AQI
TV9 Network
User
Sign In

By signing in or creating an account, you agree with Associated Broadcasting Company's Terms & Conditions and Privacy Policy.

PM Modi: మనీలా విందులో ఫిలిప్పీన్స్ సాంప్రదాయ దుస్తుల్లో మెరిసిన ప్రధాని మోదీ.. స్పెషల్ అట్రాక్షన్‌గా నిలిచిన లుక్..

విదేశీ పర్యటనలకు వెళ్లినప్పుడల్లా అక్కడి స్థానిక సంస్కృతి, సాంప్రదాయాలకు ప్రత్యేక గౌరవం ఇవ్వడంలో భారత ప్రధాని నరేంద్ర మోదీ ఎప్పుడూ ముందుంటారు. తాజాగా ఫిలిప్పీన్స్ రాజధాని మనీలాలో జరిగిన ఆసియాన్ గాలా డిన్నర్‌లో ప్రధాని మోదీ ఆ దేశ జాతీయ, సాంప్రదాయ వస్త్రధారణ అయిన బరోంగ్ తగలాగ్ దుస్తుల్లో మెరిసి అందరి దృష్టిని ఆకర్షించారు.

PM Modi: మనీలా విందులో ఫిలిప్పీన్స్ సాంప్రదాయ దుస్తుల్లో మెరిసిన ప్రధాని మోదీ.. స్పెషల్ అట్రాక్షన్‌గా నిలిచిన లుక్..
Pm Modi Dons Traditional Philippine Barong Tagalog
Krishna S
|

Updated on: Nov 16, 2026 | 9:48 PM

Share

మూడు రోజుల అధికారిక పర్యటన నిమిత్తం ఫిలిప్పీన్స్ రాజధాని మనీలాలో పర్యటిస్తున్న భారత ప్రధానమంత్రి నరేంద్ర మోదీ.. సోమవారం ఆ దేశాధ్యక్షుడు ఫెర్డినాండ్ ఆర్.మార్కోస్ ఏర్పాటు చేసిన గాలా డిన్నర్‌కు హాజరయ్యారు. ఈ విందులో ప్రధాని మోదీ ఫిలిప్పీన్స్ జాతీయ, సాంప్రదాయ అధికారిక పురుషుల వస్త్రధారణ అయిన బరోంగ్ తగలాగ్ దుస్తులను ధరించి ప్రత్యేక ఆకర్షణగా నిలిచారు. నావిగేటింగ్ ది ఫ్యూచర్ అనే థీమ్‌తో నిర్వహిస్తున్న 49వ ఆసియాన్, అనుబంధ శిఖరాగ్ర సదస్సులకు హాజరైన వివిధ దేశాల అధినేతల గౌరవార్థం మనీలాలోని ఫిలిప్పీన్ ఇంటర్నేషనల్ కన్వెన్షన్ సెంటర్‌లో ఈ విందును ఏర్పాటు చేశారు. అధ్యక్షుడు మార్కోస్‌తో పాటు ఇతర ప్రపంచ దేశాల నాయకుల తరహాలోనే ప్రధాని మోదీ కూడా ‘బరోంగ్ తగలాగ్’ వస్త్రధారణలో మెరిసి ఆతిథ్య దేశ సంస్కృతి పట్ల తన గౌరవాన్ని చాటుకున్నారు.

ప్రవాస భారతీయులతో భేటీ.. రామాయణ నాటక వీక్షణ

నవంబర్ 15 నుంచి 17 వరకు సాగనున్న ఈ పర్యటనలో భాగంగా మనీలా అంతర్జాతీయ విమానాశ్రయానికి చేరుకున్న ప్రధాని మోదీకి ప్రవాస భారతీయులు ఘనస్వాగతం పలికారు. విమానాశ్రయంలో వారితో కరచాలనం చేస్తూ మోదీ ఆప్యాయంగా ముచ్చటించారు. అనంతరం ఫిలిప్పీన్స్ సాంప్రదాయ నృత్య ప్రదర్శనతో పాటు ఇలిగాన్ సిటీకి చెందిన ఇంటిగ్రేటెడ్ పెర్ఫార్మింగ్ ఆర్ట్స్ గిల్డ్ ప్రదర్శించిన సీత: ది రామాయణ రీవిజిటెడ్ అనే ప్రత్యేక నాటకాన్ని ప్రధాని వీక్షించారు. శ్రీ సత్యసాయి స్కూల్‌కు చెందిన ఫిలిప్పీన్స్, భారతీయ మూలాలున్న విద్యార్థులు పఠించిన పూర్ణకుంభ శ్లోకాలను మోదీ ఆసక్తిగా తిలకించారు.

భారత్ అజెండా ఏమిటి?

మనీలా పర్యటనలో భాగంగా ప్రధాని మోదీ 23వ ఆసియాన్-భారత్ సదస్సు, 21వ తూర్పు ఆసియా సదస్సుల్లో పాల్గొననున్నారు. 11 ఆసియాన్ సభ్య దేశాలతో పాటు అమెరికా, రష్యా, చైనా, జపాన్, దక్షిణ కొరియా, ఆస్ట్రేలియా, న్యూజిలాండ్ దేశాలు ఈ తూర్పు ఆసియా సదస్సులో భాగస్వాములుగా ఉన్నాయి. ఇండో-పసిఫిక్ ప్రాంతంలో సముద్ర భద్రత, నౌకాదళ సమన్వయాన్ని మరింత బలోపేతం చేయడంపై భారత్ ప్రధానంగా దృష్టి సారించింది. భారతదేశపు యాక్ట్ ఈస్ట్ పాలసీలో ఆసియాన్ దేశాలు కీలక పాత్ర పోషిస్తున్నాయని విదేశాంగ శాఖ కార్యదర్శి రుద్రేంద్ర టాండన్ పేర్కొన్నారు. వేగంగా మారుతున్న భౌగోళిక రాజకీయ పరిస్థితుల నేపథ్యంలో ఆసియాన్ దేశాలతో వ్యూహాత్మక సంబంధాలు ఆసియాలో శాంతి, స్థిరత్వం, ఆర్థిక పురోగతికి ఎంతో దోహదపడతాయని భారత్ విశ్వసిస్తోందని ఆయన స్పష్టం చేశారు.

Follow Us
మనీలా విందులో ఫిలిప్పీన్స్ సాంప్రదాయ దుస్తుల్లో మెరిసిన మోదీ
మనీలా విందులో ఫిలిప్పీన్స్ సాంప్రదాయ దుస్తుల్లో మెరిసిన మోదీ
గ్రాండ్‏గా తేజ సజ్జా నిశ్చితార్థం.. ఫోటోస్ ఇదిగో..
గ్రాండ్‏గా తేజ సజ్జా నిశ్చితార్థం.. ఫోటోస్ ఇదిగో..
భారత్ దాడి భయమా? ఐఎస్ఐ నీడలోకి హఫీజ్ సయీద్, మసూద్ అజర్!
భారత్ దాడి భయమా? ఐఎస్ఐ నీడలోకి హఫీజ్ సయీద్, మసూద్ అజర్!
త్రిపురాసురుడిని శివుడు ఎలా సంహరించాడు? దేవ దీపావళి వెనుక అసలు కథ
త్రిపురాసురుడిని శివుడు ఎలా సంహరించాడు? దేవ దీపావళి వెనుక అసలు కథ
నా ఓటుకు మీ నోటెందుకు.. ఓట్ల లెక్కింపులో ఆసక్తికర ఘటన
నా ఓటుకు మీ నోటెందుకు.. ఓట్ల లెక్కింపులో ఆసక్తికర ఘటన
జ్వరంతోనే అరుణాచలం గిరి ప్రదక్షిణ పూర్తి చేసిన జబర్దస్త్ పవిత్ర..
జ్వరంతోనే అరుణాచలం గిరి ప్రదక్షిణ పూర్తి చేసిన జబర్దస్త్ పవిత్ర..
డీమార్ట్ షాపింగ్‌లో ఇలా చేస్తే తక్కువ ధరకే సరుకులు.. సీక్రెట్..
డీమార్ట్ షాపింగ్‌లో ఇలా చేస్తే తక్కువ ధరకే సరుకులు.. సీక్రెట్..
పద్మపుష్కరిణిలో పద్మావతి అమ్మవారు ఎలా ఆవిర్భవించారు? పంచమితీర్థం
పద్మపుష్కరిణిలో పద్మావతి అమ్మవారు ఎలా ఆవిర్భవించారు? పంచమితీర్థం
16 రకాల 9 టన్నుల పుష్పాలతో తిరుమల శ్రీవారికి పుష్పయాగం
16 రకాల 9 టన్నుల పుష్పాలతో తిరుమల శ్రీవారికి పుష్పయాగం
అడవిలో పాతి పెట్టిన నోట్ల కట్టలు! హంగేరీలో కలకలం!
అడవిలో పాతి పెట్టిన నోట్ల కట్టలు! హంగేరీలో కలకలం!