బుల్లెట్ ట్రైన్లో టీమ్ ఇండియా.. ఆటగాళ్ల రియాక్షన్ చూస్తే
ఆసియా క్రీడలు 2026లో స్వర్ణ పతకాన్ని నిలబెట్టుకునే లక్ష్యంతో బరిలోకి దిగిన టీమిండియా జపాన్లో బుల్లెట్ ట్రైన్ ప్రయాణాన్ని ఆస్వాదించింది. శ్రేయస్ అయ్యర్ నేతృత్వంలోని భారత జట్టు టోక్యో నుంచి నగోయాకు నోజోమి షింకాన్సెన్లో ప్రయాణించింది. ఈ ప్రయాణానికి సంబంధించిన వీడియోను భారత క్రికెట్ జట్టు ఇన్స్టాగ్రామ్లో పంచుకుంది. సెప్టెంబర్ 28న ఆఫ్ఘనిస్థాన్తో క్వార్టర్ ఫైనల్ ఆడాల్సి ఉంది.
ఆసియా క్రీడలు 2026లో తమ స్వర్ణ పతకాన్ని నిలబెట్టుకునేందుకు సిద్ధమైన భారత పురుషుల క్రికెట్ జట్టు జపాన్లో సరికొత్త అనుభూతిని పొందింది. శ్రేయస్ అయ్యర్ నేతృత్వంలోని టీమిండియా ఆటగాళ్లు టోక్యో నుంచి నగోయాకు జపాన్ అత్యంత వేగవంతమైన ‘నోజోమి షింకాన్సెన్’ అనే బుల్లెట్ ట్రైన్లో ప్రయాణించారు. ఈ సరదా ప్రయాణానికి సంబంధించిన వీడియోను భారత క్రికెట్ జట్టు తమ అధికారిక ఇన్స్టాగ్రామ్ ఖాతాలో పంచుకోగా, అది నెట్టింట బాగా వైరల్ అవుతోంది. “టోక్యో నుంచి నగోయాకు ‘బుల్లెట్’ స్పీడ్తో ప్రయాణం.. అంతా పాజిటివ్ వైబ్స్” అనే క్యాప్షన్తో పోస్ట్ చేసిన ఈ వీడియోలో ఆటగాళ్లు రైలు వేగానికి ఆశ్చర్యపోతూ ఎంతో ఉత్సాహంగా కనిపించారు. ఈ అనుభవం కీలక మ్యాచ్కు ముందు వారిలో సరికొత్త ఉత్సాహాన్ని నింపింది. డిఫెండింగ్ ఛాంపియన్గా బరిలోకి దిగుతున్న భారత్, సెప్టెంబర్ 28,సోమవారం నిషిన్లో జరిగే క్వార్టర్ ఫైనల్ మ్యాచ్లో ఆఫ్ఘనిస్థాన్తో తలపడనుంది. పాకిస్థాన్, బంగ్లాదేశ్, శ్రీలంక జట్లతో పాటు భారత్ కూడా నేరుగా క్వార్టర్స్కు అర్హత సాధించింది. 2023 హాంగ్జౌ ఆసియా క్రీడల్లో స్వర్ణం సాధించిన భారత్, ఈసారి కూడా టైటిల్ నిలబెట్టుకోవాలనే పట్టుదలతో ఉంది. ఇప్పటికే భారత మహిళల జట్టు ఫైనల్లో శ్రీలంకపై 147 పరుగుల తేడాతో గెలిచి స్వర్ణ పతకం సాధించడం పురుషుల జట్టుకు మరింత స్ఫూర్తినిస్తోంది. శ్రేయస్ అయ్యర్ సారథ్యంలోని ఈ జట్టులో సంజూ శాంసన్, ఇషాన్ కిషన్, శివమ్ దూబే, తిలక్ వర్మ, జస్ప్రీత్ బుమ్రా వంటి కీలక ఆటగాళ్లు ఉన్నారు.
మరిన్ని వీడియోల కోసం ఇక్కడ క్లిక్ చేయండి
Also Watch:
PM-KISAN: రైతులకు దసరా ధమాకా.. ఆ రోజే అకౌంట్లలోకి పీఎం కిసాన్ డబ్బులు
Anant Ambani: ఆపదలో ఉన్న అన్నదాతకు అనంత్ అంబానీ సాయం
ఏఐ ఎంత పని చేసింది.. స్కూటర్పై వెళ్తున్న వ్యక్తికి భారీ చలాన్!