Breaking News
  • వరద బాధితుల సహాయార్థం పెద్దఎత్తున సీఎంఆర్ఎఫ్ కి విరాళాలు: భారీ వరదల వల్ల ఇబ్బందులు ఎదుర్కొంటున్న హైదరాబాద్ నగరవాసులకు అండగా నిలిచేందుకు పలువురు ముందుకు వచ్చారు. ముఖ్యమంత్రి చంద్రశేఖర రావు గారి పిలుపు మేరకు తెలంగాణ ముఖ్యమంత్రి సహాయ నిధికి విరాళాలు అందజేశారు. కష్టకాలంలో ప్రజలను ఆదుకునేందుకు ముందుకు వచ్చి విరాళాలు ఇచ్చిన ప్రతి ఒక్కరికి మంత్రి కేటీఆర్ ప్రత్యేకంగా ధన్యవాదాలు తెలిపారు.
  • తిరుమల: వైభవంగా శ్రీవారి నవరాత్రి బ్రహ్మోత్సవాలు. చంద్రప్రభ వాహనంపై దర్శనమిస్తున్న మలయప్ప స్వామి. కరోనా దృష్ట్యా ఏకాంతంగా వాహన సేవలు.
  • ఏపీలో కొత్తగా 3,620 కరోనా కేసులు నమోదు, 16 మంది మృతి. ఏపీలో 7,96,919కు చేరిన కరోనా కేసులు. ఏపీలో ఇప్పటి వరకు కరోనాతో 6,524 మంది మృతి. యాక్టివ్‌ కేసులు 32,257, ఇప్పటి వరకు 7,58,138 మంది డిశ్చార్జ్. ఏపీలో ఇప్పటి వరకు 73,47,776 కరోనా పరీక్షల నిర్వహణ.
  • డాక్టర్‌ రెడ్డీస్‌ ల్యాబ్‌పై సైబర్‌ ఎటాక్‌. డేటా చోరీ యత్నం జరిగినట్టు గుర్తించిన రెడ్డీస్ ల్యాబ్. ఐదు దేశాల్లో సంస్థ కార్యకలాపాలపై ప్రభావం. భారత్‌ సహా అమెరికా, లండన్‌, బ్రెజిల్‌, రష్యాలో నిలిచిన ఉత్పత్తులు. కరోనా వ్యాక్సిన్‌ కోసం ప్రపంచ వ్యాప్తంగా ప్రయోగాలు. ఔషధ ప్రయోగశాలలను టార్గెట్‌ చేసిన సైబర్‌ నేరగాళ్లు. స్పుత్నిక్‌-వి ట్రయల్స్ కోసం డాక్టర్‌ రెడ్డీస్‌తో రష్యా ఒప్పందం. సైబర్‌ ఎటాక్‌తో భారీ నష్టం వాటిల్లిందన్న రెడ్డీస్‌ ల్యాబ్. సైబర్‌ క్రైమ్‌ పోలీసులకు ఫిర్యాదు చేసిన రెడ్డీస్‌ ల్యాబ్‌. 24 గంటల తర్వాత ఉత్పత్తిని తిరిగి ప్రారంభిస్తామన్న రెడ్డీస్‌ ల్యాబ్.
  • హైదరాబాద్‌: నేరేడ్‌మెట్‌ అంబేద్కర్‌నగర్‌లో విషాదం. కరోనాతో వెంకటేష్‌ అనే వ్యక్తి మృతి. భర్త మృతిని తట్టుకోలేక భార్య ధనలక్ష్మి ఆత్మహత్య. బిల్డింగ్‌ పైనుంచి దూకి ఆత్మహత్య చేసుకున్న ధనలక్ష్మి.
  • విశాఖ చేరుకున్న అసోం రైఫిల్స్ జవాన్‌ బాబూరావు మృతదేహం. అసోం రైఫిల్స్ విధి నిర్వహణలో ప్రాణాలు కోల్పోయిన బాబూరావు. ఖోన్సా దగ్గర ఎదురుకాల్పుల్లో బాబూరావు మృతి. బాబూరావు స్వస్థలం శ్రీకాకుళం జిల్లా వజ్రపుకొత్తూరు. విశాఖ ఎయిర్‌పోర్ట్‌లో భద్రతా దళాల నివాళులు. బాబూరావు భౌతికకాయం స్వస్థలానికి తరలింపు.
  • మహబూబాబాద్‌: హత్యకు గురైన దీక్షిత్‌ తల్లి ఆవేదన. నా కొడుకును హత్యచేసిన నిందితులను ఎన్‌కౌంటర్‌ చేయాలి. ఇలాంటి ఉన్మాదులను ఎన్‌కౌంటర్‌ చేయకపోతే.. ఏ తల్లీ ధైర్యంగా పిల్లలను బయటకు పంపే పరిస్థితి ఉండదు. పిల్లవాడని చూడకుండా కిరాతకంగా చంపినవారికి తగిన శిక్ష విధించాలి. నిందితులను ఎన్‌కౌంటర్‌ చేస్తేనే నా కుమారుడి ఆత్మ శాంతిస్తుంది. -బాలుడు దీక్షిత్‌ తల్లి వసంత.

17కు పైగా సిమ్స్ నుంచి దివ్యను టార్చర్ పెట్టిన ఉన్మాది నాగేంద్రబాబు

vijayawada psycho lover nagendrababu torchured divya Tejaswi with more than 17 sim cads video, 17కు పైగా సిమ్స్ నుంచి దివ్యను టార్చర్ పెట్టిన ఉన్మాది నాగేంద్రబాబు

ఇద్దరం ఆత్మహత్య చేసుకోవాలని భావించే పీకలు కోసుకున్నాం అంటూ దివ్యతేజస్విని పొట్టనబెట్టుకున్న ప్రమోన్మాది నాగేంద్రబాబు చెబుతోన్న మాటలు డ్రామాలుగా తేలిపోతున్నాయి. ఇంజనీరింగ్ విద్యార్థిని దివ్య తేజస్వినిని నాగేంద్రబాబు ఎంత తీవ్రంగా వేధించిందీ దివ్య తన ఇస్టాలైవ్ లో అక్టోబర్ 3న పూసగుచ్చినట్టు వెల్లడించింది. దివ్య ఏమందో ఆమె మాట్లల్లోనే..

“అమ్మాయిలూ.. అబ్బాయిలతో చాలా జాగ్రత్తగా ఉండండి. మొదట్లో వారు మనతో చాలా సున్నితంగా ఉండి నమ్మిస్తారు. తర్వాత ముసుగులు తొలగిస్తారు. వారి సైకోయిజాన్ని, విలనిజాన్ని బయటపెడతారు. ప్రతి ఒక అమ్మాయి ఇలాంటి వారి విషయంలో అప్రమత్తంగా ఉండాలి. రెండున్నరేళ్ల కిందట వరకూ నేనూ ఓ వ్యక్తితో ప్రేమలో ఉన్నాను. అతనిలో తీవ్రస్థాయిలో విలనిజం, సైకోయిజం గుర్తించాను. ఆ బంధానికి స్వస్తి పలికి నా కెరీర్‌పై దృష్టి సారించాను. అది మొదలు అతడి నుంచి నాకు బెదిరింపు కాల్స్‌, మెసేజ్‌లు వెల్లువెత్తుతున్నాయి. అభద్రతా భావంతోనే ఫిర్యాదు చేయలేదు.. నాపై అతను చేస్తున్న దుష్ప్రచారంలోని విషయాలన్నీ నా దృష్టికి, మా కుటుంబసభ్యుల దృష్టికి వచ్చాయి. వారు నాకు అండగా నిలిచి, నేను ధైర్యంగా అడుగులేసేందుకు ప్రోత్సహించారు. దీంతో ఆ నరకం నుంచి తొందరగానే బయటపడ్డాను. అయితే అమ్మాయిగా నాకు కొంత అభద్రతాభావం ఉంది. అతడి నుంచి నా కుటుంబసభ్యులకు ఏమైనా ముప్పు ఉంటుందేమోనన్న ఆందోళన ఉంది. అందుకే పోలీసులకు ఫిర్యాదు చేయలేదు. బెదిరింపులు తీవ్రమైతే మాత్రం కచ్చితంగా ఫిర్యాదు చేస్తా. మా అన్నయ్య కూడా డిపార్ట్‌మెంట్‌లోనే ఉన్నాడు. నా స్నేహితుల్లోనే ఎవరో ఒకరు అతనికి సహకరిస్తున్నారు. నా పరిస్థితుల్లో వారే ఉంటే ఏం చేస్తారో ఆలోచించుకోవాలి. నన్ను ఇంజినీరింగ్‌ నుంచి డ్రాపవుట్‌ చేయించాలని చూశాడు. నేను నోరు మూసుకుని పడి ఉండేలా చేయాలనుకున్నాడు. నా కుటుంబాన్ని కూడా లక్ష్యంగా చేసుకున్నాడు. వాటన్నింటినీ నేను బలంగా ఎదుర్కొని బయటకు రాగలిగాను. ఇది నా తొలి అడుగు. లాక్‌డౌన్‌ మొదలైనప్పటి నుంచి నాకు అతని నుంచి బెదిరింపు కాల్స్‌, సందేశాలు వెల్లువెత్తాయి. అతని నంబర్‌ను బ్లాక్‌ చేశాను. వేర్వేరు నంబర్ల నుంచి కాల్స్‌ చేయటం మొదలుపెట్టాడు. ఇలా 17 నంబర్లు మార్చి కాల్స్‌ చేసి బెదిరించాడు. నేను అమ్మాయిని కాబట్టి దుష్ప్రచారం చేస్తే భయపడి ఊరుకుంటానని అనుకుంటున్నట్లున్నాడు. నేను ధైర్యంగా ఎదుర్కొంటాను.” అంటూ ఆ అమాయకురాలు పేర్కొంది. ఎంతో ఉజ్వల భవిష్యత్ ఉన్న ఆమె చివరికి మృగాడి అకృత్యానికి బలైపోయింది. దివ్య మాటలు దిగువున..

Related Tags