Sivakarthikeyan: టాలీవుడ్‌పై కోలీవుడ్ హీరో ఆసక్తికర వ్యాఖ్యలు

తాజాగా కోలీవుడ్ హీరో శివకార్తికేయన్ తెలుగు సినిమా పరిశ్రమను ప్రశంసించడం చర్చనీయాంశమైంది. సెప్టెంబర్ 5న విడుదల కానున్న ఆయన సినిమా “మద్రాస్” ప్రీ-రిలీజ్ వేడుకలో మాట్లాడుతూ, తెలుగు సినిమాలు వెయ్యి కోట్లకు పైగా వసూళ్లు సాధించడానికి కారణం అద్భుతమైన కంటెంట్ అని పేర్కొన్నారు. ఇటీవల మురుగదాస్ చేసిన వ్యాఖ్యలను దృష్టిలో ఉంచుకుని శివకార్తికేయన్ ఈ వ్యాఖ్యలు చేయడం గమనార్హం. మురుగదాస్ వెయ్యి కోట్ల సినిమాలను విమర్శిస్తూ తమిళ దర్శకులు మరింత విద్యావంతులు అని, తెలుగు సినిమాలు ఎంటర్టైన్మెంట్ మాత్రమే అందిస్తున్నాయని వ్యాఖ్యానించారు. ఈ వ్యాఖ్యలతో “మద్రాస్” సినిమాపై నెగెటివిటీ వచ్చిన నేపథ్యంలో శివకార్తికేయన్ తన ప్రశంసలతో ఆ నెగెటివిటీని తగ్గించే ప్రయత్నం చేశారని అనిపిస్తుంది.