Viral Video: కాకి, కుండ కథను ఈ పక్షి ఎంత బాగా ఫాలో అయ్యిందో చూడండి.. దీని తెలివికి ఫిదా కాని వారంటూ ఉండరు..

Bird Viral Video

Viral Video: చిన్నప్పుడు మనం ‘తెలివైన కాకి’ కథ చదివే ఉంటాం. తీవ్ర దాహంతో బాధపడుతోన్న ఓ కాకికి ఎంత తిరిగినా నీటి జాడ దొరకదు. అంతలోనే దానికి ఓ కుండ కనిపిస్తుంది.. కానీ అందులో నీరు చాలా లోతులో ఉంటాయి. దీంతో ఎలాగైనా ఆ నీటిని పైకి తేవాలని భావించిన ఆ కాకి.. చుట్టుపక్కల ఉన్న రాళ్లను ఏరుకొని కుండలో వేస్తుంది. దీంతో నీరు పైకి రాగానే తాగేసి.. తుర్రుమని ఎగిరిపోతుంది. ఇదంతా పిల్లల్లో విజ్ఞానాన్ని పెంపొందించడానికి, సైన్స్‌పై అవగాహన కల్పించడానికి రాసిన ఓ కథ. అయితే ఇదే తంతు నిజ జీవితంలో జరిగితే.. ఏంటి పక్షులకు అంత తెలివి నిజంగా ఉండదు కదా.? అని అంటారా.. అయితే ఈ వీడియో చూసిన తర్వాత మీ ఆలోచన కచ్చితంగా మార్చుకుంటారు.

దాహం కోసం తిరుగుతోన్న ఓ పక్షికి నీటితో ఉన్న బాటిల్‌ కనిపిస్తుంది. నీరు తాగుదామని ప్రయత్నించగా అచ్చం మన ‘తెలివైన కాకి’ కథలో లాగా ఈ పక్షికి కూడా నీరు అందలేదు. దీంతో వెంటనే పక్కన ఉన్న రాళ్లను అందులో వేసింది. దీంతో నీరు పైకి వచ్చింది.. అలా వచ్చిన నీటిని తాగిన పక్షి తుర్రుమని అక్కడి నుంచి వెళ్లిపోయింది. దీనంతంటినీ అక్కడే ఉన్న ఓ వ్యక్తి కెమెరాలో చిత్రీకరించి సోషల్‌ మీడియాలో పోస్ట్‌ చేశారు. దీంతో ప్రస్తుతం ఈ వీడియో నెట్టింట తెగ వైరల్‌గా మారింది. ఈ వీడియో చూసిన నెటిజన్లు పక్షి తెలివికి ఫిదా అవుతున్నారు. మరి ఈ వీడియోపై మీరూ ఓ లుక్కేయండి..

Also Read: Aryan Khan: షారుక్ ఖాన్‌కు మరోసారి నిరాశ.. కొడుకు ఆర్యన్ ఖాన్ మరోరాత్రి జైలులోనే..

WI vs BAN, T20 World Cup 2021: ఉత్కంఠ మ్యాచులో వెస్టిండీస్ విజయం.. సెమీస్ ఆశలు సజీవం.. పోరాడి ఓడిన బంగ్లా..!

Monal Gajjar: తనదైన అందంతో ఎట్రాక్ట్ చేస్తున్న గుజరాతి అమ్మడు ‘మోనాల్ గజ్జర్’ న్యూ ఫొటోస్…