ఆ ఒక్క మార్పుతో రెచ్చిపోతోన్న కోహ్లీ.. కింగ్ బ్యాటింగ్ సీక్రెట్ చెప్పేసిన గిల్

వెస్టిండీస్‌తో జరిగిన తొలి వన్డేలో భారత క్రికెట్ జట్టు ఎనిమిది వికెట్ల తేడాతో ఘన విజయం సాధించింది. ఈ మ్యాచ్‌లో విరాట్ కోహ్లీ తన 55వ వన్డే శతకాన్ని నమోదు చేసి రికార్డు సృష్టించాడు. మరోవైపు కెప్టెన్ శుభ్‌మన్ గిల్ కూడా సెంచరీతో ఆకట్టుకున్నాడు. 108 బంతుల్లో 13 ఫోర్లు, ఒక సిక్స్‌తో 110 పరుగులు చేసిన గిల్, మ్యాచ్‌ను చివరి వరకు ఆడాలని భావించినట్లు చెప్పాడు. తాను ఔటైన సమయంలో మ్యాచ్‌ను ముగించి ఉంటే బాగుండేదని అభిప్రాయపడ్డాడు. ఈ సందర్భంగా విరాట్ కోహ్లీ ప్రస్తుతం బ్యాటింగ్ చేస్తున్న విధానంపై శుభ్‌మన్ గిల్ ఆసక్తికర వ్యాఖ్యలు చేశాడు. కోహ్లీ ఆటను మరింత ఆస్వాదిస్తూ స్వేచ్ఛగా ఆడుతున్నాడని గిల్ పేర్కొన్నాడు. బౌండరీలు సాధించే సామర్థ్యం అతడికి ఎప్పుడూ ఉందని, ఇప్పుడు అదే మరింత స్పష్టంగా కనిపిస్తోందని వివరించాడు. కోహ్లీకి ఇలాంటి స్వేచ్ఛ ఇవ్వడమే సరైనదని గిల్ అభిప్రాయపడ్డాడు. దేశం కోసం ఎన్నో మ్యాచ్‌లు గెలిపించిన ఆటగాడిని అతని సహజ శైలిలోనే ఆడనీయాలని, అతడు బాగా ఆడితే మ్యాచ్‌ను గెలిపించే సామర్థ్యం ఉందని కెప్టెన్ స్పష్టం చేశాడు. భారత జట్టు ఎనిమిదవ బ్యాటింగ్ స్థానాన్ని కూడా పరిశీలిస్తోందని గిల్ తెలిపాడు. ఆ స్థానంలో కనీసం 25 నుంచి 30 పరుగులు చేయగల ఆటగాడు ఉండాలని గిల్ అభిప్రాయపడ్డాడు. 250 పరుగుల వద్ద ఐదు వికెట్లు కోల్పోయిన తర్వాత ఆశించిన స్కోరు సాధించలేకపోయిన సందర్భాలు ఉన్నాయని గుర్తు చేశాడు. అందుకే నంబర్ 8 స్థానం కీలకమని చెప్పాడు. భిన్నమైన కాంబినేషన్లు పరీక్షించి జట్టుకు ఏది సరిపోతుందో చూడనున్నట్లు శుభ్‌మన్ గిల్ స్పష్టం చేశాడు.

మరిన్ని వీడియోల కోసం ఇక్కడ క్లిక్ చేయండి

Also Watch:

ఒడిలో చిన్నారి.. కళ్లలో కన్నీళ్లు.. విమానంలో తల్లి నరకయాతన…సంస్థ ఇచ్చిన పరిహారం ఎంతో తెలుసా?

Asian Games 2026: ఏషియన్‌ క్రీడల్లో గుల్వీర్ సింగ్ మెరుపు.. 1500 మీటర్లలో రజతం కైవసం!

ప్రాణాలు తోడేస్తున్న.. వివాహేతర సంబంధాలు

షాకింగ్ సైబర్ క్రైమ్! డెంటల్‌ డాక్టర్‌కు ఫేస్‌బుక్‌లో లేడీ వల.. రూ.14.61 కోట్లు గోవిందా

భారతీయ భోజనం మానేశాకే ఫిట్‌గా అయ్యాను!