సునీతా విలియమ్స్ ఇప్పట్లో భూమిపైకి రాదా? నాసా తాజాగా ఏం చెప్పింది? అసలు అంతరిక్షంలో ఏం జరుగుతోంది?
సునీతా విలియమ్స్‌తో టెస్ట్ పైలట్ బుచ్ విల్మోర్ ఒక నెల కంటే ఎక్కువ కాలం పాటు అంతరిక్షంలో చిక్కుకున్నారు. ఈ నిరీక్షణ ఎంతకాలం కొనసాగుతుందనే విషయంపై ఎటువంటి నిర్ధారణ చేయలేదు. టెస్ట్ పైలట్ బుచ్ విల్మోర్, సునీతా విలియమ్స్‌తో కలిసి జూన్ 5వ తేదీన అంతరిక్షంలోకి వెళ్లాడు. వీరిద్దరూ వెళ్ళిన మిషన్ ఒక వారం మాత్రమే అంతరిక్షంలో ఉండాలి. కక్ష్యలో ఉన్న ల్యాబ్‌ను సందర్శించాలి. అయితే అంతరిక్ష నౌకలో హీలియం గ్యాస్ లీక్, థ్రస్టర్‌ల వైఫల్యం కారణంగా వీరిద్దరూ అక్కడ చిక్కుకుపోయారు.
నెల రోజులకు పైగా అంతరిక్షంలో చిక్కుకున్న సునీతా విలియమ్స్‌కు సంబంధించిన ఒక అప్‌డేట్ వచ్చింది. నాసా చాలా నిరాశాజనకమైన వార్తని వినిపించింది. వ్యోమగాములు, బోయింగ్ క్యాప్సూల్ అంతరిక్ష కేంద్రానికి తిరిగి రావడానికి ఇంకా తేదీని నిర్ణయించలేదని నాసా తెలిపింది. సునీతా విలియమ్స్‌తో టెస్ట్ పైలట్ బుచ్ విల్మోర్ ఒక నెల కంటే ఎక్కువ కాలం పాటు అంతరిక్షంలో చిక్కుకున్నారు. ఈ నిరీక్షణ ఎంతకాలం కొనసాగుతుందనే విషయంపై ఎటువంటి నిర్ధారణ చేయలేదు.
టెస్ట్ పైలట్ బుచ్ విల్మోర్, సునీతా విలియమ్స్‌తో కలిసి జూన్ 5వ తేదీన అంతరిక్షంలోకి వెళ్లాడు. వీరిద్దరూ వెళ్ళిన మిషన్ ఒక వారం మాత్రమే అంతరిక్షంలో ఉండాలి. కక్ష్యలో ఉన్న ల్యాబ్‌ను సందర్శించాలి. అయితే అంతరిక్ష నౌకలో హీలియం గ్యాస్ లీక్, థ్రస్టర్‌ల వైఫల్యం కారణంగా వీరిద్దరూ అక్కడ చిక్కుకుపోయారు. ఇప్పుడు తిరిగి భూమి మీదకు తీసుకొచ్చే ప్రయత్నాలు కొనసాగుతున్నాయి. టెస్ట్ పైలట్ బుచ్ విల్మోర్, సునీతా విలియమ్స్‌లు భూమి మీదకు తిరిగి తీసుకుని రావడం కోసం ప్రయత్నాలు చేస్తున్నారు. లిఫ్ట్‌ఆఫ్ అయిన ఒక రోజు తర్వాత జూన్ 6న, క్యాప్సూల్ అంతరిక్ష కేంద్రానికి చేరుకోవడంతో ఐదు థ్రస్టర్‌లు విఫలమయ్యాయి. దీంతో వీరిద్దరూ అంతరిక్షంలో కూరుకుపోయి నెల రోజులైంది.
తిరిగి వచ్చే తేదీని చెప్పడానికి సిద్ధంగాలేని నాసా
బోయింగ్ క్యాప్సూల్ సమస్యలను తొలగించడం కోసం టెస్ట్ పైలట్ బుచ్ విల్మోర్, సునీతా విలియమ్స్ కలిసి తమ పనిని పూర్తి చేసే అంతరిక్షంలో ఉండవలసి ఉంటుందని నాసా అధికారులు తెలిపారు. నాసా కమర్షియల్ క్రూ ప్రోగ్రామ్ మేనేజర్ స్టీవ్ స్టిచ్ మాట్లాడుతూటెస్ట్ పైలట్ బుచ్ విల్మోర్, సునీతా విలియమ్స్ భూమికి తిరిగి వచ్చే తేదీకి సంబంధించి ఎటువంటి ప్రకటన చేయడానికి మిషన్ మేనేజర్లు ఇంకా సిద్ధంగా లేరని చెప్పారు. ఇంజనీర్లు గత వారం న్యూ మెక్సికో ఎడారిలో స్పేర్ థ్రస్టర్‌పై పరీక్షను పూర్తి చేశారు. డాకింగ్ సమయంలో ఏమి తప్పు జరిగిందో అర్థం చేసుకోవడానికి ప్రయత్నం చేస్తున్నారు. విచారణలో హీలియం లీక్, థ్రస్టర్ పేలవమైన సీల్ కారణంగా అన్ని సమస్యలు సంభవించాయని.. అయితే తర్వాత ఏమి చేయాలి అనే విషయంపై విచారణ జరుగుతోందని అధికారులు తెలిపారు.
ప్రైవేట్ కంపెనీలతో కలిసి పనిచేస్తున్న నాసా
బోయింగ్ కి చెందిన మార్క్ నప్పి మాట్లాడుతూ బృందం ఈ వారంలో స్పేస్ స్టేషన్‌లో డాక్ చేయబడినప్పుడు థ్రస్టర్‌ను పరీక్షిస్తుంది.. తద్వారా మరింత డేటాను సేకరించవచ్చని చెప్పారు. స్పేస్ షటిల్ పదవీ విరమణ చేసిన తర్వాత, NASA బోయింగ్, SpaceX లకు బిలియన్ల డాలర్లు చెల్లించి వ్యోమగాములను అంతరిక్ష కేంద్రానికి తరలించడానికి ప్రైవేట్ కంపెనీలను నియమించింది. బోయింగ్‌లో సిబ్బందితో ఇది మొదటి టెస్ట్ ఫ్లైట్, స్పేస్‌ఎక్స్ 2020 నుంచి వ్యోమగాములను తీసుకువెళుతోందని చెప్పారు.
మరిన్ని అంతర్జాతీయ వార్తల కోసం ఇక్కడ క్లిక్ చేయండి..