AP EAPCET 2023 Results: రేపు ఆంధ్రప్రదేశ్ ఈఏపీసెట్‌-2023 ఫలితాలు.. ఒక్క క్లిక్‌తో రిజల్ట్స్‌ ఇలా చెక్ చేసుకోండి
ఆంధ్రప్రదేశ్ ఈఏపీసెట్‌-2023 పరీక్ష ఫలితాలు బుధవారం (జూన్‌ 14) విడుదలకానున్నాయి. విజయవాడలోని హోటల్‌ లెమన్‌ ట్రీ ప్రీమియర్‌లో రేపు ఉదయం 10:30 గంటలకు విద్యాశాఖ మంత్రి బొత్స సత్యనారాయణ చేతుల మీదుగా..
Updated on: Jun 13, 2023 | 3:08 PM
AP EAPCET 2023 Result Date and Time: ఆంధ్రప్రదేశ్ ఈఏపీసెట్‌-2023 పరీక్ష ఫలితాలు బుధవారం (జూన్‌ 14) విడుదలకానున్నాయి. విజయవాడలోని హోటల్‌ లెమన్‌ ట్రీ ప్రీమియర్‌లో రేపు ఉదయం 10:30 గంటలకు విద్యాశాఖ మంత్రి బొత్స సత్యనారాయణ చేతుల మీదుగా ఫలితాలు ప్రకటించనున్నట్లు ఉన్నత విద్యామండలి మంగళవారం ప్రకటన వెలువరించింది. ఈఏపీసెట్‌ కన్వినర్, ఉన్నత విద్యా మండలి ఛైర్మన్‌తోపాటు ఇతర అధికారుల ఈ కార్యక్రమంలో పాల్గొననున్నారు. ఫలితాల ప్రకటన అనంతరం అధికారిక వెబ్‌సైట్‌లో రిజల్ట్స్‌ చెక్ చేసుకోవచ్చు.
కాగా ఇంజినీరింగ్‌ స్ట్రీమ్‌ పరీక్ష మే 15 నుంచి 19 వరకు, అగ్రికల్చర్‌, ఫార్మసీ స్ట్రీమ్‌ పరీక్షలు 22, 23 తేదీల్లో నిర్వహించిన సంగతి తెలిసిందే. రాష్ట్ర వ్యాప్తంగా ఇంజనీరింగ్‌ విభాగంలో 2,24,724 మంది విద్యార్ధులు హాజరుకాగా, ఫార్మసీ, అగ్రికల్చర్‌ విభాగాల్లో 90,573 మంది విద్యార్థులు హాజరయ్యారు. ఈఏపీసెట్‌లో వచ్చిన ర్యాంకు ఆధారంగా రాష్ట్ర వ్యాప్తంగా ఉన్న ఇంజనీరింగ్‌ కాలేజీల్లో ఇంజనీరింగ్‌, ఫార్మసీ, అగ్రికల్చర్‌ కోర్సుల్లో కౌన్సెలింగ్‌ ద్వారా అడ్మిషన్లు కల్పిస్తారు.
మరిన్ని తాజా విద్యా, ఉద్యోగ సమాచారం కోసం క్లిక్‌ చేయండి.
