటూ వంగ తన ట్విట్టర్‌లో పోస్టు పెట్టారు. దీంతో సందీప్‌ వంగ పెట్టిన పోస్టులపై నెటిజన్లు విరుచుకుపడ్డారు. అర్జున్‌రెడ్డి, దాని రీమేక్‌ కబీర్‌ సింగ్‌ సినిమాల్లో మహిళలపై హింసను చూపించి, పురుషాధిపత్యాన్ని, చెడు అలవాట్లను ప్రోత్సాహించేలా చూపించినా సందీప్‌ రెడ్డి కూడా నీతులు చెబుతున్నాడంటూ నెటిజన్లు ఎద్దేవా చేశారు. కొందరైతే ఏకంగా ఈ కేసులో మొదట సందీప్‌ వంగనే అరెస్ట్‌ చేయాలంటూ మండిపడ్డారు. జీవితంపై సరైన అవగాహన ఉన్నవాళ్లు మాత్రమే సినిమాలను సినిమాగానే చూస్తారని, కానీ, కొందరు మాత్రం అదే ఫాషన్‌గా ఫాలో కావడంతోనే ఇటువంటి దారుణ సంఘటనలు జరుగుతున్నాయంటూ ట్విట్టర్‌ వేదికగా ఆగ్రహం వ్యక్తం చేశారు.

Related Tags