సునామీ అలర్ట్! జాగ్రత్తగా ఉండాలని హెచ్చరిక!
Updated on: Apr 22, 2026 | 1:55 PM
ప్రకృతి వైపరీత్యాలు ఆ దేశంపై విరుచుకుపడటం చూస్తాం. పసిఫిక్ రింగ్ ఆఫ్ ఫైర్ లాంటి ప్రమాదకర ప్రాంతంలో ఉన్నందున జపాన్కు అన్ని వేళలా ప్రమాదం పొంచి ఉంది. తాజాగా జపాన్ దేశాన్ని భారీ భూకంపం వణికించింది. రిక్టర్ స్కేలుపై 7.4 తీవ్రతతో సంభవించిన భూప్రకంపనల ధాటికి అక్కడి ప్రజలు ప్రాణభయంతో వణికిపోయారు. భూమి ఒక్కసారిగా కంపించడంతో భవనాలు ఊగిపోయాయి, వస్తువులు చెల్లాచెదురుగా పడిపోయాయి.
40 నిమిషాల తర్వాత ఇవాటె పోర్ట్ను సునామీ తాకింది. తీర ప్రాంతాల ప్రజలను అప్రమత్తం చేస్తూ అధికారులు సునామీ హెచ్చరికలు జారీ చేసారు. సముద్ర అలలు భారీ ఎత్తున ఎగిసిపడే ప్రమాదం ఉన్నందున తక్షణమే తీర ప్రాంత ప్రజలు సురక్షిత ప్రాంతాలకు తరలి వెళ్లాలని యంత్రాంగం ఆదేశించింది. పసిఫిక్ సముద్ర తీర ప్రాంతాల్లో అలల ఉధృతి ఎక్కువ కావడం ప్రజలను భయపెట్టింది. భూకంప కేంద్రం సముద్ర గర్భంలో ఉండటం వల్ల ముప్పు తీవ్రత ఎక్కువగా ఉండే అవకాశం ఉందని భావిస్తున్నారు. ప్రస్తుతం ప్రభావిత ప్రాంతాల్లో రక్షణ చర్యలు చేపడుతూ జపాన్ ప్రభుత్వం హై అలర్ట్ జారీ చేసింది. భూకంప కేంద్రం నుంచి ప్రకంపనలు దేశవ్యాప్తంగా పలు నగరాల్లో విస్తరించాయి. టోక్యోలోని ఎత్తైన కట్టడాలు ఆ ధాటికి కదిలిపోయాయి. రైలు విమాన సర్వీసుల్ని నిలిపేసారు. విద్యుత్ సరఫరాలో అంతరాయంతో వేలాది ఇళ్లు అంధకారంలో మునిగిపోయాయి. అణు విద్యుత్ కేంద్రాల వద్ద పరిస్థితిని నిపుణులు నిశితంగా పరిశీలిస్తున్నారు. ఇప్పటివరకు ప్రాణనష్టంపై స్పష్టమైన సమాచారం రాకపోయినప్పటికీ, ఆస్తి నష్టం భారీగా ఉండొచ్చని అంచనా.
మరిన్ని వీడియోల కోసం :
సడన్గా సైలెంట్ అయిన డార్లింగ్.. రీజనేంటి?
పూరి @26..మళ్లీ బౌన్స్ బ్యాక్ అవుతారా..?
పాన్ ఇండియా హిట్ వరమా..శాపమా?
అమెరికా పట్టుకున్న ఇరాన్ నౌకతో చైనా గుట్టురట్టు?
సునామీ అలర్ట్! జాగ్రత్తగా ఉండాలని హెచ్చరిక!
అది క్రికెట్ గ్రౌండా?క్షుద్రపూజల వేదికా?
తెలుగు రాష్ట్రాల్లో ప్రకృతి విలయం..ఇటు వడగళ్ల వాన, అటు వడగాల్పుల
భారత్లో నెల సంపాదన.. విదేశాల్లో ఒక్క రోజులో వస్తోంది..
వస్తువులొద్దు.. జ్ఞాపకాలు కావాలంటున్న జెన్ జీ
పరిశోధనలో బయటపడిన 2,000 ఏళ్ల నాటి 'మెషిన్ గన్'
