వామ్మో.. ఇదేక్కడి విచిత్రం రా సామీ.. ఒకే మహిళ కడుపులో 2 గర్భాలు.. రెండింటిలోనూ శిశువులు..

Pregnant Woman

రెండు గర్భాలతో జన్మించిన ఓ మహిళ ఒకేసారి రెండుసార్లు గర్భం దాల్చింది. అమెరికాలోని అలబామా రాష్ట్రానికి చెందిన ఓ మహిళకు అరుదైన అనుభవం ఎదురైంది. వచ్చే క్రిస్మస్‌కు ఆమె ఇద్దరు పిల్లలకు జన్మనివ్వనున్నారు. కెల్సీ హాట్చర్, ఆమె భర్త కాలేబ్ దీనిని ఆ దేవుడి ఆశీర్వాదంగా భావిస్తున్నారు. వీరికి ఇప్పటికే ఏడేళ్లు, నాలుగేళ్లు, రెండేళ్ల వయసున్న ముగ్గురు పిల్లలు ఉన్నారు. కడుపులో మరో ఇద్దరు పెరుగుతున్నారని భర్తతో చెప్పగా..నువ్వు అబద్ధం చెబుతున్నావంటూ అతడు తన మాటలను కొట్టిపారేశాడు.. కానీ, కెల్సీకి తన ఆరోగ్య పరిస్థితి అప్పటికే తెలుసట. తనకు రెండు గర్భాశయాలు ఉన్నాయని.. ఒక్కొక్కటి దాని స్వంత గర్భాశయం ఉన్న సంగతి ఆమెకు గతంలోనే డాక్టర్స్‌ చెప్పారట. కెల్సీ కడుపులో రెండు గర్భాలు ఉండటం అత్యంత అరుదైన విషయం అన్నారు. అంతేకాదు..ఇది అతి ప్రమాదకర అంశంగా చెప్పారు. చాలా మంది గైనకాలజిస్టులు తమ కెరీర్‌లో ఇలాంటి సంఘటనను చూడలేదని గైనకాలజిస్ట్ స్వతా పటేల్ చెప్పారు.

మాయో క్లినిక్ వివరించినట్లుగా కొంతమంది స్త్రీలలో పుట్టినప్పుడు డబుల్ గర్భాశయం అనేది చాలా అరుదుగా ఉంటుందన్నారు. ఆడ పిండం అభివృద్ధి చెందుతున్నప్పుడు, గర్భాశయం రెండు చిన్న గొట్టాలను ఏర్పరుస్తుంది. ఇది పెరిగేకొద్దీ, గొట్టాలు కలిసి గర్భాశయాన్ని ఏర్పరుస్తాయి. కొన్నిసార్లు గొట్టాలు సరిగ్గా కలిసిపోవు..బదులుగా, ఆ రెండు వేర్వేరు అవయవంగా ప్రత్యేకించి అభివృద్ధి చెందుతాయి. ఇది డబుల్ గర్భం. ఈ విధంగా ఏర్పడిన గర్భాశయం సాధారణంగా యోనిలోకి గర్భాశయం తెరవబడుతుంది. కొన్నిసార్లు ఇది రెండూ.

ఈ రకమైన డబుల్ గర్భాశయం ఉన్న మహిళల్లో, గర్భం కూడా బాగానే వృద్ధి చెందుతుంది. కానీ కొన్ని కొన్ని సందర్భాల్లో మాత్రం గర్భస్రావం, బిడ్డ పుట్టుక అకాలంగా జరుగుతుంది. ప్రతి వెయ్యి మంది మహిళల్లో ముగ్గురిలో డబుల్ గర్భాశయం కనిపిస్తుందన్నారు. ఇకపోతే, ప్రసవ సమయంలో గర్భాశయం ఎలా వ్యాకోచిస్తుంది. సంకోచిస్తుంది..ప్రసవం ఏకరీతిగా ఉందో లేదో తెలుసుకోవడానికి కెల్సీని నిశితంగా పరిశీలిస్తున్నట్లు హై-రిస్క్ ప్రెగ్నెన్సీలలో నిపుణుడైన డాక్టర్ రిచర్డ్ డేవిస్ చెప్పారు.
కెల్సీ ఆరోగ్య పరిస్థితిపై ప్రకటన సోషల్ మీడియాలో వైరల్‌గా మారింది. ఈ విషయం తెలిసి చాలా మంది నెటిజన్లు షాక్‌ అవుతున్నారు. మేం కూడా ఇలాంటి సంఘటన గురించి వినటం ఇదే తొలిసారి అంటున్నారు.

మరిన్ని ట్రెండింగ్ న్యూస్ కోసం క్లిక్ చేయండి..