Telangana Rains: తెలంగాణలో వర్షాలు ఇంకా ఎన్ని రోజులు..? వాతావరణ శాఖ అధికారి ఏం చెప్పారంటే..

తెలంగాణలోని అనేక ప్రాంతాల్లో కురుస్తున్న భారీ వర్షాలకు సంబంధించి వాతావరణ శాఖ అధికారి శ్రీనివాస్ రావు టీవీ9తో మాట్లాడారు. గత రెండు రోజుల్లో కామారెడ్డి, మెదక్, నిర్మల్ జిల్లాల్లో 60 సెంటిమీటర్లకు పైగా వర్షపాతం నమోదైందని తెలిపారు. ప్రస్తుతం తీవ్ర అల్పపీడనం బలహీనపడినప్పటికీ, ఉత్తర, ఈశాన్య తెలంగాణ జిల్లాల్లో ఇంకా వర్షాలు కొనసాగుతాయని, 10 నుంచి 20 సెంటీమీటర్ల అతి భారీ వర్షపాతం కొన్ని ప్రాంతాల్లో సంభవించే అవకాశం ఉందని హెచ్చరించారు. కొమురంభీం, మంచిర్యాల, భూపాలపల్లి, ములుగు జిల్లాల్లో భారీ వర్షాలకు అవకాశం ఉందని, హైదరాబాద్‌లో మేఘావృత వాతావరణం కొనసాగుతుందని, సాయంత్రం వర్షం కురిసే అవకాశం ఉందని తెలిపారు. వాతావరణ శాఖ హెచ్చరికలను పాటించి జాగ్రత్తలు తీసుకోవాలని సూచించారు.