Viral Video: ఉత్తర అమెరికాలోనే అతి ఎత్తయిన శ్రీరామ విగ్రహం… వేలాది మంది భక్తుల మధ్య ఆవిష్కరణ

ఉత్తర అమెరికాలోనే అతి ఎత్తైన రాముడి విగ్రహం ఆవిష్కరించారు. గ్రేటర్ టొరంటో ఏరియాలో భాగమైన మిస్సిసాగాలో ఆదివారం జరిగిన ఈ కార్యక్రమంలో వేలాది మంది భక్తులు పాల్గొన్నారు. 51 అడుగుల ఎత్తులో ఉన్న ఈ విగ్రహం ఇప్పుడు హిందూ హెరిటేజ్ సెంటర్‌గా నిలిచింది. ఈ ప్రాంతంలోని సరికొత్త, అత్యంత ప్రత్యేకమైన సాంస్కృతిక ప్రదేశాలలో ఒకటిగా మారింది.

వీడియో చూడండి:

View this post on Instagram

A post shared by Comedyculture.in ™ (@comedyculture.in)

ఒంటారియోలోని హిందూ హెరిటేజ్ సెంటర్‌లో నెలకొల్పిన ఈ విగ్రహం పూర్తి కావడానికి నాలుగు సంవత్సరాలు పట్టింది. వేద పండితుల మంత్రోచ్చారణల మధ్య విగ్రహం ప్రారంభించారు. ఫైబర్‌గ్లాస్, బలమైన ఉక్కు సూపర్‌స్ట్రక్చర్ ఉపయోగించి రూపొందించారు. బలమైన కెనడియన్ శీతాకాలాలు, గంటకు 200 కి.మీ. వేగంతో వీచే గాలులను తట్టుకునేలా ఈ విగ్రహం రూపొందించారు. హెరిటేజ్ సెంటర్ వ్యవస్థాపకుడు ఆచార్య సురీందర్ శర్మ శాస్త్రి ఈ విగ్రహాన్ని “సమాజానికి ఆధ్యాత్మిక బహుమతి” అని పిలిచారు.

హిందూ హెరిటేజ్ సెంటర్ 6300 మిస్సిసాగా రోడ్, మిస్సిసాగా, ఒంటారియో, కెనడా లోంది. టొరంటో డౌన్‌టౌన్ నుండి కేవలం 30 నిమిషాలు ప్రయాణం చేస్తే చాలు ఆలయానికి చేరుకోవచ్చు. ఈ ప్రదేశం ఇప్పుడు అంటారియో నుంచి మాత్రమే కాకుండా ఉత్తర అమెరికా అంతటా సందర్శకులను ఆకర్షిస్తుందని భావిస్తున్నారు.

కెనడాలో ఇప్పటికే శక్తివంతమైన హిందూ దేవాలయాలు ఉన్నాయి. మిస్సిసాగాలోని హిందూ హెరిటేజ్ సెంటర్‌లో కొత్తగా ఆవిష్కరించబడిన 51 అడుగుల లార్డ్ రామ్ విగ్రహంతో పాటు, టొరంటోలోని శ్రీ స్వామినారాయణ మందిర్ వంటి ఇతర ప్రముఖ దేవాలయాలను సందర్శించవచ్చు. ఇది కెనడియన్ ప్రకృతి దృశ్యంతో సాంప్రదాయ భారతీయ కళాఖండాన్ని మిళితం చేసే అందమైన పాలరాయితో నిర్మించారు. ఒంటారియోలోని రిచ్‌మండ్ హిల్ హిందూ ఆలయం, బ్రాంప్టన్‌లోని హిందూ సభా ఆలయం కూడా ప్రసిద్ధి చెందాయి.