ఓరి దేవుడో.. మూడు రోజులుగా ఇంట్లోనే మకాం వేసిన ఎలుగుబంటి.. చివరకు ఏం చేసిందంటే..
ఛత్తీస్గఢ్లోని బాలోద్ జిల్లాలో ఓ ఎలుగుబంటి మూడు రోజులు ఖాళీ ఇంట్లో మకాం వేసింది. అటవీ శాఖ అధికారుల ప్రాణాలను పణంగా పెట్టిన లోపభూయిష్టమైన రెస్క్యూ ఆపరేషన్ ఇది. భద్రతా ఏర్పాట్లు లేకుండానే బరిలోకి దిగిన సిబ్బందిపై ఎలుగుబంటి దాడి చేసింది. ఈ ఘటన రెస్క్యూ ఆపరేషన్లలో భద్రతా ప్రమాణాల ప్రాధాన్యతను గుర్తుచేస్తోంది.
ఛత్తీస్గఢ్లోని బాలోద్ జిల్లా, సింగోలా గ్రామంలో జరిగిన ఒక ఘటన దేశవ్యాప్తంగా సంచలనం సృష్టిస్తోంది. ధర్మూరామ్ కుల్దీప్ అనే వ్యక్తికి చెందిన ఖాళీ ఇంట్లో ఒక భారీ ఎలుగుబంటి మూడు రోజుల పాటు తలదాచుకుంది. ఇంటి నుంచి వింత శబ్దాలు రావడంతో గ్రామస్తులు అటవీ శాఖ అధికారులకు సమాచారం అందించారు. సమాచారం అందుకున్న అటవీ శాఖ సిబ్బంది హుటాహుటిన ఘటనా స్థలానికి చేరుకున్నారు. అయితే, ఇక్కడే వారి నిర్లక్ష్యం బయటపడింది. వన్యప్రాణులను బంధించడానికి అవసరమైన సేఫ్టీ గేర్, ట్రాంక్విలైజర్ గన్స్, ప్రత్యేక పంజరాలు వంటి కనీస రక్షణ ఏర్పాట్లు లేకుండానే సిబ్బంది ఆపరేషన్కు దిగారు. ఇంట్లోకి ప్రవేశించిన సిబ్బందిని చూసి ఉగ్రరూపం దాల్చిన ఎలుగుబంటి డిప్యూటీ రేంజర్ నీలకంఠు సాహుపై దాడి చేసింది. సాహు స్వల్ప గాయాలతో తృటిలో తప్పించుకున్నారు. ఈ ఘటన అటవీ శాఖ పనితీరుపై అనేక ప్రశ్నలను లేవనెత్తుతోంది. సిబ్బంది భద్రతను విస్మరించి, వారికి తగిన శిక్షణ, పరికరాలు లేకుండా ఇలాంటి ప్రాణాంతక ఆపరేషన్లకు పంపడంపై విమర్శలు వెల్లువెత్తుతున్నాయి.
మరిన్ని వీడియోల కోసం :