Hug Scenes Ban: ఇక కౌగిలింతల సీన్లు కనిపించవు.. కఠిన ఆంక్షలు జారీ చేసిన అక్కడి ప్రభుత్వం
పాకిస్తాన్‌తో మ్యాచ్‌ హైవోల్టేజ్‌ హీట్‌ పెంచుతుంటే.. తమ దేశంలో సీరియల్స్‌లో ఆ సీన్లకు అవకాశం లేదని ఇమ్రాన్‌ఖాన్‌ సర్కార్ చెబుతోంది. ఆ సీన్ల ఇక నుంచి సీరియళ్లలో కట్‌ అంటోంది. సీరియల్స్‌పై పాకిస్తాన్...
Pakistan – Hug Scenes Ban: పాకిస్తాన్‌తో మ్యాచ్‌ హైవోల్టేజ్‌ హీట్‌ పెంచుతుంటే.. తమ దేశంలో సీరియల్స్‌లో ఆ సీన్లకు అవకాశం లేదని ఇమ్రాన్‌ఖాన్‌ సర్కార్ చెబుతోంది. ఆ సీన్ల ఇక నుంచి సీరియళ్లలో కట్‌ అంటోంది. సీరియల్స్‌పై పాకిస్తాన్ ప్రభుత్వం కీలక నిర్ణయం తీసుకుంది. సినిమాల్లో మితిమీరిన శృంగార సన్నివేశాలు ఉండటం పట్ల ఆగ్రహం వ్యక్తం అవుతుండగా.. ఇప్పుడది సీరియల్స్‌ కూడా అంటుకుంది. దీంతో ఇక నుంచి ఆ సీన్లకు చెక్‌పెట్టింది పాకిస్తాన్. టీవీల్లో ప్రసారమయ్యే సీరియల్స్‌లో హగ్ సీన్స్, రోమాన్స్‌ సన్నివేశాలు ప్రసారం చేయకూడదని ఆదేశించింది. పాకిస్తాన్ ఎలాక్ట్రానిక్‌ మీడియా రెగ్యూలేటరి అథారటీ-PEMRA ఉత్తుర్వులు జారీ చేసింది.
సీరియల్స్‌లో ఇలాంటి సన్నివేశాలు ఎక్కువగా ప్రసారం అవుతుండటంతో ఫిర్యాదులు వచ్చాయని పెమ్రా స్పష్టం చేసింది. ఇలాంటి సన్నివేశాలు ప్రసారం చేసే సీరియల్స్‌ పాకిస్తాన్ సమాజానికి పూర్తి వ్యతిరేకమని నోటిఫికేషన్‌లో పేర్కొంది. కౌగిలించుకోవడం, ఒకరినొకరు లాలించడం, వివాహేతర సంబంధాలు, బెడ్‌రూమ్ సీన్స్, భార్యభర్తల మధ్య వచ్చే శృంగార సన్నివేశాలు, అసభ్యకరంగా దుస్తులు ధరించడం సీన్లు ఇస్లామిక్ బోధనలు, పాకిస్తానీ సమాజం సంస్కృతిని పూర్తిగా నిర్లక్ష్యం చేయడం కిందకు వస్తుంది.
ఇలాంటి సీరియల్స్‌ని ప్రసారం చేసే ముందు ఆయా చానెల్స్‌ ఒకటికి రెండు సార్లు క్షుణ్ణంగా పరిశీలించుకుని.. అసభ్యతకు తావులేదని భావించిన తర్వాతే ప్రసారం చేయాలని పెమ్రా నోటిఫికేషన్‌లో వివరించింది. ఈ గైడ్‌లైన్స్‌ను కొన్ని వర్గాలు వ్యతిరేకిస్తుండగా.. మరికొన్ని వర్గాలు హర్షం వ్యక్తం చేస్తున్నారు.
పెమ్రా నిర్ణయం సరైంది, వివాహిత జంటల మధ్య సాన్నిహిత్యం, ఆప్యాయత పాకిస్తానీ సమాజంలో ఉండదు అంటూ పెమ్రా నోటిఫికేషన్‌పై లీగల్, హ్యూమన్ రైట్స్ ప్రొఫెషనల్ రీమా ఒమర్ కామెంట్ చేశారు. దీనిపై ఇంకా మరికొన్ని వర్గాలు భిన్నంగా స్పందిస్తున్నాయి.
ఇవి కూడా చదవండి: Viral Video: షోరూమ్ బయట రోడ్డుపై కూర్చొని టీవీ చూస్తున్న చిన్నారులు.. వైరల్ అవుతున్న భావోద్వేగ దృశ్యం..