Video: నిద్రలో పెట్రోల్‌ బంక్‌లో పనిచేసే వ్యక్తి.. సడెన్‌గా ఇద్దరొచ్చి..! భయం పుట్టే సీన్‌..

ఇద్దరు దొంగలు పెట్రోల్ పంప్ సిబ్బందిని కత్తితో బెదిరించి, వారి నోటికి టేపులు బిగించి, ఆఫీసు అల్మారా తాళం పగలగొట్టి, దాదాపు రూ.1.25 లక్షలను దోచుకున్నారు. ఈ ఘటన రాజస్థాన్‌లోని బరాన్ జిల్లాలోని అంబికా పెట్రోల్ పంప్‌లో చోటు చేసుకుంది. సోమవారం ఉదయం ముసుగు ధరించిన దుండగులు ఈ దోపిడీకి పాల్పడ్డారు. అక్కడ ఉన్న డబ్బు మొత్తం దోచుకున్న తర్వాత దొంగలు అక్కడి నుండి పారిపోయారు.

సిబ్బంది తమను తాము విడిపించుకుని వెంటనే పెట్రోల్ పంప్ యజమానికి సమాచారం అందించారు. కొద్దిసేపటికే పోలీసులు వచ్చి అధికారిక దర్యాప్తు ప్రారంభించారు. ఈ సంఘటన మొత్తం స్టేషన్‌లోని సీసీటీవీ కెమెరాలలో రికార్డైంది, ఈ దృశ్యాలు సోషల్ మీడియాలో వైరల్ అయ్యాయి.