BV Raghavulu: సీపీఎం నేత రాఘవులు సంచలన నిర్ణయం.. పార్టీ పొలిట్ బ్యూరో సభ్యత్వానికి రాజీనామా.. కారణమిదే
సీపీఎం పార్టీ సీనియర్‌ నేత రాఘవులు సంచలన నిర్ణయం తీసుకున్నారు. పార్టీ అత్యున్నతకమిటీ పొలిట్ బ్యూరో సభ్యత్వానికి ఆయన రిజైన్‌ చేశారు. ప్రాథమిక సభ్యత్వం మినహా అన్ని పదవులకు రాఘువులు రాజీనామా చేశారు.
సీపీఎం పార్టీ సీనియర్‌ నేత రాఘవులు సంచలన నిర్ణయం తీసుకున్నారు. పార్టీ అత్యున్నతకమిటీ పొలిట్ బ్యూరో సభ్యత్వానికి ఆయన రిజైన్‌ చేశారు. ప్రాథమిక సభ్యత్వం మినహా అన్ని పదవులకు రాఘువులు రాజీనామా చేశారు. దీంతో రాజీనామా వెనక్కి తీసుకోవాలని అగ్రనేతలు రాఘవులును బుజ్జగిస్తున్నారు. అయినా వెనక్కు తగ్గని రాఘువులు సాధారణ కార్యకర్తగా క్షేత్రస్థాయిలో పనిచేస్తానని వారికి చెప్పినట్టు తెలుస్తోంది. పార్టీలో అంతర్గత కుమ్ములాటలు, వరుస ఫిర్యాదులతోనే రాఘవులు రాజీనామా చేసినట్లు తెలుస్తోంది. అయితే రాఘవులు రాజీనామాను పార్టీ పొలిట్ బ్యూరో ఇప్పటివరకూ ఆమోదించలేదు. ఏపీలో ఇటీవల చోటుచేసుకుంటున్న పరిణామాలు కూడా ఆయన రాజీనామాకు కారణమని పార్టీ వర్గాలంటున్నాయి. ఏపీలో పార్టీ యాక్టీవ్‌గా లేదని.. ఇప్పుడు పార్టీ నాయకత్వంలోనూ వర్గ పోరు నడుస్తోంది. మాజీ ఎమ్మెల్యే గఫూర్‌ ఇటీవల తీవ్ర అసంతృప్తి వ్యక్తం చేశారు. ఈ నేపథ్యంలో రాష్ట్ర కమిటీ విషయంలోనే వచ్చిన విబేధాలు రాఘవుల రాజీనామాకు కారణమంటున్నారు.
సీపీఎం అనుబంధ విద్యార్ధి సంఘం ఎస్‌ఎఫ్ఐ నుంచి ఎదిగిన రాఘవులు పార్టీలో అనేక కీలకపదవులు చేపట్టారు. ఉమ్మడి ఏపీ రాష్ట్రంలో సీపీఎం రాష్ట్ర కార్యదర్శిగా వ్యవహరించారు. సీపీఎం సంస్థాగత ర్మాణంలో రాఘవులు కీలకంగా వ్యవహరించారు. ఉమ్మడి రాష్ట్రంలో ఆయన చేసిన ఉద్యమాలు మంచి గుర్తింపు పొందాయి. మలివిడత భూ ఉద్యమాలు ఆయనకు మంచి పేరు తీసుకొచ్చాయి. దీంతో జాతీయ స్థాయిలోనూ రాఘవులకు పార్టీలో మంచి గుర్తింపు వచ్చింది.
మరిన్ని ఆంధ్రప్రదేశ్ వార్తల కోసం క్లిక్ చేయండి..