సూపర్ పవర్‌కే చుక్కలు చూపిస్తున్న ‘పర్షియన్ లయన్’..! ట్రంప్ డెడ్ లైన్.. ఇరాన్ మ్యాప్‌లో ఉంటుందా..

‘ఎయిర్‌ స్ట్రైక్స్‌తో ఇరాన్‌ను కొట్టలేం’ అని ఫిక్స్ అయింది అమెరికా. వైమానిక దాడులతో ఇరాన్‌ను లొంగదీసుకోవచ్చు అనుకుంటే.. నిజంగా 40 రోజులు పట్టేదే కాదు. పోనీ.. గ్రౌండ్ ఫోర్సెస్‌ను దింపితే? ఆ ఆలోచన ఆత్మహత్యతో సమానం. గాల్లోంచి దాడి చేస్తేనే.. దాదాపు 400 మంది అమెరికా సైనికులు ఆస్పత్రిలో చేరారు. 15 మంది చనిపోయారు. ఇప్పుడు గనక గ్రౌండ్ ఆపరేషన్స్‌కి వెళ్తే శవపేటికలు అమెరికాకు క్యూ కడతాయ్. ఇరాన్ ఆర్మీని ‘ది గ్రేట్’ అనడం లేదిక్కడ. ‘అనువుగాని చోట అధికుడననరాదు’ అనేదే అమెరికా గుర్తు పెట్టుకోవాలిక్కడ. ల్యాండ్ ఫోర్సెస్‌తో ఇరాన్‌పై యుద్ధం చేసి గెలవాలంటే.. ఈజీగా రెండేళ్లు పడుతుంది. ఇరాన్ ఆర్మీ అంత టఫ్‌ఆ అంటే.. ఏనుగుకు కొండంత బలం ఉన్నా నీళ్లలో ఉన్న మొసలిని తప్పించుకోవాలంటే దేవుడు దిగిరావాలి. ఎగ్జాక్ట్‌గా అదే బలంతో ఉంది ఇరానియన్ ఆర్మీ.. ఇరాన్‌ ఇప్పుడొక గాయపడిన పులి. అమెరికా దాడులతో ఇరాన్ ఆర్థికంగా, సైనికంగా 50 ఏళ్లు వెనక్కి వెళ్లొచ్చు. కానీ, అది పూర్తిగా అమెరికా వశం కావడం అనేది ప్రస్తుతానికి అసాధ్యం. పైగా ట్రంప్ చెబుతున్నట్టు ఒక దేశంగా ఇరాన్ ఉనికి తుడిచిపెట్టుకుపోవడం అంత సులభం కాదు. ఇరాన్ వైశాల్యం చాలా పెద్దది. పర్వత ప్రాంతాలతో నిండి ఉంటుంది. దీనిని పూర్తిగా ఆక్రమించుకోవడం లేదా మ్యాప్ నుంచి తీసేయడం అమెరికాకు కూడా సాధ్యం కాని పని. సో, ఇరాన్‌పై లిమిటెడ్ ఆపరేషన్ చేయాలని చూస్తోంది అమెరికా....