Covid Vaccine: వచ్చే వారం జో బైడెన్‌కు కరోనా టీకా.. ధృవీకరించిన అధికార యంత్రాంగం..

అమెరికా నూతన అధ్యక్షుడిగా ఎన్నికైన జో బైడెన్‌కు వచ్చే వారం కరోనా టీకా వేయించుకోనున్నారు. ఈ మేరకు అధికారులు ఏర్పాట్లు చేస్తున్నారు. ఈ విషయాన్ని అధ్యక్ష పదవి అధికార మార్పిడీ యంత్రాంగం ప్రకటించింది. అయితే, జో బైడెన్ టీకా వేసుకునే కార్యక్రమం అందరికీ తెలిసేలా జరుగుతుందని వెల్లడించారు. మరోవైపు అమెరికా ప్రస్తుత ఉపాధ్యక్షుడు మైక్ పెన్స్, ఆయన సతీమణి కారెన్ ఈ శుక్రవారం నాడు కరోనా టీకాను వేయించుకోనున్నారు. ఈ విషయాన్ని వైట్‌హౌస్ అధికారులు ధృవీకరించాయి.

ఇదిలాఉండగా, అమెరికాలో టీకా పంపిణీ కార్యక్రమం ఇప్పటికే మొదలైంది. కరోనా టీకా వినియోగానికి ఎఫ్‌డీఐ ఆమోదం తెలిపిన దరిమిలా.. అమెరికా వ్యాప్తంగా టీకా పంపిణీ కార్యక్రమాన్ని యుద్ధ ప్రాతిపదికన చేపట్టారు. దాదాపు దేశ మొత్తం కరోనా టీకాను వీలైనంత త్వరగా పంపిణీ చేసేందుకు ఏర్పాట్లు సిద్ధం చేశారు. అయితే, అమెరికా పౌరులందరికీ ఉచితంగా వ్యాక్సిన్ ఇవ్వనున్నట్లు అధ్యక్షుడు డొనాల్డ్ ట్రంప్ ప్రకటించిన విషయం తెలిసిందే.