ఇంజనీరింగ్‌ చేయని ఇంజనీర్‌.. ఎగిరే కారును సృష్టించిన యువకుడు

చదువుకు, సృజనాత్మకతకు ఎలాంటి సంబంధం లేదని నిరూపించే అద్భుత సంఘటన ఉత్తరాఖండ్‌లో చోటుచేసుకుంది. అల్మోరా జిల్లాకు చెందిన రవి తమ్తా ఎలాంటి ఇంజనీరింగ్ విద్య అభ్యసించకపోయినా, కేవలం తన ఆసక్తి, పట్టుదలతో ఎగిరే ఎలక్ట్రిక్ కారును రూపొందించి అందరినీ ఆశ్చర్యపరిచాడు. కేవలం ఇంటర్నెట్‌ను గురువుగా భావించి, 13 ఏళ్ల పాటు నిరంతరం శ్రమించి ఈ అద్భుత ఆవిష్కరణను సాధించాడు. ఉత్తరాఖండ్‌లోని కొండ ప్రాంతాల్లో ఉండే ప్రయాణ కష్టాలే రవిని ఈ ఆలోచన వైపు నడిపించాయి. ముఖ్యంగా అనారోగ్యంతో బాధపడేవారు ఆసుపత్రికి చేరుకోవడానికి మెలికలు తిరిగే రోడ్లపై పడుతున్న ఇబ్బందులను చూసి చలించిపోయాడు. ఈ సమస్యకు శాశ్వత పరిష్కారంగా 2015లో ఒక ఎగిరే కారును తయారు చేయాలని నిర్ణయించుకున్నాడు. తన కలలను సాకారం చేసుకునేందుకు ‘హపిడా స్కై ప్రైవేట్ లిమిటెడ్’ అనే సంస్థను కూడా ప్రారంభించాడు. రవి తండ్రి ఒక సాధారణ మెకానిక్. రవి బీఏ పూర్తి చేశాడు. ఇంజనీరింగ్ డిగ్రీ కానీ, ప్రత్యేక ల్యాబ్ సౌకర్యాలు కానీ అతనికి లేవు. ఇంటర్నెట్ సమాచారమే అతడికి పెద్ద యూనివర్సిటీగా మారింది. డ్రోన్ టెక్నాలజీ ఆధారంగా తయారైన ఈ కారుకు ‘హపిడా స్కైనెక్స్’ అని పేరు పెట్టాడు. దీనికి రన్‌వే అవసరం లేకుండా నిలువుగా టేకాఫ్ మరియు ల్యాండింగ్ అవగల ప్రత్యేకత ఉంది. తేలికపాటి ఫ్రేమ్‌తో రూపొందిన ఈ ఎలక్ట్రిక్ వాహన టెస్ట్ ఫ్లైట్ విజయవంతమైంది. అయితే, ఇది ప్రాథమిక విజయమేనని, ప్రయాణికులను తీసుకెళ్లడానికి మరియు వాణిజ్య అవసరాల కోసం డీజీసీఏ వంటి సంస్థల నుంచి మరిన్ని భద్రతా అనుమతులు పొందాల్సి ఉందని రవి తెలిపారు. రవికి ఇది మొదటి ఆవిష్కరణ కాదు. గతంలో మొబైల్ ఛార్జ్ చేసే బూట్లు, అంధుల కోసం స్మార్ట్ స్టిక్, ఫైర్ ఎక్స్‌టింగ్విషర్ వంటి అనేక అద్భుతాలను తయారు చేసి తన ప్రతిభ చాటుకున్నారు. పట్టుదల ఉంటే డిగ్రీలతో సంబంధం లేకుండా ఎవరైనా అద్భుతాలు సృష్టించవచ్చని ఆయన నిరూపించారు.

మరిన్ని వీడియోల కోసం ఇక్కడ క్లిక్ చేయండి

Also Watch:

ఈ వీడియో చూస్తే కన్నీళ్లు ఆగవు!

ఓడిన సర్పంచ్‌కి గ్రామస్తులు సత్కారం!

WhatsApp: వాట్సాప్ నుంచే ఇన్‌స్టా రీల్స్ షేర్.. అదిరిపోయే కొత్త ఫీచర్!

దీపావళికి ముఖం పాడవుతుందా? ఈ 5 టిప్స్ మిస్ అయితే నష్టపోతారు!

ఈ బుడ్డోడు మామూలోడు కాదు.. పుడుతూనే మీసాలతో పుట్టాడుగా!